ជនបរទេសជាង១ម៉ឺននាក់ត្រូវបានបញ្ជូនចេញពីប្រទេសកម្ពុជា
រាជធានីភ្នំពេញ ៖ ក្នុងរយៈពេល២ខែដើមឆ្នាំ២០១៧នេះអាជ្ញាធរកម្ពុជាបានធ្វើការបញ្ជូនជនបរទេសឲ្យចេញពីប្រទេសកម្ពុជាជាង៤០០នាក់ មាន២៤សញ្ជាត…
រាជធានីភ្នំពេញ ៖ ក្នុងរយៈពេល២ខែដើមឆ្នាំ២០១៧នេះអាជ្ញាធរកម្ពុជាបានធ្វើការបញ្ជូនជនបរទេសឲ្យចេញពីប្រទេសកម្ពុជាជាង៤០០នាក់ មាន២៤សញ្ជាត…
រាជធានីភ្នំពេញ ៖ ក្នុងរយៈពេល២ខែដើមឆ្នាំ២០១៧នេះអាជ្ញាធរកម្ពុជាបានធ្វើការបញ្ជូនជនបរទេសឲ្យចេញពីប្រទេសកម្ពុជាជាង៤០០នាក់ មាន២៤សញ្ជាតក្នុងនោះ ជនជាតិវៀតណាមប្រមាណ៩០% ដែលពួកគេឆ្លងដែនខុសច្បាប់ ស្នាក់នៅផុតកំណត់ទិដ្ឋាការ និងស្នាក់នៅបង្កឲ្យប៉ះពាល់ដល់សន្តិសុខជាតិ ។
លោកឧត្តមសេនីយ៏ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៏ក្រសួងមហាផ្ទៃបានឲ្យកោះសន្តិភាពឱ្យដឹងតាមរយៈទូរស័ព្ទនាថ្ងៃទី១ មីនា ឆ្នាំ២០១៧ ថា ចាប់តាំងពីបង្កើតនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៏ក្រសួងមហាផ្ទៃ កាលពីខែកក្តដា ឆ្នាំ២០១៤ រហូតមកដល់២០១៧នេះ មានរយៈពេល៣ឆ្នាំមកហើយ ។ លោកឧត្តមសេនីយ៏ទោបានបន្តថា ក្នុងរយៈពេល៣ឆ្នាំកន្លងមកនេះនាយកដ្ឋានរបស់លោក បានធ្វើការឃាត់ខ្លួនជនបរទេសដែលឆ្លងដែនខុសច្បាប់ មានការស្នាក់នៅផុតកំណត់ទិដ្ឋាការ និងស្នាក់នៅបង្កឲ្យប៉ះពាល់ដល់សន្តិសុខជាតិ និងបានបញ្ជូនទៅប្រទេសរបស់គេវិញមានចំនួន១២.០៨៨នាក់ ស្រី២.០៨៨នាក់ មាន៧៧សញ្ជាត ក្នុងនោះជនជាតិវៀតណាមមានចំនួន១០.១៣៩នាក់ ។
លោកបានឲ្យដឹងទៀតថា សម្រាប់រយៈពេល២ខែចាប់ពីខែមករាមកដល់ខែកុម្ភៈ ឆ្នាំ២០១៧នេះ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៏ក្រសួងមហាផ្ទៃ បានធ្វើការឃាត់ខ្លួន និងបញ្ជូនជនបរទេសឲ្យចេញពីប្រទេសកម្ពុជាមានចំនួន៤២៧នាក់ មាន២៤សញ្ជាតក្នុងនោះជនជាតិវៀតណាមចំនួន៣៩០នាក់ ។
គួររំលឹកថា ក្នុងឆ្នាំ២០១៥កម្ពុជាបានឃាត់ខ្លួន និងបញ្ជូនជនបរទេសខុសច្បាប់ប្រមាណជិត៧ពាន់នាក់ និងឆ្នាំ២០១៦ ជនជាតិវៀតណាមជិត៣ពាន់នាក់ ដែលរស់នៅក្នុងប្រទេសកម្ពុជាដោយខុសច្បាប់ត្រូវបានបញ្ជូនទៅស្រុកកំណើតវិញផងដែរ ៕
ចែករំលែកព័តមាននេះ