រាជធានីភ្នំពេញ ៖ សេចក្តីរាយការណ៍បានឱ្យដឹងថា កាលពីវេលាម៉ោង០៣ និង៣០នាទីរសៀលថ្ងៃទី០៣ មីនា នេះ ស្ថិតតាមបណ្តោយមហាវិថីសហព័ន្ធរុស្ស៊ី ត្រង់ចំណុចភូមិក្បាលដំរី សង្កាត់កាកាប ខណ្ឌពោធិ៍សែនជ័យ មានការភ្ញាក់ផ្អើលមួយ ដោយសារ
រាជធានីភ្នំពេញ ៖ សេចក្តីរាយការណ៍បានឱ្យដឹងថា កាលពីវេលាម៉ោង០៣ និង៣០នាទីរសៀលថ្ងៃទី០៣ មីនា នេះ ស្ថិតតាមបណ្តោយមហាវិថីសហព័ន្ធរុស្ស៊ី ត្រង់ចំណុចភូមិក្បាលដំរី សង្កាត់កាកាប ខណ្ឌពោធិ៍សែនជ័យ មានការភ្ញាក់ផ្អើលមួយ ដោយសារតែបុរសជាបុគ្គលិកគ្រឹះស្ថានមីក្រូហិរញ្ញវត្ថុម្នាក់ ត្រូវចោរឆក់កាតាបបានសម្រេច ដោយបានអះអាងថា នៅក្នុងកាតាបនោះ មានប្រាក់ចំនួនជាង១ម៉ឺនដុល្លារ, ប្លង់ដី៣ច្បាប់ និងកាតគ្រីឡាន និងម៉ូតូផងដែរ ។
ប្រភពឱ្យដឹងថា ជនរងគ្រោះខាងលើឈ្មោះចន ចំរើន អាយុ៣០ឆ្នាំ ជាបុគ្គលិកក្នុងគ្រឹះស្ថានមីក្រូហិរញ្ញវត្ថុ «អភិឌ្ឍន៍ជំនាន់ថ្មី» ហៅកាត់ថា «NPG» ។
បុរសជនរងគ្រោះបានឱ្យដឹងថា នៅមុនពេលកើតហេតុ គាត់ធ្វើដំណើរលើផ្លូវខាងលើ លុះមកដល់ចំណុចកើតហេតុ គាត់រាន់បត់ជើងតូច ក៏ឈប់ម៉ូតូ ដោយដាក់កាតាបនៅលើម៉ូតូនោះ ហើយដើរទៅនោម ។ ពេលនោះ គាត់ក៏ឮសំឡេងមានម៉ូតូជិះមកក្បែរដែរ តែមិនចាប់អារម្មណ៍ទេ ពេលរួចរាល់ក៏ងាកដើរមករកម៉ូតូវិញ ស្រាប់តែបាត់កាតាបគាត់ ទើបស្រែកផ្អើលឆោឡោតែម្តង ។
គួរឱ្យកត់សម្គាល់ផងដែរ នៅចំណុចទីតាំងខាងលើ គឺជាកន្លែងដែលតែងតែកើតមានបទល្មើសជាច្រើន សូម្បីតែអ្នកដំណើរតាមរថយន្ត ឬម៉ូតូតុកតុកទាំងថ្ងៃទាំងយប់ គឺតែងជួបករណីនេះ ។ ដូច្នេះ សូមអាជ្ញាធរមូលដ្ឋាន មេត្តាចុះត្រួតពិនិត្យផង ដើម្បីការពារសុវត្ថិភាពជូនប្រជាពលរដ្ឋឱ្យមានភាពកក់ក្តៅ ។
ចែករំលែកព័តមាននេះ