ទីភ្នាក់ងារព័ត៌មានរ៉យទ័រ កាលពីពេលថ្មីៗកន្លងមកបានផ្សាយថា ប៉ូលិសប្រឆាំងអំពើភេរវកម្មរបស់អូស្ដ្រាលី បានចាប់ខ្លួនបុរសអនាមិកម្នាក់ ក្រោយពីចូលឆែកឆែរអគារនៅទីជនបទមួយ កាលពីថ្ងៃទី២៨ កុម្ភៈកន្លងមក ដោយ
ទីភ្នាក់ងារព័ត៌មានរ៉យទ័រ កាលពីពេលថ្មីៗកន្លងមកបានផ្សាយថា ប៉ូលិសប្រឆាំងអំពើភេរវកម្មរបស់អូស្ដ្រាលី បានចាប់ខ្លួនបុរសអនាមិកម្នាក់ ក្រោយពីចូលឆែកឆែរអគារនៅទីជនបទមួយ កាលពីថ្ងៃទី២៨ កុម្ភៈកន្លងមក ដោយចោទប្រកាន់បុរសនោះថា បានព្យាយាមជួយដល់ក្រុមរដ្ឋអ៊ិស្លាម ISIS ក្នុងការអភិវឌ្ឍបច្ចេកវិទ្យាគ្រឿងសព្វាវុធ ។
តាមរបាយការណ៍របស់ប្រព័ន្ធផ្សព្វផ្សាយអូស្ដ្រាលីបានឱ្យដឹងថា មានប៉ូលិសជាច្រើនរូប ដោយប្រើប្រាស់សុនខផង បានចូលឆែកឆេរអគារមួយនៅទិសនិរតីក្រុងស៊ីដនី ចម្ងាយប្រហែល២៧០គីឡូម៉ែត្រ ។
លោក Ian Mccatney មេបញ្ជាការរងអង្គភាពប្រយុទ្ធប្រឆាំងអំពើភេរវកម្ម បានគូសបញ្ជាក់ថា ប៉ូលិសបានចោទប្រកាន់បុរសអាយុ៤២ឆ្នាំម្នាក់ ដែលបានពិភាក្សាជាមួយក្រុម ISIS ទាក់ទងនឹងវិធីសាស្ដ្រអភិវឌ្ឍន៍បច្ចេកវិទ្យា ដើម្បីចាប់ប្រព័ន្ធមីស៊ីលនាំផ្លូវ និងការបង្កើតគ្រឿងសព្វាវុធ ។ លោកបន្ដថា «យើងនឹងចោទប្រកាន់រូបគេដែលសិក្សាស្រាវជ្រាវលើការចេញម៉ូដ និងចម្លងប្រព័ន្ធមីសុីលក្នុងចម្ងាយឆ្ងាយជួយក្រុម ISIS ។
អូស្ដ្រាលីដែលជាសម្ព័ន្ធមិត្ដដ៏ធំរបស់សហរដ្ឋអាមេរិក បានបញ្ជូនកងទ័ពទៅប្រយុទ្ធនៅប្រទេសអាហ្វហ្គានីស្ថាន និងអីុរ៉ាក់ រួមទាំងកំពុងស្ថិតក្នុងការប្រកាសអាសន្នឱ្យប្រុងប្រយ័ត្នពីការវាយប្រហារដោយក្រុមក្បាលរឹងនៅក្នុងប្រទេសតាំងពីឆ្នាំ២០១៤មក ។ ស្របពេលជាមួយគ្នានេះ អាជ្ញាធរអូស្ដ្រាលីក៏បានបញ្ជាក់ថា ទោះបីបានទប់ស្កាត់គម្រោងវាយប្រហារក្នុងរយៈពេលប៉ុន្មានឆ្នាំក៏ដោយ ប៉ុន្ដែក៏មិនធ្លាប់ចាប់ខ្លួនបានបុគ្គលណាម្នាក់ដែលទទួលការចោទប្រកាន់ថា ផ្ដល់ជំនួយផ្នែកបច្ចេកទេសដល់ក្រុមក្បាលរឹងដែរ ៕
ចែករំលែកព័តមាននេះ