រថយន្តដឹកផ្លែស្វាយខ្វីចុះចំណោទហ្វ្រាំងមិនស៊ីក្រឡាប់បុកជញ្ជាំងភ្នំ
ខេត្តកោះកុង ៖ រថយន្តដឹកផ្លែស្វាយខ្ចីមួយគ្រឿងចុះចំណោទហ្វ្រាំងមិនស៊ីបានក្រឡាប់ជះផ្លែស្វាយចោលអស់ និងបណ្តាលឱ្យមនុស្សរងរបួសចំនួន៣នាក់…
ខេត្តកោះកុង ៖ រថយន្តដឹកផ្លែស្វាយខ្ចីមួយគ្រឿងចុះចំណោទហ្វ្រាំងមិនស៊ីបានក្រឡាប់ជះផ្លែស្វាយចោលអស់ និងបណ្តាលឱ្យមនុស្សរងរបួសចំនួន៣នាក់ នៅវេលាម៉ោង១២និង៣០នាទី ថ្ងៃទី២៨ កុម្ភៈ ឆ្នាំ២០១៧ ។
រថយន្តយីឌុបដឹកផ្លែស្វាយខ្ចីមួយគ្រឿងត្រូវបានក្រឡាប់ បុកនឹងជញ្ជាំងភ្នំបណ្តាលឱ្យរងការខូចខាតយ៉ាងដំណំ និងជះគ្រវែងផ្លែស្វាយពេញមួយឡានចោលអស់ពាសពេញថ្នល់ ខណៈពេលចុះចំណោទហើយជាន់ហ្វ្រាំងមិនស៊ី ។ ហេតុការណ៍នេះបានកើតឡើងនៅចំណុចផកលូវអន្ទង់អាំង លើកំណាតផ្លូវជាតិលេខ៤៨ ស្ថិតក្និង ភូមិជីមាល ឃុំអណ្តូងទឹក ស្រុកបុទុមសាគរ ។
លោក សុខ ផន អធិការនគរបាលស្រុកបុទុមសាគរបានបញ្ជាក់ថា រថយន្តរងការគ្រោះថ្នាក់ខាងលើ ពណ៌ខៀវផ្ទៃមេឃ ពាក់ស្លាកលេខ ព្រះសីហនុ ភ្នំពេញ 3A-1824 ដឹកផ្លែស្វាយខ្ចីពីភ្នំពេញឆ្ពោះទៅខេត្តកោះកុង តែមកដល់ចំណុចខាងលើជាផ្លូវចុះចំណោទជាន់ហ្វ្រាំងមិនស៊ិ ក៏ជ្រុលទៅបុកជញ្ជាំងភ្នំតែម្តង តែមិនបណ្តាលឱ្យគ្រោះថ្នាក់ដល់ជីវិតឡើយ គ្រាន់តែរងរបួសអ្នកបើកបរម្នាក់ និងព្រូឡាន២នាក់ ហើយផ្លែស្វាយប្រមាណ១០តោនត្រូវរងការខូចខាតទាំងអស់ ៕
ចែករំលែកព័តមាននេះ