ក្រោយពីបានលេចឮព័ត៌មានថា ក្លិបកាំភ្លើងធំ Arsenal គ្រោងបញ្ចប់កុងត្រាជាមួយកីឡាករ Alexis Sanchez រួចមក សារព័ត៌មានអ៊ីតាលី Corriere dello Sport ចេញផ្សាយនាពេលថ្មីៗនេះថា ក្លិប Juventus បានត្រៀមទឹកប្រាក់ជាង30លានដុល្លារ សម្រាប់នាំយក Sanchez ពីក្លិប Arsenal ដែលកុងត្រាចាស់របស់ខ្សែប្រយុទ្ធសញ្ញាតិស៊ីលីរូបនេះ នឹងត្រូវបញ្ចប់នៅរដូវក្តៅឆ្នាំ 2018 ខាងមុខ ។
ទន្ទឹមនឹងភាពស្រពេចស្រពិលជុំវិញអនាគតរបស់ខ្លួនក្នុងក្លិប Arsenal នេះ លោក Ian Wright វិរៈក្លិបកាំភ្លើងធំ ក៏បានជម្រុញឱ្យខ្សែប្រយុទ្ធរូបនេះចាកចេញពី Arsenal ផងដែរ បន្ទាប់ពី Sanchez មិនបានជាប់ក្នុងជម្រើសកីឡាករ11នាក់ដំបូងពេល Arsenal ប៉ះហង្សក្រហម Liverpool កាលពីថ្ងៃសៅរ៍ កន្លងទៅ ។
គេសង្កេតឃើញថា ភាពចម្រូងចម្រាសនេះ ផ្តើមចេញពីការទាមទារតម្លើងប្រាក់សប្តាហ៍របស់កីឡាករវ័យ 28ឆ្នាំរូបនេះ ឱ្យបានយ៉ាងហោចណាស់ចំនួន30ម៉ឺនដុល្លារក្នុងមួយសប្តាហ៍ ខណៈក្លិប Arsenal បានដាក់សំណើរទៅវិញត្រឹម22ម៉ឺនដុល្លារក្នុងមួយសប្តាហ៍ប៉ុណ្ណោះ ។
ចែករំលែកព័តមាននេះ