កាសែតញូវយ៉កថែមអះអាងថា រដ្ឋការលោកបារ៉ាក់ អូបាម៉ា ប៉ុនប៉ងរារាំងការសាកល្បងមីស៊ីលបាលីស្ទិកនៅកូរ៉េខាងជើងតាមរយៈការវាយប្រហារប្រព័ន្ធព័ត៌មានវិទ្យា ។
យោងតាមការស៊ើបអង្កេតមួយរបស់បណ្តាអ្នកកាសែតញូវយ៉កថែមថា
កាសែតញូវយ៉កថែមអះអាងថា រដ្ឋការលោកបារ៉ាក់ អូបាម៉ា ប៉ុនប៉ងរារាំងការសាកល្បងមីស៊ីលបាលីស្ទិកនៅកូរ៉េខាងជើងតាមរយៈការវាយប្រហារប្រព័ន្ធព័ត៌មានវិទ្យា ។
យោងតាមការស៊ើបអង្កេតមួយរបស់បណ្តាអ្នកកាសែតញូវយ៉កថែមថា ការវាយប្រហារប្រព័ន្ធព័ត៌មានវិទ្យារបស់ពួក HACKERS អាមេរិកនាំឱ្យមានការខូចខាងបច្ចេកទេសពេលសាកល្បងមីស៊ីលរបស់កូរ៉េខាងជើង ធ្វើឱ្យការសាកល្បងទាំងនោះទទួលបរាជ័យជាច្រើនលើក ។ កាសែតនេះគូសបញ្ជាក់ថា ចាប់តាំងពីការបង្កើតកម្មវិធីនោះរបស់អាមេរិកមក អត្រាបរាជ័យនៃការសាកល្បងមីស៊ីលរយៈមធ្យម MUSUDAN មានដល់៨៨% ។
តាមកាសែតដដែលនោះដែរថា ប៉ុន្មានខែមុនពេលចប់អាណត្តិប្រធានាធិបតីទី២ លោកបារ៉ាក់ អូបាម៉ា ថ្លែងទៅកាន់បណ្តាទីប្រឹក្សារបស់លោកថា លោកត្រៀមចេញបញ្ជាឱ្យវាយប្រហារប្រឆាំងរដ្ឋាភិបាល និងបណ្តាទីតាំងយោធាកូរ៉េខាងជើង ប្រសិនបើលោកប្រាកដច្បាស់ក្នុងចិត្តពីលទ្ធផលចុងក្រោយ ។ ក៏ប៉ុន្តែសេតវិមានបានបោះបង់ចោលគម្រោងនេះវិញ ព្រោះវាពិបាកខ្លាំងក្នុងការប្រមូលបណ្តាទិន្នន័យពិតប្រាកដទាក់ទិនទៅនឹងបណ្តាគោលដៅវាយប្រហារ ។
កាសែតញូវយ៉កថែមក៏ដកស្រង់ដែរប្រភពមួយក្នុងផ្ទៃរដ្ឋាភិបាលថ្មីអាមេរិកដែលអះអាងថា ក្រុមលោកដូណាល់ ត្រាំ ពិនិត្យលើការជ្រើសរើសជាច្រើនប្រឈមមុខនឹងបញ្ហាកូរ៉េខាងជើង ក៏ប៉ុន្តែក្នុងចំណោមការជ្រើសរើសទាំងនេះពុំមានការជ្រើសរើសណាមួយដែលធានាពីជោគជ័យជាយថាហេតុឡើយ ។ ដូច្នេះក្រុងវ៉ាស៊ីនតោនសិក្សាពីលទ្ធភាពធ្វើការវាយប្រហារបង្ការប្រឆាំងកូរ៉េខាងជើង ប៉ុន្តែក៏ចាប់ផ្តើមធ្វើការចរចាដោយផ្ទាល់ជាមួយក្រុងព្យុងយ៉ាង ឬធ្វើការគាបសង្កត់នានាលើចិន ដើម្បីឱ្យចិនផ្អាករាល់កម្មវិធីជំនួយរបស់ខ្លួនដល់កូរ៉េខាងជើង ។
ប្រទេសកូរ៉េខាងជើងបានធ្វើការសាកល្បងនុយក្លេអ៊ែរលើកទី៥កាលពីថ្ងៃទី៨ កញ្ញា ឆ្នាំ២០១៦ ដែលមានកម្លាំងខ្លាំងបំផុតពុំធ្លាប់មានចាប់តាំងពីឆ្នាំ២០០៦ ជាមួយការផ្ទុះមានកម្លាំងដល់១០គីឡូតោន ។ ៤ថ្ងៃមុននេះក្រុងព្យុងយ៉ាងបាញ់សាកល្បងមីស៊ីលបាលីស្ទិក៣គ្រាប់ ខណៈ ពេលនៅចិនកំពុងមានកិច្ចប្រជុំកំពូលរបស់ G-20 ។ របបកូរ៉េខាងជើងអះអាងថា នេះជាការសាកល្បងត្រួតពិនិត្យគោលការណ៍បង្រួមឱ្យតូចក្បាលគ្រាប់នុយក្លេអ៊ែរសម្រាប់យកទៅបំពាក់លើមីស៊ីល ៕
ចែករំលែកព័តមាននេះ