ភាពតានតឹងកើតមានរវាងប្រធានាធិបតីតួកគី លោករីស៊ីប តៃយីបអ័រដូហ្គាន និងប្រទេសអឺរ៉ុបមួយចំនួន ។
ពេលកំពុងធ្វើយុទ្ធនាការពេញបន្ទុកសម្រាប់គម្រោងបោះប្រជាមតិលើ
ភាពតានតឹងកើតមានរវាងប្រធានាធិបតីតួកគី លោករីស៊ីប តៃយីបអ័រដូហ្គាន និងប្រទេសអឺរ៉ុបមួយចំនួន ។
ពេលកំពុងធ្វើយុទ្ធនាការពេញបន្ទុកសម្រាប់គម្រោងបោះប្រជាមតិលើការពង្រីកអំណាចរបស់លោកប្រធានាធិបតីតួកគីបានឃើញមីទ្ទីងមួយចំនួនរបស់លោកត្រូវលុបចោល ។ អាជ្ញាធរអាល្លឺម៉ង់បានលុបចោលជាពិសេសមីទ្ទីង២ ក្នុងបណ្តាទីក្រុងអាល្លឺម៉ង់នាសប្តាហ៍នេះ ខណៈមានជនជាតិតួកគីដល់ទៅ៣លាននាក់រស់នៅអាល្លឺម៉ង់ ។
ក្នុងអង្គមីទ្ទីងមួយនាទីក្រុងអីុស្តង់ប៊ុល លោករីស៊ីប តៃយីបអ័រដូហ្គានមានប្រតិកម្មថា ពួកអាល្លឺម៉ង់ពួកអ្នកឯងពុំបានធ្វើអ្វីសោះពីលទ្ធិប្រជាធិបតេយ្យ ហើយទង្វើរបស់ពួកអ្នកឯងពុំខុសគ្នានឹងទង្វើរបស់ពួកណាហ្ស៊ីឡើយ ។ ខ្ញុំគិតថា អាល្លឺម៉ង់បានបោះបង់ចោលចាប់តាំងពីយូរមកហើយ នូវទង្វើទាំងនេះ ។ យើងពិតជាគិតខុសមែន ។
ចំណែកអធិការបតីអូទ្រីស លោក CHRISTIAN KERN កាលពីថ្ងៃទី៥ មីនា អំពាវនាវឱ្យហាមឃាត់ក្នុងសហភាពអឺរ៉ុបទាំងមូល បណ្តាកិច្ចប្រជុំឃោសនាបោះឆ្នោតរបស់ពួកអ្នកនយោបាយតួកគី ។
ក្នុងបទសម្ភាសន៍មួយជាមួយកាសែត WELT AM SONNTAG លោក CHRISTIAN KERN វាយតម្លៃថា ការបង្កើតរបបប្រធានាធិបតីនៅតួកគីនឹងធ្វើឱ្យខ្សោយដល់នីតិរដ្ឋ នឹងកម្រិតការបែងចែកអំណាច ហើយនឹងធ្វើផ្ទុយពីបណ្តាតម្លៃរបស់សហភាពអឺរ៉ុប ។
លោកបន្តថា តួកគីដើរឃ្លាតកាន់តែឆ្ងាយពីអឺរ៉ុបរយៈពេលប៉ុន្មានឆ្នាំចុងក្រោយនេះ ។ សិទ្ធិមនុស្ស និងបណ្តាតម្លៃលទ្ធិប្រជាធិបតេយ្យត្រូវជាន់ឈ្លី ។ សេរីភាពសារព័ត៌មានក្លាយជាពាក្យចម្លែកមួយ ។ លោកស្នើឱ្យបញ្ចប់ការពិភាក្សាពីការចូលរបស់តួកគីក្នុងសហភាពអឺរ៉ុប ៕
ចែករំលែកព័តមាននេះ