ខេត្តស្វាយរៀង ៖ មានគ្រោះថ្នាក់ចរាចរណ៍២កន្លែងផ្សេងគ្នាបណ្តាលឲ្យនាយនគបាលថ្នាក់វរសេនីយ៍ត្រីម្នាក់ស្លាប់ពេលដឹកទៅដល់មន្ទីរពេទ្យខេត្ត និង៤នាក់ផ្សេងទៀតរបួសធ្ងន់ធ្ងរបាក់ជើង បាក់ដៃ និងបែកក្បាលសន្លប់នៅនឹងកន្លែង មូលហេតុជិះម៉ូតូបុកជាមួយម៉ូតូ កាលពីវេលាម៉ោង៤និង៣០នាទីរសៀលថ្ងៃទី៤ មីនា២០១៧ ។
ខេត្តស្វាយរៀង ៖ មានគ្រោះថ្នាក់ចរាចរណ៍២កន្លែងផ្សេងគ្នាបណ្តាលឲ្យនាយនគបាលថ្នាក់វរសេនីយ៍ត្រីម្នាក់ស្លាប់ពេលដឹកទៅដល់មន្ទីរពេទ្យខេត្ត និង៤នាក់ផ្សេងទៀតរបួសធ្ងន់ធ្ងរបាក់ជើង បាក់ដៃ និងបែកក្បាលសន្លប់នៅនឹងកន្លែង មូលហេតុជិះម៉ូតូបុកជាមួយម៉ូតូ កាលពីវេលាម៉ោង៤និង៣០នាទីរសៀលថ្ងៃទី៤ មីនា២០១៧ ។
បើតាមសមត្ថកិច្ចគបាលក្រុងស្វាយរៀងបានឲ្យដឹងថា ករណីទី១កើតឡើងនៅចំណុចច្រមុះជ្រូករូបសឹង្ហ ស្ថិតនៅភូមិឃោសាង សង្កាត់ស្វាយតឿ ក្រុងស្វាយរៀងរវាងម៉ូតូ និងម៉ូតូ បណ្តាលឲ្យជនរងគ្រោះឈ្មោះ សូ សាកៀង ភេទប្រុស អាយុ៥១ឆ្នាំ ជាមន្ត្រីនគបាលឋានន្តរសក្តិវរសេនីយ៍ត្រី តួនាទីជាអនុវរៈនគបាលការពារព្រំដែនលេខ៦០៩ នៃស្នងការដ្ឋាននគបាលខេត្តមានទីលំនៅភូមិអូក្អាម ឃុំសំបួរស្រុកស្វាយទាប របួសក្បាលផុងលលាដ៌ធ្ងន់ធ្ងរស្លាប់ពេលបញ្ជូនទៅដល់មន្ទីរពេទ្យខេត្ត រីឯភាគីម្ខាងទៀតឈ្មោះ វ៉ា វណ្ណាលីន ភេទស្រី អាយុ៣៥ឆ្នាំ ជាកម្មការនីរោងចក្រ មានទីលំនៅភូមិស្វាយ សង្កាត់ចេក ក្រុងស្វាយរៀង របួសក្បាលធ្ងន់ធ្ងរនិងបាក់ជើងខាងស្តាំ សន្លប់នៅនឹងកន្លែង ។
ប្រភពសមត្ថកិច្ចបន្តទៀតថា មុនពេលកើតហេតុគេឃើញស្ត្រីរងគ្រោះជិះម៉ូតូចេញពីធ្វើការតាមផ្លូវជាតិលេខ១ពីលិចមកកើតលុះមកដល់ចំណុចច្រមុះជ្រូករូបសឹង្ហក៏បត់ឆ្វេងចូលមកផ្លូវលេខ១ចាស់ ស្របពេលនោះក៏មានម៉ូតូមួយគ្រឿងទៀតបើកបរដោយលោកវរសេនីយ៍ត្រី សូសា កៀង អនុវរៈនគបាលការពារព្រំដែនលេខ៦០៩ បើកម៉ូតូពីទិសខាងលិចទៅកើតបញ្ច្រាស់ទិសគ្នា យ៉ាងលឿនក៏ជ្រុលទៅបុកគ្នាពេញទំហឹងបណ្តាលឲ្យដួលម៉ូតូខ្ទាតមនុស្សបោកទៅបុកឃឿនចិញ្ចើមថ្នល់ បណ្តាលឲ្យរបួសក្បាលផុងលលាដ៌ធ្ងន់ធ្ងរបានស្លាប់ពេលបញ្ជូនទៅដល់មន្ទីរពេទ្យខេត្ត ។ ម៉ូតូទាំងពីសមត្ថកិច្ចយកទៅរក្សាទុកនៅការិយាល័យនគបាលចរាចរណ៍ស្នងការនគបាលខេត្តដើម្បីដោះស្រាយតាមច្បាប់ ។
ករណីទី២កើតឡើងនៅវេលាម៉ោង៤និង៣០នាទីនៅលើកំណាត់ផ្លូវជាតិលេខ១ខាងមុខក្លោងទ្វាវត្តបន្ទាយ ស្ថិតនៅភូមិបន្ទាយ ឃុំកណ្តៀងរាយ ស្រុកស្វាយទាប បណ្តាលឲ្យរបួសធ្ងន់ធ្ងរទាំងសងខាងបាក់ជើង បែកក្បាលធ្ងន់ធ្ងរទាំងបីនាក់ ។
បើតាមសមត្ថកិច្ចបានឲ្យដឹងថា មុនពេលកើតហេតុគេឃើញស្ត្រីម្នាក់ជិះម៉ូតូឌុបកូនតូចពីក្រោយម្នាក់លុះមកដល់ខាងមុខខ្លោងទ្វាវត្តបន្ទាយ ទំនងជាខូចម៉ូតូក៏ទុកម៉ូតូនៅលើចិញ្ចើមថ្នល់ រួចដឹកដៃកូនរត់ឆ្លងថ្នល់ពីជើងទៅត្បូងខ្វះការប្រុងប្រយត្ន័ស្របពេលនោះក៏មានម៉ូតូ១គ្រឿងបើកបរដោយឈ្មោះ សុខ សុជាតិ ភេទប្រុស អាយុ១៧ឆ្នាំ ជាសិស្សថ្នាក់ទី៩ នៃអនុវិទ្យាល័យ ហ៊ុន សែន ស្វាយតាយាន នៅភូមិស្វាយតាយាន ឃុំស្វាយតាយានស្រុកកំពង់រោទ៌ បុកចំពាក់កណ្តាលខ្លួនពេញទំហឹងបណ្តាលឲ្យស្ត្រីរងគ្រោះដួលបោកទៅលើថ្នល់ជាតិបែកក្បាល និងបាក់ភ្លៅខាងឆ្វេងសន្លប់នៅនឹងកន្លែង រីឯកូនប្រុសអាយុ៥ឆ្នាំរបួសបែកក្បាលធ្ងន់ធ្ងរ ។
ចំណែកយុវសិស្សបង្កដួលម៉ូតូបោកទៅលើថ្នល់បែកក្បាល និងបាក់ជើងខាងស្តាំសន្លប់នៅនឹងកន្លែងត្រូវសមត្ថកិច្ចបញ្ជូនមកមន្ទីរពេទ្យខេត្តម្នាក់ រីឯស្ត្រីម្តាយនិងកូនត្រូវសមត្ថកិច្ចបញ្ជូនទៅមន្ទីរពេទ្យបង្អែកស្រុកស្វាយទាបដើម្បីសង្គ្រោះ ។ ចំពោះម៉ូតូទាំង២គ្រឿងសមត្ថកិច្ចយកទៅរក្សារទុកនៅអធិការដ្ឋាននគបាលស្រុកស្វាយទាបដើម្បីដោះស្រាតាមនីតិវិធី ៕
ចែករំលែកព័តមាននេះ