ADផ្ទាំងផ្សព្វផ្សាយពាណិជ្ជកម្ម

Picture

ភ្លៀង​មួយ​មេ​ធំ​ទឹក​លិច​ផ្លូវ អាជ្ញាធរ​ខេត្ត​ចុះ​ពិនិត្យ​រក​មធ្យោបាយ​រំដោះ​ទឹកភ្លៀង

4 ខែ មុន
  • កំពង់ចាម

យ៉ាង​ហោច​ណាស់ លំនៅ​ឋាន​ប្រជាពលរដ្ឋ​ប្រមាណ​៣០​ផ្ទះ ត្រូវ​បាន​ទឹកភ្លៀង​ហូរ​ចូល​នៅ​ក្នុង​សង្កាត់​វាលវង់ ក្រុង​កំពង់ចាម ដោយសារ​តែ​ភ្លៀង​បាន​បង្អ​ល់​ធ្លាក់​មក​ខ្លាំង​ជាង​ពេល​ណា​ៗ​ទាំងអស់​

ខេត្តកំពង់ចាម ៖ យ៉ាង​ហោច​ណាស់ លំនៅ​ឋាន​ប្រជាពលរដ្ឋ​ប្រមាណ​៣០​ផ្ទះ ត្រូវ​បាន​ទឹកភ្លៀង​ហូរ​ចូល​នៅ​ក្នុង​សង្កាត់​វាលវង់ ក្រុង​កំពង់ចាម ដោយសារ​តែ​ភ្លៀង​បាន​បង្អ​ល់​ធ្លាក់​មក​ខ្លាំង​ជាង​ពេល​ណា​ៗ​ទាំងអស់​។ ក្រោយ​ពី​ទទួល​រង​គ្រោះ​ធម្មជាតិ​នេះ ឯកឧត្តម​អ៊ុ​ន ចាន់​ដា អភិបាលខេត្ត បាន​ដឹកនាំ​កម្លាំង​ចុះ​ពិនិត្យ​ដោយ​ផ្ទាល់​ផង​ដែរ​។

Picture

លោក ម៉​ន់ ហេ​ន ចៅសង្កាត់​វាលវង់ មាន​ប្រសាសន៍​ឲ្យ​ដឹង​នា​រសៀល​ថ្ងៃ​ទី​២៧ ខែកញ្ញា ឆ្នាំ ២០២២​នេះ​ថា តាម​រយៈ​មេ​ភូមិ​មួយ​ចំនួន​ដែល​បាន​រាយការណ៍​មក​រូប​លោក ដោយ​ល្ងាច​ថ្ងៃ​ទី​២៦ ខែកញ្ញា ភ្លៀង​មួយ​មេ​ធំ​បាន​ធ្លាក់​មក​លើ​ក្រុង​កំពង់ចាម ដែល​ជា​ហេតុ​ធ្វើ​ឲ្យ​ផ្លូវថ្នល់​មួយ​ចំនួន រួម​នឹង​ផ្ទះ​របស់​ប្រជាពលរដ្ឋ ត្រូវ​បាន​ទឹក​ហូរ​ចូល គឺ​ភាគច្រើន​នៅ​ភូមិ​ទី​៥ និង​ទី​៦​។

Picture

ចៅសង្កាត់​វាលវង់ មាន​ប្រសាសន៍​បន្ត​ថា តាម​ការ​កត់សម្គាល់ ភ្លៀង​នេះ​គឺ​ធំ​ជាង​ពេល​ណា​ណា​ទាំងអស់ ធ្វើ​ឱ្យ​ដងផ្លូវ​ត្រូវ​ទឹក​លិច រហូត​ទៅ​ដល់​៦​តឹក ដែល​រថយន្ត​មិន​អាច​បើកបរ​បាន​នោះ​ទេ​។ ក្រោយ​ពី​ទទួល​បាន​ព័ត៌មាន​នេះ ឯកឧត្តម អ៊ុ​ន ចាន់​ដា អភិបាលខេត្ត​អមដំណើរ​ដោយ​ប្រធាន​មន្ទីរ​សាធារណការ​ខេត្ត ព្រមទាំង​មន្ត្រី​សាលាខេត្ត​ជា​ច្រើន​នាក់ នា​ព្រឹក​ថ្ងៃ​ទី​២៧ ខែកញ្ញា បាន​ចុះ​មក​ពិនិត្យ​នៅ​ភូមិ​ទី​៥ និង​ទី​៦ ដែល​ជាទី​តាំង​ដែល​លិចលង់​ជាងគេ​។

