រាជធានីភ្នំពេញ៖ លោក សម រង្ស៊ី អតីតប្រធានគណបក្សសង្គ្រោះជាតិបានបន្តអំពាវនាវដល់សហគមន៍អន្តរជាតិ ឲ្យចូលរួមជម្រុញការបោះឆ្នោតត្រឹមត្រូវនៅកម្ពុជានៅឆ្នាំ២០១៧ និងឆ្នាំ២០១៨ ខាងមុខនេះ…
រាជធានីភ្នំពេញ៖ លោក សម រង្ស៊ី អតីតប្រធានគណបក្សសង្គ្រោះជាតិបានបន្តអំពាវនាវដល់សហគមន៍អន្តរជាតិ ឲ្យចូលរួមជម្រុញការបោះឆ្នោតត្រឹមត្រូវនៅកម្ពុជានៅឆ្នាំ២០១៧ និងឆ្នាំ២០១៨ ខាងមុខនេះ ។ ប៉ុន្តែត្រូវបានមន្ត្រីជាន់ខ្ពស់គណបក្សកាន់អំណាចថាកម្ពុជាប្តេជ្ញារក្សាស្ថេរភាព និងសន្តិភាព ។
លោក សម រង្ស៊ី បានលើកឡើងលើបណ្តាញសង្គមថា «សេចក្តីអំពាវនាវ ទៅសហគមន៍អន្តរជាតិ សូមឲ្យជួយជម្រុញឲ្យមានការបោះឆ្នោតត្រឹមត្រូវនៅប្រទេសកម្ពុជានៅឆ្នាំ២០១៧ និង២០១៨ ។ ជាពិសេសសូមជួយការពារសិទ្ធិគណបក្សសង្គ្រោះជាតិក្នុងការចូលរួមការបោះឆ្នោតនោះ ពីព្រោះគណបក្សកាន់អំណាច និងរដ្ឋាភិបាលសម្តេចតេជោ ហ៊ុន សែន កំពុងតែរកលេសចង់រំលាយគណបក្សសង្គ្រោះជាតិដើម្បីជៀសវាងការប្រកួតប្រជែង ដោយសេរី និងយុត្តិធម៌ ។
ចំណែកលោក សុខ ឥសាន អ្នកនាំពាក្យប្រជាជនកម្ពុជាបានលើកនៅថ្ងៃទី៣ មីនា ថា ប្រជាជនកម្ពុជាគ្រប់រូបសុទ្ធតែបានដឹងទាំងអស់គ្នាថា សម្តេចតេជោ ហ៊ុន សែន គឺជាស្ថាបនិកសន្តិភាពសំរាប់ប្រជាជនកម្ពុជា និងប្រទេសជាតិកម្ពុជាតែម្នាក់គត់ដែលស្ថិតនៅក្នុងអារម្មណ៏ចងចាំជានិច្ចរបស់ប្រជាជនកម្ពុជា ។
លោកបញ្ជាក់ថា «មុនទទួលបានសន្តិភាពពេញលេញដែលប្រទេសជាតិយើងទទួលផលរហូតមកដល់បច្ចុប្បន្ននេះ គឺ សម្តេចតេជោ និង ថ្នាក់ដឹកនាំ គណបក្សប្រជាជនកម្ពុជា បានបូជាអាយុជីវិត ហ៊ានបូជាសាច់ស្រស់ឈាមស្រស់ និងសតិបញា កម្លាំងកាយចិត្ត ពុះពារគ្រប់ឧបសគ្គលំបាកស្មុគ្រស្មាញ រហូតដល់សំរេចជោគជ័យជាស្ថាពរ គឺ សន្តិភាពទាំងស្រុងជូនជាតិមាតុភូមិនាឆ្នាំ១៩៩៨។ ដូច្នេះទម្រាំបានសន្តិភាព និងបានអ្វីៗ ដែលជាផលចេញពីសន្តិភាព មានការតស៊ូខ្លាំងក្លាណាស់មិនមែនបានមកដោយចៃដន្យនោះទ្បើយ ។
លោកគូសបញ្ជាក់ថា «ថ្នាក់ដឹកនាំគណបក្សប្រជាជនកម្ពុជា ប្តេជ្ញាការពារឲ្យបានដាច់ខាតនូវសន្តិភាព ដែលរកបានដោយកម្រនេះ ឲ្យស្ថិតនៅគង់វង្សជារៀងរហូត មិនអាចបណ្តែតបណ្តោយឲ្យជនណាឬក្រុមជនណាធ្វើឲ្យរង្គោះរង្គើប្ញុបាត់បង់បានជាដាច់ខាត ទោះក្នុងតម្លៃណាក៏ដោយ ត្រូវតែតស៊ូការពារឲ្យបាន» ៕
ចែករំលែកព័តមាននេះ