ខេត្តស្វាយរៀង ៖ មានគ្រោះថ្នាក់ចរាចរណ៍មួយបានកើតឡើងបណ្តាលឲ្យអ្នកធ្វើមុខជំនួញវ័យក្មេងម្នាក់បានស្លាប់ភ្លាមៗនៅហ្នឹងកន្លែងកើតហេតុនៅវេលាម៉ោង១០និង៣០នាទីយប់ ថ្ងៃទី១ មីនា ឆ្នាំ២០១៧…
ខេត្តស្វាយរៀង ៖ មានគ្រោះថ្នាក់ចរាចរណ៍មួយបានកើតឡើងបណ្តាលឲ្យអ្នកធ្វើមុខជំនួញវ័យក្មេងម្នាក់បានស្លាប់ភ្លាមៗនៅហ្នឹងកន្លែងកើតហេតុនៅវេលាម៉ោង១០និង៣០នាទីយប់ ថ្ងៃទី១ មីនា ឆ្នាំ២០១៧ នៅលើផ្លូវជាតិលេខ១ ស្ថិតក្នុងភូមិត្រពាំងផ្លុង សង្កាត់បាទី ក្រុងបាវិត រវាងម៉ូតូ និងរថយន្តក្នុងទិសដៅបញ្ច្រាស់ទិសគ្នាក៏បុកចំពីមុខពេញទំហឹងលាន់ដូចរន្ទះបណ្តាលឲ្យអ្នកបើកបរម៉ូតូរងរបួសបែកក្បាលធ្ងន់ធ្ងរស្លាប់ភ្លាមៗ ។
បើតាមសមត្ថកិច្ចនគបាលក្រុងបាវិតបានឲ្យដឹងថា មុនពេលកើតហេតុគេឃើញមានម៉ូតូ១គ្រឿងម៉ាក YAMAHA CBR ពណ៌ក្រហម ពាក់ស្លាកលេខ ភ្នំពេញ 1DE-6025 បើកបរដោយឈ្មោះឈៀន សុបញ្ញា ភេទប្រុស អាយុ២៥ឆ្នាំ ជាអ្នកជំនួញ មានទីលំនៅភូមិទួលគោក សង្កាត់ទួលសង្កែ ខណ្ឌឫស្សីកែវ បើកបរពីកើតទៅលិចដោយមិនពាក់មួកសុវត្ថិភាពលុះមកដល់ចំណុចកើតហេតុខាងលើក៏ទៅបុករថយន្តមួយគ្រឿងម៉ាក TOYOTA HIGHLANDER ពណ៌ទឹកមាស ពាក់ស្លាកលេខ ភ្នំពេញ 2AI-5548 បើកបរដោយឈ្មោះ លឹម តាំងប៉ ភេទប្រុស អាយុ៥១ឆ្នាំ ជាអ្នកលក់ដូរ មានទីលំនៅភូមិ៣ សង្កាត់បឹងកេងកងទី៣ ខណ្ឌចំការមន បើកបរពីលិចទៅកើតបញ្ច្រាស់ទឹសគ្នាយ៉ាងលឿនក៏បុកគ្នាជាមួយអ្នកបើកបរម៉ូតូពេញទំហឹង បណ្ដាលឱ្យអ្នកបើកបរម៉ូតូស្លាប់ភ្លាមៗនៅហ្នឹងកន្លែងកើតហេតុ ។
ចំពោះសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី រីឯរថយន្តនិងម៉ូតូព្រមទាំងអ្នកបើកបររថយន្តសមត្ថកិច្ចបានឃាត់ខ្លួនទុកនៅអធិការដ្ឋាននគរបាលក្រុងបាវិតដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
ចែករំលែកព័តមាននេះ