ភ្ជុំឆ្នាំនេះ! ចរាចរណ៍លើស្ពានអ្នកលឿង ពុំមានការកកស្ទះទេ តែកាកសំណល់សំរាមមានច្រើន
- ព្រៃវែង
ខេត្តព្រៃវែង ៖ សមត្ថកិច្ចដែលប្រចាំការនៅលើស្ពាន ត្សឹបាសា ហៅស្ពានអ្នកលឿង បានអោយដឹងថា
ខេត្តព្រៃវែង ៖ សមត្ថកិច្ចដែលប្រចាំការនៅលើស្ពាន ត្សឹបាសា ហៅស្ពានអ្នកលឿង បានអោយដឹងថា
ខេត្តព្រៃវែង ៖ សមត្ថកិច្ចដែលប្រចាំការនៅលើស្ពាន ត្សឹបាសា ហៅស្ពានអ្នកលឿង បានអោយដឹងថា រដូវភ្ជំឆ្នាំនេះ ប្រជាពលរដ្ឋដែលធ្វើដំណើរទៅស្រុកកំណើត និងវិលត្រឡប់ទៅធ្វើការវិញ ក្រោយចប់បុណ្យភ្ជំ គឺមានចំនួនច្រើនដូចឆ្នាំមុនៗដែរ ប៉ុន្តែការធ្វើចរាចរណ៍នៅលើកំណាត់ផ្លូវជាតិលេខ1 ពិសេសនៅលើស្ពានត្សឹបាសា គឺពុំមានការកកស្ទះនោះទេ ដោយសារមានការជួយអន្តរាគមសម្រួលចរាចរណ៍ ពីសមត្ថកិច្ចទាំង2ខេត្ត គឺសមត្ថកិច្ចស្រុកលើកដែក ខេត្តកណ្តាល និង សមត្ថកិច្ចស្រុកពាមរក៍ ខេត្តព្រៃវែង។
ប្រភពដដែលនេះបានបន្តថា បើទោះបីជាមិនមានបញ្ហារឿងចរាចរណ៍មែន ប៉ុន្តែនៅលើស្ពានត្សឹបាសា បានកើតឡើងនៅបញ្ហាមួយទៀត នោះគឺបញ្ហាសំរាម ដោយសារប្រជាពលរដ្ឋដែលឆ្លងកាត់ បាននាំគ្នាឈប់នៅលើស្ពាន ដោយអ្នកខ្លះនាំគ្នាថតរូបទុកមើល អ្នកខ្លះឈរមើលទេសភាពនិងស្រូបយកខ្យល់អាកាសបរិសុទ្ធ ហើយអ្នកខ្លះទៀតនាំគ្នាទិញនំចំណីទទួលទាននៅលើស្ពាន ហើយកាកសំណល់ដែលទទួលទានរួច គឺទុកចោលនៅលើស្ពានតែម្តង ដោយមិនបានប្រមូលវិចខ្ចប់យកទៅចោលនោះទេ។
ក្រុមសមត្ថកិច្ចដដែលនេះបានបញ្ជាក់ទៀតថា ក្រុមអ្នកទទួលទាននំចំណីលើស្ពាននេះ ខាងសមត្ថកិច្ចបានដើរដេញរហូត តែដេញមិនឈ្នះ អ្នកខ្លះចោទខាងសមត្ថកិច្ចវិញថាចិត្តអាក្រក់ម៉្លេះគ្រាន់ឈប់អង្គុយលេងបន្តិចមិនបាន ចំណែកអ្នកខ្លះណែនាំអោយវិចខ្ចប់សំរាមដែលហូបហើយយកទៅចោលផង ពួកគាត់ឆ្លើយបាទ-ចាសដឹងហើយ តែពេលហូបហើយពួកគាត់នាំគ្នាទៅបាត់ ទុកសំរាមចោលលើស្ពានដដែល ចំណែកក្រុមអ្នកលក់វិញក៏ដូចគ្នាដែរ នាំគ្នាមកលក់លើស្ពាន ដេញមិនឈ្នះ ពេលដេញខ្លាំងចោទសមត្ថកិច្ចថាធ្វើបាបរាស្ត្រក្រីក្រ។
ទោះជាយ៉ាងណាក៏ដោយ បាតុភាពបែបនេះ គេសង្កេតឃើញកើតមានតែក្នុងអំឡុងពេលរដូវបុណ្យទានប៉ុណ្ណោះ ព្រោះពេលវេលានោះ មានអ្នកដំណើរច្រើន ដូច្នេះគេសង្ឃឹមថា ខាងសមត្ថកិច្ចក៏ដូចជាអាជ្ញាធរនៃខេត្តទាំង2 អាចនិងមានវិធានការសមស្របណាមួយ ដើម្បីដោះស្រាយបញ្ហានេះ ៕
ចែករំលែកព័តមាននេះ