ADផ្ទាំងផ្សព្វផ្សាយពាណិជ្ជកម្ម

Picture

បុរស​ម្នាក់​សង្ស័យ​បែក​ថ្នាំ​លួច​ចូល​លំនៅ​ឋាន​គេ​យក​ញញួរ​វា.យ​បំបែក​កញ្ចក់​ទ្វារផ្ទះ​ឲ្យ​គេ​ជួយ ព្រោះថា​មាន​អ្នក​ដេញ​វា.យ​ខ្លួន

2 ខែ មុន
  • បន្ទាយមានជ័យ

ខេត្តបន្ទាយមានជ័យ ៖ នគរបាល​ស្រុក​ស្វាយចេក​ឃាត់​យុវជន​ម្នាក់​សង្ស័យ​បែក​ថ្នាំ ក្រោយ​ពី​បាន​ធ្វើ​សកម្មភាព​លួច​ចូល​លំ​ឋាន និង​វា​.​យ​បំផ្លាញ​ទ្រព្យសម្បត្តិ​អ្នក​ដទៃ​នៅ​វេលា​ម៉ោង​០៣​និង​១៦​នាទី​ទាប​ភ្លឺ​ថ្ងៃ​ទី​២៧ ខែកញ្ញា ឆ្នាំ​២០២២ នៅ​ភូមិ​ផ្លាស់​កង់ ឃុំ​សា​រង្គ ស្រុក​ស្វាយចេក…

ខេត្តបន្ទាយមានជ័យ ៖ នគរបាល​ស្រុក​ស្វាយចេក​ឃាត់​យុវជន​ម្នាក់​សង្ស័យ​បែក​ថ្នាំ ក្រោយ​ពី​បាន​ធ្វើ​សកម្មភាព​លួច​ចូល​លំ​ឋាន និង​វា​.​យ​បំផ្លាញ​ទ្រព្យសម្បត្តិ​អ្នក​ដទៃ​នៅ​វេលា​ម៉ោង​០៣​និង​១៦​នាទី​ទាប​ភ្លឺ​ថ្ងៃ​ទី​២៧ ខែកញ្ញា ឆ្នាំ​២០២២ នៅ​ភូមិ​ផ្លាស់​កង់ ឃុំ​សា​រង្គ ស្រុក​ស្វាយចេក ខេត្តបន្ទាយមានជ័យ​។

Picture

លោក​វរសេនីយ៍ឯក​ជា ស្លូញ អធិការ​នគរបាល​ស្រុក​ស្វាយចេក​បាន​ឲ្យ​ដឹង​ថា ៖ ជន​បង្ក​ឈ្មោះ ទិ​ត្យ មិ​ញ​ស៊ឺ ភេទ​ប្រុស អាយុ​២០​ឆ្នាំ រស់នៅ​ភូមិ​ភាស​ជើង ឃុំ​សា​រង្គ​ស្រុក​ស្វាយចេក ខេត្តបន្ទាយមានជ័យ​។

Picture

នៅ​មុន​ពេល​កើតហេតុ​ជន​នេះ​បាន​លួច​ចូល​ក្នុង​បរិវេណ​ផ្ទះ​របស់​ឈ្មោះ ប៉េង សវ ភេទ​ប្រុស អាយុ​៤០​ឆ្នាំ រស់នៅ​ភូមិ​ផ្លាស់​កង់ ឃុំ​សា​រង្គ ស្រុក​ស្វាយចេក ខេត្តបន្ទាយមានជ័យ រួច​បាន​យក​ញញួរ​វា​.​យ​កញ្ចក់​ទ្វារផ្ទះ​បែក​ស្រាំ និង​បង្អួច​បែក​មួយ​ចំហៀង​។

លោក​អធិការ​បាន​បញ្ជាក់​ថា ៖ ក្រោយ​ទទួល​បាន​បណ្តឹង​ពី​ម្ចាស់ផ្ទះ​កម្លាំង​នគរបាល​យើង​បាន​ឃាត់ខ្លួន​ឈ្មោះ ទិ​ត្យ មិ​ញ​ស៊ឺ មក​សួរនាំ​គេ​បាន​សារភាព​ថា ការ​ដែល​គេ​រត់​ចូល​ក្នុង​បរិវេណ​ផ្ទះ និង​វា​.​យ​កញ្ចក់​ទ្វារ​បង្អួច​នេះ ដើម្បី​ឲ្យ​ម្ចាស់ផ្ទះ​ជួយ ព្រោះ​មាន​អ្នក​តាម​ដេញ​វា​.​យ​ខ្លួន​។

Picture
Picture
Picture

លោក​វរសេនីយ៍ឯក ជា ស្លូញ បាន​បញ្ជាក់​បន្ថែម​ថា ៖ យោង​តាម​ការ​ធ្វើតេស្ត​រក​សារធាតុ​ញៀន គឺ​មាន​វិជ្ជមាន ដូច្នេះ​ជន​នេះ​សង្ស័យ​បែក​ថ្នាំ បច្ចុប្បន្ន​បាន​បញ្ជូន​ខ្លួន​ទៅ​ស្នងការដ្ឋាន​នគរបាល​ខេត្ត​ចាត់ការ​បន្ត​តាម​និ​តិ​វិធី​ហើយ​ដែរ​៕