វេជ្ជបណ្ឌិត គឹម ប៊ុនថេង ជួបគ្រោះថ្នាក់ចរាចរណ៍បុករង្វង់មូលរូបគោក្រុងស្វាយរៀង
ខេត្តស្វាយរៀង ៖ លោកវេជ្ជបណ្ឌិត គឹម ប៊ុនថេង អាយុ៥៣ឆ្នាំ មានអាសយដ្ឋាននៅក្រុងតាខ្មៅ ខេត្តកណ្តាល បានមកបំពេញបេសកកម្មការងារ នៅខេត្តស្វាយរៀង
ខេត្តស្វាយរៀង ៖ លោកវេជ្ជបណ្ឌិត គឹម ប៊ុនថេង អាយុ៥៣ឆ្នាំ មានអាសយដ្ឋាននៅក្រុងតាខ្មៅ ខេត្តកណ្តាល បានមកបំពេញបេសកកម្មការងារ នៅខេត្តស្វាយរៀង ពេលត្រលប់ទៅផ្ទះវិញបានជួបគ្រោះថ្នាក់ចរាចរណ៍ បើករថយន្តបុករង្វង់មូលរូបគោ ភូមិរូបគោ សង្កាត់ព្រៃឆ្លាក់ ក្រុងស្វាយរៀង។ បណ្តាលឲ្យ រងរបួសបែកក្បាលធ្ងន់ធ្ងរ និងគ្រេចក សន្លប់នៅក្នុងរថយន្ត កាលពីវេលាម៉ោង១និង២០នាទីរសៀល ថ្ងៃទី៣ មីនា២០១៧ ត្រូវសមត្ថកិច្ចហៅរថយន្តសាមុយដឹកបញ្ជូនទៅមន្ទីរពេទ្យខេត្តដើម្បីសង្គ្រោះ។
សមត្ថកិច្ចបានឲ្យដឹងថា រថយន្តបុករង្វង់មូលរូបគោ ម៉ាកហាយឡែនឌ័រ ពណ៌ស ពាក់ស្លាកលេខ ភ្នំពេញ 2AB-8028 បើកបរពីរទិសខាងកើតទៅលិច លើកំណាត់ផ្លូវជាតិលេខ១ ឆ្ពោះទៅរាជធានីភ្នំពេញ លុះមកដល់ចំណុចកើតហេតុខាងលើ ស្រាប់តែរេចង្កូតទៅបុករង្វង់មូលរូបគោក្រឡាប់តែម្តង បណ្តាលឲ្យរងរបួសធ្ងន់ធ្ងរ រីឯអ្នករួមដំណើររបួសស្រាលបន្តិចបន្តួចប៉ុណ្ណោះ។ ចំណែករថយន្តសមត្ថកិច្ចអូសយកទៅរក្សាទុកនៅការិយាល័យនគបាលចរាចរណ៍ស្នងការដ្ឋាននគបាលខេត្ត ដើម្បីដោះស្រាយតាមច្បាប់៕
ចែករំលែកព័តមាននេះ