ស ធារ៉ា តស៊ូហ្វឹកហាត់ខ្លាំងណាស់មុនពេលជាប់ជម្រើសជាតិត្រៀមស៊ីហ្គេម ២០២៣
- ភ្នំពេញ
រាជធានីភ្នំពេញ ៖ សហព័ន្ធកីឡាប្រដាល់គុនខ្មែរ កាលពីពេលថ្មីៗនេះ បានប្រកាសឈ្មោះកីឡាករជម្រើ
រាជធានីភ្នំពេញ ៖ សហព័ន្ធកីឡាប្រដាល់គុនខ្មែរ កាលពីពេលថ្មីៗនេះ បានប្រកាសឈ្មោះកីឡាករជម្រើ
រាជធានីភ្នំពេញ ៖ សហព័ន្ធកីឡាប្រដាល់គុនខ្មែរ កាលពីពេលថ្មីៗនេះ បានប្រកាសឈ្មោះកីឡាករជម្រើសជាតិកម្ពុជា សម្រាប់ត្រៀមខ្លួន ប្រកួតក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ពេលដែលកម្ពុជាធ្វើជាម្ចាស់ផ្ទះ ក្នុងនោះ ក៏មានវត្តមានកីឡាករវ័យ១៤ឆ្នាំ ស ធារ៉ា ម្នាក់ផងដែរ។
ក្មេងប្រុសកំព្រាឪពុក ម៉ាប់ ធារ៉ា ឬត្រូវបានគេស្គាល់លើសង្វៀនប្រដាល់ថា ស ធារ៉ា កើតថ្ងៃទី២១ ខែឧសភា ឆ្នាំ២០០៨ នៅខេត្តកំពង់ចាម។
យុវជនរូបនេះ ត្រូវបានឪពុកលាចាកលោកចោលតាំងពីដើរមិនទាន់ត្រង់ផ្លូវ ហើយត្រូវបានបង្ខំចិត្តផ្លាស់ទីលំនៅ មករស់ក្នុងភូមិស្វាយជ្រំ ឃុំព្រែកដំបង ស្រុកមុខកំពូល ខេត្តកណ្ដាល តាំងពីឆ្នាំ២០១៣។
ស ធារ៉ា បច្ចុប្បន្នរស់នៅពីរនាក់បងស្រីអាយុ១៦ឆ្នាំ ឈ្មោះ ម៉ាប់ ស្រីមួយ ខណៈដែលម្ដាយឈ្មោះ ផាត់ ចិន្តា បច្ចុប្បន្នកំពុងធ្វើការនៅភ្នំពេញ យូរៗទើបបានទៅលេងកូនទាំងពីរម្ដង។
លោក ស សី បានដើរតួជាឪពុកផង គ្រូផង ដើម្បីបណ្ដុះបណ្ដាលក្មេងនេះ ឲ្យចាប់ផ្ដើមហាត់ប្រដាល់កាលពីអាយុ១២ឆ្នាំ ពោលគឺហាត់នៅឆ្នាំ២០២០។ ពេលនោះ គេហាត់ហាលភ្លៀង ហាលខ្យល់ អស់រយៈពេលប្រហែល១ឆ្នាំ ក៏ចាប់ផ្ដើមអាចឡើងប្រកួតបាន ។ រហូតមកដល់ឆ្នាំ២០២២ គេក៏ចាប់ផ្ដើមមានសមត្ថភាព អាចប្រកួតទល់កីឡាករថៃបាន ពិសេសកាលពីពេលថ្មីៗនេះ កីឡាករក្របីយន្តដែលជារហស្សនាមរបស់ ស ធារ៉ា បានចេញទៅវាយដល់ថៃផងដែរ ។
ក្នុងប្រភេទទម្ងន់៤៥គីឡូក្រាមនេះ នៅខ្មែរ ក្មេងប្រុសរូបនេះអាចចាត់ទុកថា ល្អស្ទើរតែរកគូវ៉ៃលែងមានហើយ។ និយាយពីការសិក្សាវិញ ក្មេងប្រុសអាយុ១៤ឆ្នាំរូបនេះ មិនបានចូលរៀនដូចក្មេងដទៃឡើយ ពោលគឺរៀនបានត្រឹមថ្នាក់ទី៧ ប៉ុណ្ណោះ។ នេះ ក៏ព្រោះតែម្ដាយមិនមានលទ្ធភាពឲ្យកូនបានរៀនសូត្រ ដូចក្មេងដទៃ។
ជុំវិញការតស៊ូរបស់ ស ធារ៉ា ត្រូវបានលោក ស សី ទម្លាយថា ក្មេងនេះខុសពីក្មេងដទៃ ព្រោះគេមានការតាំងចិត្តហ្វឹកហាត់ខ្ពស់ណាស់ មិនដែលត្អូញត្អែរថាលំបាកអ្វីសោះឡើយ។ បើទោះពេលខ្លះ គ្មានអីហូបគ្រប់គ្រាន់ មានតែត្រីងៀតមួយដុំតូច ហូបពីរនាក់បងប្អូន ឬជាមួយមិត្តរួមអាជីព ក៏គេមិនដែលត្អូញប្រាប់អ្នកណានោះទេ ។ រីឯជីវភាពវិញគឺកម្សត់លើសពីកម្សត់ ពោលពេលខ្លះ ធារ៉ា ត្រូវដើរបេះកញ្ឆែតលក់ក៏មាន ដើម្បីបានលុយចាយខ្លះ នៅពេលគ្មានគូវ៉ៃលើសង្វៀន៕
ចែករំលែកព័តមាននេះ