កងទ័ពស៊ីរីលុកចូលដល់ទីក្រុង PALMYRE
កងទ័ពរដ្ឋាភិបាលស៊ីរីកាលពីយប់ថ្ងៃទី១ មីនា បានលុកចូលក្នុងទីក្រុងបុរាណ PALMYRE ក្រោយការប្រយុទ្ធគ្នាជាមួយពួកជីហាដក្រុមរដ្ឋអ៊ិស្លាម ដែលត្រួតត្រាទីក្រុងបេតិកភណ្ឌពិភពលោកនេះ ហើយ
កងទ័ពរដ្ឋាភិបាលស៊ីរីកាលពីយប់ថ្ងៃទី១ មីនា បានលុកចូលក្នុងទីក្រុងបុរាណ PALMYRE ក្រោយការប្រយុទ្ធគ្នាជាមួយពួកជីហាដក្រុមរដ្ឋអ៊ិស្លាម ដែលត្រួតត្រាទីក្រុងបេតិកភណ្ឌពិភពលោកនេះ ហើយប្រព្រឹត្តការសម្លាប់មនុស្សយ៉ាងរង្គាល និងបំផ្លិចបំផ្លាញនៅទីនោះ ។
ទីក្រុង PALMYRE ត្រូវបានក្រុមរដ្ឋអ៊ិស្លាមវាយដណ្តើមយកបានកាលពីខែឧសភា ឆ្នាំ២០១៥ ។ ពួកជីហាដក្រុមនេះបានបំផ្លាញបណ្តាប្រាសាទបុរាណស្អាតៗរបស់ក្រុង ហើយប្រហារជីវិតមនុស្សយ៉ាងច្រើន ។ ក្រុមរដ្ឋអ៊ិស្លាមត្រូវវាយបណ្តេញពីទីក្រុងនេះកាលពីខែមីនា ឆ្នាំ២០១៦ ក៏ប៉ុន្តែក្រុមជីហាដវាយយកបានជាថ្មីនាខែធ្នូ ។
ជួយទ្រទ្រង់ដោយកងទ័ពជើងគោក និងការវាយប្រហារតាមអាកាសរបស់រុស្ស៊ី កងទ័ពរដ្ឋាភិបាលស៊ីរីចាប់តាំងពីច្រើនសប្តាហ៍មកហើយ ប៉ុនប៉ងលុកចូលក្រុង PALMYRE ដោយវាយរុលចេញពីតំបន់វាលខ្សាច់នៃខេត្តហូម ។
នាយកអង្គការសិទ្ធិមនុស្សស៊ីរី OSDH លោករ៉ាមី អាប់ដែលរ៉ាហ៍ម៉ាន់ អះអាងប្រាប់ AFP ថា កងទ័ពស៊ីរីលុកចូលក្នុងសង្កាត់មួយនាភាគខាងលិចក្រុង PALMYRE ហើយត្រួតត្រាតំបន់នេះមួយផ្នែក ។ លោករៀបរាប់ពីការប៉ះទង្គិចគ្នា និងការបាញ់ផ្លោង ព្រមទាំងទម្លាក់គ្រាប់បែកយ៉ាងខ្លាំងក្លាក្នុងទីក្រុងនេះនៃខេត្តហូម ។
ទីភ្នាក់ងារព័ត៌មានស៊ីរី SANA គូសបញ្ជាក់នាពេលមុននេះថា កងទ័ពរដ្ឋាផិបាលដណ្តើមយកបានភ្នំ MONT HILAL និងកូនភ្នំឯទៀតៗនៅក្បែរក្រុង PALMYRE ដែលនោះជាជំហានសំខាន់មួយឆ្ពោះទៅប៉ះប្រយុទ្ធគ្នាខ្លាំងក្លា ជាមួយក្រុមភេរវករក្នុងក្រុង ។
លោកអាប់ដែល រ៉ាហ៍ម៉ាន់ អះអាងថា ការដណ្តើមយកទីក្រុងនេះកាន់តែជិតមកដល់ ដោយពួកជីហាដបានដកខ្លួនថយ ក៏ប៉ុន្តែពួកជីហាដអាចប្រើប្រាស់ការវាយប្រហារអត្តឃាតនានា ៕
ចែករំលែកព័តមាននេះ