ផ្ទុះអាវុធផ្អើលខណ្ឌពោធិ៍សែនជ័យទាំងយប់ !
រាជធានីភ្នំពេញ ៖ សមត្ថកិច្ចខណ្ឌពោធិ៍សែនជ័យជាច្រើននាក់សម្រេចចិត្តផ្ទុះអាវុធជាច្រើនគ្រាប់ដើម្បីបង្ក្រាបករណីហិង្សារវាងកងសន្តិសុខយាមការដ្ឋាន និងកម្មករសំណង់សាងសង់ខុនដូរមួយកន្លែង…
រាជធានីភ្នំពេញ ៖ សមត្ថកិច្ចខណ្ឌពោធិ៍សែនជ័យជាច្រើននាក់សម្រេចចិត្តផ្ទុះអាវុធជាច្រើនគ្រាប់ដើម្បីបង្ក្រាបករណីហិង្សារវាងកងសន្តិសុខយាមការដ្ឋាន និងកម្មករសំណង់សាងសង់ខុនដូរមួយកន្លែងឃាត់បានជនបង្ក៣នាក់មកសាកសួរនាំនៅប៉ុស្តិ៍ ។ ហេតុការណ៍នេះបង្កឱ្យមានការភ្ញាក់ផ្អើលនៅវេលាម៉ោង៩និង៣០នាទីយប់ថ្ងៃទី១ មីនា ឆ្នាំ២០១៧ នៅចំណុចក្នុងការដ្ឋានសាងសង់សំណងខុនដូរដែលស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ។
បើតាមប្រភពពីសមត្ថកិច្ចបានឱ្យដឹងថា ជនបង្កទាំង៣នាក់ដែលបានឃាត់ខ្លូនទី១-ឈ្នោះ វ៉ាន ផល្លី អាយុ២៥ឆ្នាំ ជាសន្តិសុខយាមនៅក្នុងការដ្ឋានកើតហេតុត្រូវបានឃាត់ខ្លួន, ទី២-ឈ្មោះ អ៊ិន ចិន្តា អាយុ២៧ឆ្នាំ ស្នាក់នៅក្នុងការដ្ឋានកើតហេតុហើយជាសន្តិសុខយាមត្រូវបានឃាត់ខ្លួន និងទី៣-ឈ្មោះ វឿន តូច អាយុ១៩ឆ្នាំ ស្នាក់នៅក្នុងការដ្ឋានកើតហេតុជាកម្មករសំណង់ក៏ត្រូវបានសមត្ថកិច្ចឃាត់ខ្លួនផងដែរ ។
ប្រភពពីកន្លែងកើតហេតុបាននិយាយនៅមុនពេលកើតហេតុថា គេបានប្រទះឃើញករណីហិង្សារវាងសន្តិសុខយាមក្នុងការដ្ឋាន និងកម្មករសំណង់ ដោយសាររឿងហាមយកគ្រឿងស្រវឹងចូលក្នុងការដ្ឋាន តែកម្មករបានលួចទិញគ្រឿងស្រវឹងចូលហើយត្រូវសន្តិសុខចាប់បានក៏ត្រូវសន្តិសុខស្តីបន្ទោសរហូតដល់មានទំនាស់គ្នា ទើបខាងកម្មករហៅគ្នីគ្នាមកច្រើន ហើយសន្តិសុខក៏បាននាំគ្នាមកច្រើនដែរទើបឈានដល់ទាញដំបងទិប ដំបងឈើមកកាន់ចូលវ៉ៃគ្នាដូចក្នុងរឿងកុនរបួសរៀងខ្លួន និងមានអ្នកខ្លះរត់ចោលម៉ូតូចំនួន៣គ្រឿងនៅកន្លែងកើតហេតុ ។
ក្រោយពីកើតហេតុការណ៍ទំនាស់រហូតដល់បង្កហិង្សារួចមកក៏មានប្រជាពលរដ្ឋបានរាយការណ៍ប្រាប់សមត្ថកិច្ច ភ្លាមនោះកម្លាំងអន្តរាគនម៍ដែលកំពុងជិះល្បាតនៅក្បែរកន្លែងកើតហេតុទៅដល់ឃើញម៉ូតូ៣គ្រឿងដួលនៅលើផ្លូវ ស្រាប់តែឃើញឆាកប្រយុទ្ធជាលើកទី២ដោយក្រុមកម្មករទៅរករឿងន្តិសុខម្តងទៀត ក៏ត្រូវសន្តិសុខដេញរត់ចេញមកក្រៅ បន្ទាប់មកកម្លាំងសមត្ថកិច្ចចូលទៅឃាត់តែនៅតែមិនស្តាប់ដោយម្ខាងៗមានគ្នាជាង២០ទើបសមត្ថកិច្ចសម្រេចផ្ទុះអាវុធឡើងលើជាច្រើនគ្រាប់ដើម្បីបំបែកហ្វូងដោយសារកម្លាំងសមត្ថកិច្ចមានគ្នាតិចជាងពិបាកបង្ក្រាបចាប់មួយរួចមួយ ក្រោយមកឃាត់បានកម្មករម្នាក់ និងសន្តិសុខម្នាក់រួមជាមួយនាក់មើលការខុសត្រូវម្នាក់ ។
ក្រោយពេលកើតហេតុសមត្ថកិច្ចស្ទើមួយខណ្ឌពោធិ៍សែនជ័យបានចុះទៅអន្តរាគមន៍ និងទៅឆែកឆេរកន្លែងស្នាក់របស់កម្មករតែជនទាំងនោះបានរត់គេចខ្លួនបាត់អស់ ។ ជនបង្កដែលបានឃាត់ខ្លួនត្រូវបានសមត្ថកិច្ចប៉ុសិ៍្តបានកសាងសំណុំរឿងបញ្ជូនទៅអធិការខណ្ឌពោធិ៍សែនជ័យរងចាំការដោះស្រាយ ៕
ចែករំលែកព័តមាននេះ