ប្រភពព័ត៌មានមួយចំនួនរាយការណ៍ថា កាលពីថ្ងៃទី១ មីនា ប្រទេសឥណ្ឌាសម្រេចបានជោគជ័យក្នុងការបាញ់សាកល្បងមីស៊ីលស្ទាក់កម្ទេចរត់លឿនជាងសំឡេងរបស់ខ្លួនក្រោយបាញ់ចេញពីមូលដ្ឋានយោធាមួយស្ថិតនៅ
ប្រភពព័ត៌មានមួយចំនួនរាយការណ៍ថា កាលពីថ្ងៃទី១ មីនា ប្រទេសឥណ្ឌាសម្រេចបានជោគជ័យក្នុងការបាញ់សាកល្បងមីស៊ីលស្ទាក់កម្ទេចរត់លឿនជាងសំឡេងរបស់ខ្លួនក្រោយបាញ់ចេញពីមូលដ្ឋានយោធាមួយស្ថិតនៅក្នុងតំបន់ដែនទឹកនៃឆ្នេរសមុទ្ររដ្ឋអូឌីសា ភាគខាងកើតប្រទេស ។
ប្រភពនេះបញ្ជាក់ថា មីស៊ីល ADVANCED AIR DEFENSE (AAD) ដែលអាចកម្ទេចមីស៊ីលបាលីស្ទិកមួយរបស់សត្រូវហោះកម្ពស់ទាបពេលបាញ់សាកល្បងអាចស្ទាក់កម្ទេចមីស៊ីលធុន PRIHVI មួយតែប៉ុន្មាននាទីប៉ុណ្ណោះ ។
ផលិតដោយអង្គការស្រាវជ្រាវ និងអភិវឌ្ឍន៍ខាងផ្នែកការពារត្រួតត្រាដោយរដ្ឋមីស៊ីល AAD ជាមីស៊ីលមានប្រវែង៧,៥ម៉ែត្រ មានបំពាក់ប្រព័ន្ធរត់រកគោលដៅមួយ ។
ការបាញ់សាកល្បងមីស៊ីល AAD ពុំមែនជាការសាកល្បងដំបូងឡើយដោយការសាកល្បងមួយទៀតធ្លាប់ធ្វើកាលពីខែឧសភា ឆ្នាំ២០១៦ ។ កាលពីខែកុម្ភៈ ឥណ្ឌាសម្រេចបានជោគជ័យការបាញ់សាកល្បងមីស៊ីលស្ទាក់កម្ទេចកម្ពស់ខ្ពស់មួយ ៕
ចែករំលែកព័តមាននេះ