លោកស្រី NANCY PELOSI ប្រធានក្រុមអ្នកតំណាងរាស្ត្រនៃគណបក្សប្រជាធិបតេយ្យបានអំពាវនាវឱ្យរដ្ឋមន្ត្រីយុត្តិធម៌អាមេរិកលោក JEFF SESSIONS លាលែងចេញពីតំណែងបន្ទាប់ពីការលាតត្រដាងរបស់
លោកស្រី NANCY PELOSI ប្រធានក្រុមអ្នកតំណាងរាស្ត្រនៃគណបក្សប្រជាធិបតេយ្យបានអំពាវនាវឱ្យរដ្ឋមន្ត្រីយុត្តិធម៌អាមេរិកលោក JEFF SESSIONS លាលែងចេញពីតំណែងបន្ទាប់ពីការលាតត្រដាងរបស់កាសែតវ៉ាស៊ីនតោនប៉ុស្តិ៍ពីការសន្ទនាគ្នានានាជាមួយឯកអគ្គរដ្ឋទូតរុស្ស៊ីមុនការបោះឆ្នោតប្រធានាធិបតីថ្ងៃទី៨ វិចិ្ឆកា ។
កាសែតវ៉ាស៊ីនតោនប៉ុស្តិ៍រាយការណ៍កាលពីថ្ងៃទី១ មីនាថា ព្រឹទ្ធសមាជិកលោក JEFF SESSIONS បច្ចុប្បន្នក្លាយជារដ្ឋមន្ត្រីយុត្តិធម៌របស់រដ្ឋការលោកដូណាល់ ត្រាំ បានជួបសន្ទនាគ្នា២លើកជាមួយឯកអគ្គរដ្ឋទូតរុស្ស៊ីប្រចាំក្រុងវ៉ាស៊ីនតោនពេលធ្វើយុទ្ធនាការឃោសនាបោះឆ្នោតហើយលាក់ការរជួបគ្នាទាំងនោះពេលសវនាការរបស់លោកក្នុងព្រឹទ្ធសភា ។
យោងតាមកាសែតនោះថា លោក JEFF SESSIONS និងឯកអគ្គរដ្ឋទូតរុស្ស៊ីលោកស័រហ្គេយ គីស្លីយ៉ាក់ បានជួបនិយាយគ្នាជាពិសេសរបៀបឯកជន កាលពីថ្ងៃទី៨ កញ្ញាក្នុងការិយាល័យរបស់លោកពេលកំពុងមានយុទ្ធនាការវាយប្រហារប្រព័ន្ធព័ត៌មានវិទ្យាពីសំណាក់រុស្ស៊ីដែលបរិហារដោយបណ្តាទីភ្នាក់ងារស៊ើបការណ៍អាមេរិក ។
លោកស្រី NANCY PELOSI យល់ថា រដ្ឋមន្ត្រីមហាផ្ទៃរូបនោះត្រូវតែលាលែង ។ លោកស្រីថា លោក SESSIONS ពុំសមកាន់តំណែងរដ្ឋមន្ត្រីយុត្តិធម៌របស់ប្រទេសយើងឡើយហើយលោកត្រូវតែលាលែង ។
ទីប្រឹក្សាសន្តិសុខជាតិរបស់លោកត្រាំលោក MICHAEL FLYNN ត្រូវបង្ខំឱ្យចាកចេញពីតំណែងរួចហើយ ៣សប្តាហ៍ប៉ុណ្ណោះ ក្រោយចូលកាន់តំណែងនោះមកពីការលាតត្រដាងពីការជួបសន្ទនាជាមួយឯកអគ្គរដ្ឋទូតរុស្ស៊ីរូបនោះដែរអំពីការលុបចោលជាយថាហេតុនូវទណ្ឌកម្មប្រឆាំងក្រុងមូស្គូ ៕
ចែករំលែកព័តមាននេះ