ស្លាប់២នាក់ និងរបួសធ្ងន់២នាក់ដោយគ្រោះថ្នាក់ចរាចរណ៏៣ករណីផ្សេងគ្នា
ខេត្តកំពង់ធំ ៖ ករណីគ្រោះថ្នាក់ចរាចរណ៏៣ករណីផ្សេងៗគ្នាបណ្តាលឲ្យមនុស្សស្លាប់២នាក់ និងរងរបួសធ្ងន់២នាក់ក្នុង៣ករណីផ្សេងគ្នា…
ខេត្តកំពង់ធំ ៖ ករណីគ្រោះថ្នាក់ចរាចរណ៏៣ករណីផ្សេងៗគ្នាបណ្តាលឲ្យមនុស្សស្លាប់២នាក់ និងរងរបួសធ្ងន់២នាក់ក្នុង៣ករណីផ្សេងគ្នា ។ ឧប្បទ្ទវហេតុនេះទី១-បានកើតឡើងកាលពីយប់ថ្ងៃទី១ ខែមីនា ឆ្នាំ២០១៧ ស្ថិតនៅលើផ្លូវជាតិលេខ៦ ក្នុងភូមិរូង ឃុំត្រពាំងឬស្សី ស្រុកកំពង់ស្វាយ ដែលបង្កឡើងរថយន្តមិនស្គាល់អត្តសញ្ញាណបានបើករត់គេចខ្លួនបាត់ ខណៈបុកបុរសម្នាក់ដើរឆ្លងថ្នល់បណ្តាលឲ្យស្លាប់ ។ ជនរងគ្រោះឈ្មោះ ស៊ឹម លន ភេទប្រុស អាយុ៤២ឆ្នាំ (ស្លាប់) រស់នៅភូមិរមាំងងាប់ ឃុំត្រពាំងឬស្សី ស្រុកកំពង់ស្វាយ សមត្ថកិច្ចនៅមិនទាន់កំណត់បានថា រថយន្តបង្កហេតុធ្វើដំណើរពីណាទៅណានោះឡើយបានត្រឹមតែសន្និដ្ឋានថា ករណីគ្រោះថ្នាក់ចរាចរនេះបណ្តាលមកពីរថយន្តបើកលឿនចំណែកអ្នកដើរឆ្លងថ្នល់ខ្វះការប្រុងប្រយ័ត្ន ។
ករណីទី២.កើតឡើងកាលពីយប់ថ្ងៃទីទី១ ខែមីនា ឆ្នាំ២០១៧ នៅលើផ្លូវជាតិលេខ៦ស្ថិតក្នុងភូមិបន្ទាយយមរាជ្យ ឃុំប្រាសាទ ស្រុកសន្ទុក រវាងម៉ូតូ និងគោយន្តកន្ត្រៃបើកបត់ឆ្វេង ម៉ូតូជិះលឿនហ្វ្រាំងមិនទាន់បុកគោយន្តបណ្តាលឲ្យរបួសធ្ងន់អ្នកជិះម៉ូតូម្នាក់ អ្នកបើបរគោយន្តមិនស្គាល់អត្តសញ្ញាណបានរត់គេខ្លួនបាត់ ។ ចំណែកបុរសគ្រោះឈ្មោះអ្វីនោះនៅពុំទាន់ស្គាល់អត្តសញ្ញាណនោះទេដោយសារនៅរសៀលថ្ងៃទី២ ខែមីនា ឆ្នាំ២០១៧ កោះសន្តិភាពបានព្យាយាមសុំឈ្មោះជនរងគ្រោះពីលោកវរៈសេនីយ៏ត្រី ស៊ីវ សុវណ្ណា អធិការរងនគរបាលស្រុកសន្ទុកទទួលបន្ទុកខាងសណ្តាប់ធ្នាប់ និងចរាចរណ៏តាមទូរស័ព្ទលោកប្រាប់ថា ចាំបន្តិច ចាំផ្ញើររបាយការឲ្យ ស្រាប់តែបាត់ឈឹង ពេលខលទូរស័ព្ទទៅសួរទៀតលែងទទួលទូរស័ព្ទមិនដឹងថាមូលហេតុអ្វី? ឬក៏ទុកសម្រួលគ្នាស៊ីតាមជំនាញនៅក្រៅផ្លូវច្បាប់ក៏មិនដឹងបានជាខំលាក់បាំងការពិតនេះមិនឲ្យអ្នកសារព័ត៌ស្គាល់អត្តសញ្ញាណជនរកគ្រោះ ចំណែកខាងអ្នកបើកបរគោយន្តប្រាប់ថារត់គេចបាត់ស្រមោល ។
ករណីទី៣-កើតឡើងនៅវេលាទៀបភ្លឺថ្ងៃទី២ ខែមីនា ឆ្នាំ២០១៧ ស្ថិតនៅលើផ្លូវជាតិលេខ៦ ក្នុងភូមិសូយោង ឃុំសូយោង ស្រុកបារាយណ៏ រវាងម៉ូតូបុកពីក្រោយគោយន្តកន្ត្រៃក្នុងទិសដៅស្របទិសគ្នាពីត្បូងទៅជើងបណ្តាលឲ្យអ្នកបើកបរម៉ូតូសេ១២៥ ពណ៌ខ្មៅ ពាក់ស្លាកលេខ កំពង់ធំ 1D-3909 ឈ្មោះ រ៉ាត់ ភេទប្រុស អាយុ២៨ឆ្នាំ រស់នៅភូមិពុកយុគ សង្កាត់ស្រយ៉ូវ ក្រុងស្ទឹងសែន ស្លាប់ និងអ្នករួមដំណើជាមួយឈ្មោះ ទន់ ថេ ភេទប្រុស អាយុ៤៥ឆ្នាំ រស់នៅភូមិធម្មនាថ ឃុំតាំងក្រសាំង ស្រុកសន្ទុក របួសធ្ងន់ ។
បន្ទាប់ពីកើតហេតុគោយន្តកន្ត្រៃបានបើកគេចខ្លួនបាត់ដោយសារពេលយប់សមត្ថកិច្ចបញ្ជាក់ថា ករណីគ្រោះថ្នាក់ខាងលើនេះបណ្តាលមកពីគោយន្តកន្ត្រៃបើកបរពេលយប់គ្មានចំណាំងផ្លាតគួបផ្សំ និងម៉ូតូបើកលឿនខ្វះការប្រុងប្រយ័ត្ន ។ បន្ទាប់ពីកើតហេតុសព្វជនរងគ្រោះត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី ចំណែកម៉ូតូត្រូវបាននាំយកមករក្សាទុកនៅអធិការនគរបាលស្រុកបារាយណ៏ ៕
ចែករំលែកព័តមាននេះ