ខេត្តកំពង់ឆ្នាំង ៖ យុវជនម្នាក់បានធ្លាយពោះវៀនស្លាប់នៅនឹងកន្លែង ដោយសារតែត្រូវមន្ត្រីយោធាក្នុងអង្គភាពកងពលលេខ១ បាញ់នឹងកាំភ្លើងអាកា៤៧ទៅលើជាច្រើនគ្រាប់ កើតឡើងកាលពីវេលាម៉ោង០២ និង២៨នាទីរំលងអធ្រាត្រ ឈានចូលថ្ងៃទី០២
ខេត្តកំពង់ឆ្នាំង ៖ យុវជនម្នាក់បានធ្លាយពោះវៀនស្លាប់នៅនឹងកន្លែង ដោយសារតែត្រូវមន្ត្រីយោធាក្នុងអង្គភាពកងពលលេខ១ បាញ់នឹងកាំភ្លើងអាកា៤៧ទៅលើជាច្រើនគ្រាប់ កើតឡើងកាលពីវេលាម៉ោង០២ និង២៨នាទីរំលងអធ្រាត្រ ឈានចូលថ្ងៃទី០២
មីនា ស្ថិតនៅភូមិស្ពានពោធិ ឃុំសេដ្ឋី ស្រុកសាមគ្គីមានជ័យ ខណៈដែលជនរងគ្រោះ និងជនបង្កមានទំនាស់ពាក្យសម្តីគ្នារឿងផឹកស៊ីឡូឡាដេកមិនបាន ។
លោកដួង ហុង អធិការនគរបាលស្រុកសាមគ្គីមានជ័យឱ្យដឹងថា មុនពេលកើតហេតុ យុវជនមួយក្រុមដែលមានឈ្មោះសោម
វណ្ណា, សោម វាសនា, ឌុយ ឌីណា, ស៊ុយ ចន្នី នាំគ្នាផឹកស៊ីនៅផ្ទះឈ្មោះប្រាក់ នឿន មានទីលំនៅកើតហេតុខាងលើ ។ ការផឹកស៊ីតាំងពីក្បាលល្ងាច បានអូសបន្លាយរហូតដល់រំលងអធ្រាត្រ ឈានចូលម៉ោងជាង២យប់ ពេលនោះមានមន្ត្រីយោធាម្នាក់(ជនសង្ស័យ) នៅកងពលលេខ១ ឈ្មោះធា ដែលនៅផ្ទះក្បែរគ្នាបានស្រែកប្រាប់ថា «ថ្លង់ណាស់ ផឹកស៊ីឡូឡា ដល់ណាទៀត» ចំណែកក្រុមយុវជនអ្នកផឹកស៊ីតបវិញថា «ពួកខ្ញុំមិនបានស្រែកឡូឡាទេ ពួកខ្ញុំផឹកស៊ីតែផ្ទះខ្ញុំតើហ៍» ហើយក៏កើត តមាត់គ្នាទៅ វិញទៅមក។
ក្រោយមក ស្រាប់តែមន្ត្រីយោយធាឈ្មោះធា បានយកកាំភ្លើងអាកាឈរបាញ់ពីមុខផ្ទះសំដៅទៅកន្លែងផឹកស៊ី បណ្តាលឱ្យត្រូវឈ្មោះសោម វាសនា អាយុ១៨ឆ្នាំ ១គ្រាប់ ធ្លាយពោះវៀនស្លាប់ពេលដឹកទៅសង្គ្រោះ ចំណែកស្ត្រីឈ្មោះតុល យាន ត្រូវចំនួន២គ្រាប់រងរបួសធ្ងន់ ត្រូវបានដឹកទៅសង្គ្រោះនៅមន្ទីរពេទ្យ ព្រះកេតមាលា ។ ក្រោយពេលកើតហេតុ ជនដៃដល់ ដែលជាមន្ត្រីយោធា បានរត់គេចខ្លួនបាត់ ។
នៅព្រឹកថ្ងៃទី០២ មីនា នេះ សមត្ថកិច្ចនគរបាល ដឹកនាំដោយលោក ប៉ុល វុទ្ធី ស្នងការរងនគរបាលខេត្ត ចុះពិនិត្យដល់កន្លែងកើតហេតុ រកឃើញនៅមុខផ្ទះជនដៃដល់ ឃើញមានសំបកគ្រាប់អាកាចំនួន៤គ្រាប់ និងនៅផ្ទះជនរងគ្រោះឃើញមានក្បាលគ្រាប់១គ្រាប់ ។
សមត្ថកិច្ចបានប្រគល់សពជនរងគ្រោះឱ្យទៅខាងក្រុមគ្រួសារ យកទៅធ្វើបុណ្យតាមប្រពៃណី និងបានកសាងសំណុំរឿង បញ្ជូនទៅតុលាការដើម្បីចាត់ការតាមផ្លូវច្បាប់ ។
ចែករំលែកព័តមាននេះ