កាលពីថ្ងៃទី២៨ កុម្ភៈ កន្លងមក AFP ផ្សាយថា មានអ្នកស្លា.ប់យ៉ាងតិច១៦០នាក់ ក្នុងរវាង៣ខែកន្លងមកពីហេតុការណ៍ប៉ះទង្គិចគ្នារវាងកងទ័ពមីយ៉ាន់ម៉ា និងក្រុមជនប្រដាប់អាវុធនៅបរិវេណព្រំដែន
កាលពីថ្ងៃទី២៨ កុម្ភៈ កន្លងមក AFP ផ្សាយថា មានអ្នកស្លាប់យ៉ាងតិច១៦០នាក់ ក្នុងរវាង៣ខែកន្លងមកពីហេតុការណ៍ប៉ះទង្គិចគ្នារវាងកងទ័ពមីយ៉ាន់ម៉ា និងក្រុមជនប្រដាប់អាវុធនៅបរិវេណព្រំដែនជាប់ជាមួយប្រទេសចិន ក្នុងរដ្ឋ Shan តាមការគូសបញ្ជាក់ពីមន្ត្រីទ័ពជាន់ខ្ពស់ប្រទេសមីយ៉ាន់ម៉ា ។
ក្រៅពីនេះក៏នៅមានជនចំណាកស្រុកច្រើនជាង២០.០០០នាក់ តាំងពីកើតមានការប្រយុទ្ធគ្នារវាងកងទ័ព និងក្រុមប្រដាប់អាវុធជាច្រើនក្រុមនៅបរិវេណព្រំដែនចិនតាំងពីខែវិច្ឆិកា កន្លងទៅ ។
ហេតុការណ៍អសន្តិសុខខាងលើបានកើតឡើងនៅរដ្ឋ Shan ភាគខាងជើងប្រទេសមីយ៉ាន់ម៉ា និងបានរីករាលដាលទៅដល់រដ្ឋ Kachin នៅជាប់គ្នាបង្កឱ្យកើតមានឧបសគ្គរារាំងដល់កិច្ចព្យាយាមក្នុងការចរចាសន្តិភាពបានអូសបន្លាយក្នុងរយៈពេលយូរជាច្រើនទសវត្ស ។
របាយការណ៍បានបញ្ជាក់ទៀតថា ការប្រយុទ្ធគ្នាកាន់តែតានតឹងខ្លាំងឡើង ក្រោយពីក្រុមប្រដាប់អាវុធបានវាយប្រហារដាក់ក្រុមសន្តិសុខកាលពីខែវិច្ឆិកា បង្កឱ្យកងទ័ពមីយ៉ាន់ម៉ាធ្វើការតបតដោយកាំភ្លើងធំ និងតាមផ្លូវអាកាស ខណៈពេលអ្នកជំនាញភាគច្រើនបញ្ជាក់ថា ការប៉ះទង្គិចគ្នាលើកនេះមានទ្រង់ទ្រាយក្នុងអំឡុងពេលជាង៣០ឆ្នាំកន្លងទៅ ៕
ចែករំលែកព័តមាននេះ