លោកនាយកសាលាកំពុងអ៊ុតអាប៉ោង ប៉ូលិសក្របួចជាប់
ខេត្តបន្ទាយមានជ័យ ៖ មនុស្ស៤នាក់ត្រូវបាននគរបាលក្រុងប៉ោយប៉ែតក្របួចជាប់ពេលកំពុងលេងល្បែងអាប៉ោង ក្នុងការបង្ក្រាបវង់អាប៉ោងមួយកន្លែង
ខេត្តបន្ទាយមានជ័យ ៖ មនុស្ស៤នាក់ត្រូវបាននគរបាលក្រុងប៉ោយប៉ែតក្របួចជាប់ពេលកំពុងលេងល្បែងអាប៉ោង ក្នុងការបង្ក្រាបវង់អាប៉ោងមួយកន្លែង នៅភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត នាវេលារសៀលថ្ងៃទី២ កុម្ភៈ ២០១៧ នេះ ។
យ៉ាងណាក៍ដោយជនសង្ស័យទាំងនេះសមត្ថកិច្ចមិនទាន់ឲ្យដឹងអត្តសញ្ញាណនៅឡើយទេ ព្រោះកំពុងសួរនាំនៅឡើយ ប៉ុន្តែគេដឹងថា ក្នុងចំណោមអ្នកញៀនល្បែងទាំងនោះមានម្នាក់ដែលគេស្គាល់ថា ជាលោកនាយកសាលាបឋមសិក្សាស្ទឹងបត់ ។ និងអ្នកញៀនល្បែងមួយចំនួនទៀតបានរត់ប្រសាចបាត់អស់ ដោយសមត្ថកិច្ចរឹបអូសបានម៉ូតូ២គ្រឿង និងឧបករណ៍ល្បែងមួយចំនួន ។
លោកវរសេនីយ៍ទោ ធិន ស៊ិនដេត អធិការក្រុងប៉ោយប៉ែត ដែលដឹកនាំកម្លាំងផ្ទាល់បានប្រាប់កោះសន្តិភាណថា ល្បែង១វង់នេះលួចលេងក្នុងផ្ទះថ្មមួយកន្លែង ហើយការបង្ក្រាបនេះ អនុវត្តន៍តាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្ត ។ លោកបញ្ជាក់ថា ជនសង្ស័យ និងវត្ថុតាង ក្រោយធ្វើកំណត់ហេតុរួចនិងកសាងសំណុំរឿងបញ្ជូនទៅស្នងការដ្ឋាននគរបាលខេត្ត ដើម្បីចាត់ការបន្តតាមនិតិវិធីច្បាប់ ៕
ចែករំលែកព័តមាននេះ