ខេត្តបន្ទាយមានជ័យ ៖ កម្លាំងនគរបាលចាប់ជនសង្ស័យ២នាក់ដែលធ្វើសកម្មភាពកាប់ទៅលើជនរងគ្រោះ៣នាក់ បណ្តាលឲ្យម្នាក់របួសធ្ងន់ជាកីឡាបាល់ទាត់ ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់នៅថ្ងៃទី០២ ខែមីនា ឆ្នាំ២០១៧។ ជនសង្ស័យ២នាក់ដែលត្រូវចាប់ខ្លួនមាន១.ឈ្មោះ សួន…
ខេត្តបន្ទាយមានជ័យ ៖ កម្លាំងនគរបាលចាប់ជនសង្ស័យ២នាក់ដែលធ្វើសកម្មភាពកាប់ទៅលើជនរងគ្រោះ៣នាក់ បណ្តាលឲ្យម្នាក់របួសធ្ងន់ជាកីឡាបាល់ទាត់ ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់នៅថ្ងៃទី០២ ខែមីនា ឆ្នាំ២០១៧។ ជនសង្ស័យ២នាក់ដែលត្រូវចាប់ខ្លួនមាន១.ឈ្មោះ សួន សុណៃ ភេទប្រុស អាយុ១៨ឆ្នាំ រស់នៅភូមិ.សង្កាត់កំពង់ស្វាយ ក្រុងសិរីសោភ័ណ ២.ឈ្មោះ កែម ស៊ីសុវ៉ាត់ ភេទប្រុស អាយុ២១ឆ្នាំ រស់នៅភូមិ១ សង្កាត់ព្រះពន្លា ក្រុងសិរីសោភ័ណ។
លោកវរៈសេនីយ៍ទោ ខែម សុភ័ណ ប្រធានការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបន្ទាយមានជ័យបានប្រាប់ថា ក្រោយពេលទទួលបណ្តឹងពីជនរងគ្រោះឈ្មោះ ឈឹម បូរី ភេទប្រុស អាយុ១៥ឆ្នាំ រស់នៅភូមិ.ឃុំ/ស្រុកម៉ាឡៃ បានប្តឹងជនសង្ស័យ២នាក់បានជិះម៉ូតូ១គ្រឿងម៉ាកស្កូពីពណ៌ក្រហម ពាក់ស្លាក់លេខ បន្ទាយមានជ័យ 1I-9971 បានធ្វើសកម្មភាពដោយយកដាវសាំម៉ូរ៉ៃកាប់បកលើជនរងគ្រោះដែលគ្នា៣នាក់ កាលពីវេលាម៉ោង១២យប់ ថ្ងៃទី២៤ ខែកុម្ភៈ ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតភូមិសូភី សង្កាត់កំពង់ស្វាយ ក្រុងសិរីសោភ័ណ។
ជនរងគ្រោះឈ្មោះ ឈឹម បូរី បានបញ្ជាក់ថា នៅពេលដែលជនសង្ស័យ២នាក់កាប់បណ្តាលឲ្យរបួសគឺពួកគេចេញពីប្រកួតកីឡាបាល់ទាត់ហើយដើររកផ្ទះសំណាក់ ឬសណ្ឋាគារដេកពេលដែលកំពុងដើររកតាមផ្លូវត្រូវបានជនសង្ស័យ១ក្រុមគ្នា២នាក់កាប់មកលើក្រុមរបស់ពួកគេ៣នាក់បណ្តាលរបួសធ្ងន់មានឈ្មោះ ឈឹម បូរី របួសចំក្បាលសៀតផ្កាផ្នែកខាងឆ្វេង និងរបួសម្រាមដៃខាងស្តាំចំនួន៣ របួសកែងដៃខាងឆ្វេងពេលនោះបក្ខពួក២នាក់ទៀត រត់គេចខ្លួន ជនសង្ស័យយកទូរស័ព្ទដៃ១គ្រឿងម៉ាកណូគាហើយគេចខ្លួនបាត់។
លោកឧត្តមសេនីយ៍ទោ អាត់ ខែម ស្នងការនគបាលខេត្តបន្ទាយមានជ័យបានបញ្ជាក់ថា ក្រោយទទួលពាក្យបណ្តឹងជនរងគ្រោះឈ្មោះ ឈឹម បូរី និងបក្ខពួក២នាក់ទៀតជាកីឡាបាល់ទាត់ស្រុកម៉ាឡៃ ខណៈពេលប្រកួតហើយបានដើររកផ្ទះសំណាក់ ឬសណ្ឋាគារដេកដែលកំពុងដើរតាមផ្លូវត្រូវបានជនសង្ស័យ២នាក់ជិះម៉ូតូ១គ្រឿងមានដាវសាំម៉ូរ៉ៃកាប់លើជនរងគ្រោះដែលជាក្រុមកីឡាបាល់ទាត់បណ្តាលម្នាក់របួសធ្ងន់ និងបក្ខពួក២នាក់ត្រូវបានរត់គេចខ្លួនផុតពីគ្រោះថ្នាក់នៅពេលធ្វើសកម្មភាពកាប់ជនរងគ្រោះរបួសហើយយកទូរស័ព្ទ១គ្រឿងគេចខ្លួនបាត់។
លោកបានបញ្ជាក់ថា ក្រោយពេលទទួលបណ្តឹងហើយកម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបន្ទាយមានជ័យបានស្រាវជ្រាវមុខសញ្ញា និងឃាត់ខ្លួនជនសង្ស័យ២នាក់ នៅវេលាម៉ោង១២ថ្ងៃទី២៨ ខែកុម្ភៈ ឆ្នាំ២០១៧ នៅចំណុចភូមិ១ សង្កាត់ព្រះពន្លា ក្រុងសិរីសោភ័ណ និងយកបានទូរស័ព្ទដៃ១គ្រឿងមកវិញប្រគល់ជូនជនរងគ្រោះ៕
ចែករំលែកព័តមាននេះ