Picture

ជាមួយ​នោះ ឯកឧត្តម​អភិបាលខេត្ត បាន​ណែនាំ​ឲ្យ​មន្ត្រី​ក្រោម​ឱវាទ​ត្រូវ​រៀបចំ​កសាង​ប្រព័ន្ធ​លូ​បង្ហូរទឹក​ថ្មី​ដែល​មានមុខ​កាត់​មួយ​ម៉ែត្រ​កន្លះ ដោយ​ធ្វើ​ឡើង​រាង​អក្សរ​អ៊ុយ សង្ឃឹមថា​នៅ​ឆ្នាំ​២០២៣ ក្រោយ​ពី​ស្ថាបនា លុះ​រួចរាល់​ទឹកភ្លៀង នឹង​ត្រូវ​បាន​ហូរ​លឿន​ចាក​ទៅ​បឹង​ស្នាយ​លែង​ស្ទះ​ដូច​លើក​មុន​ទៀត​ហើយ​។ ជាមួយ​នោះ ឯកឧត្តម​បាន​ខេត្ត​បាន​អញ្ជើញ​ចុះ​ទៅ​ពិនិត្យ​មណ្ឌលកុមារ​កំព្រា ដែល​ត្រូវ​បាន​ទឹកភ្លៀង​ជន​លិច​ផង​ដែរ​។

Picture

លោក ម៉​ន ហេង ចៅសង្កាត់​វាលវង់ បាន​បញ្ជាក់​ថា ចំពោះ​ទីតាំង​នៅ​ភូមិ​ទី​៥ និង​ទី​៦ មាន​រាង​ដូច​បាតខ្ទះ ហើយ​គ្រប់​ផ្លូវ គឺ​មាន​ដាក់​ប្រព័ន្ធ​លូ ប៉ុន្តែ​ដោយសារ​ទំហំ​លូ​មានមុខ​កាត់​តូច ពេល​ដែល​មាន​ភ្លៀង​ធ្លាក់​មក​ម្ដង​ៗ​នៅ​តំបន់​ជុំវិញ​តែងតែ​នាំ​ទឹក​ហូរ​ចូល​មក​តំបន់​នេះ ដែល​ជា​ហេតុ​ធ្វើ​ឲ្យ​ទឹក​ហូរ​ចូល​ទៅ​ប្រព័ន្ធ​លូ​មេ​កាត់​ទទឹង​ផ្លូវជាតិ​លេខ​៧ គឺ​ហូរ​មិន​ទាន់ ត្រូវ​ស្ទះ​ជា​ច្រើន​ម៉ោង កត្តា​នេះ​ដែល​ធ្វើ​ឱ្យ​លិច​ហូ​ចូល​លំនៅ​ឋាន​របស់​ប្រជាពលរដ្ឋ​ទៀត​ផង​។ ហើយ​ផ្លូវថ្នល់​ដែល​អ៊ុត​ស្អាត ត្រូវ​បាន​របើក​ខូច​ទៅ​វិញ​ដោយសារ​តែ​ដក់​ទឹកភ្លៀង​ខ្លាំង​ពេក​។

Picture

ជាមួយ​នោះ រដ្ឋបាល​ខេត្ត​គ្រោង​នឹង​កសាង​ជា​ផ្លូវ​បេតុង​វិញ សង្ឃឹមថា ប្រព័ន្ធ​លូ​ថ្មី​ធំ​ដែល​ស្ថាបនា​រួចរាល់​ពេល​ខាង​មុខ នៅ​ក្នុង​ភូម​ទី​៥ និង​ទី​៦ លែង​ជា​បញ្ហា​ចោទ​ទៀត​ហើយ​។ ក្នុង​នាម​អាជ្ញាធរ សូម​ថ្លែងអំណរគុណ​ចំពោះ​ឯកឧត្តម​អ៊ុ​ន ចាន់​ដា អភិបាលខេត្ត​វ័យក្មេង ដែល​មាន​ភាព​ឆ្លាត​វៃ និង​រហ័សរហួន​ក្នុង​ការងារ​សង្គម​បម្រើ​ប្រជាពលរដ្ឋ​នៅ​គ្រប់​ទិស​ទី​ក្នុង​ខេត្តកំពង់ចាម​។

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023