យុវជននិងយុវតីឈាមរាវ ត្រូវបានសមត្ថកិច្ចឃាត់ខ្លួន
ខេត្តមណ្ឌលគិរី ៖ ជនពាក់ព័ន្ឋគ្រឿងញៀនចំនួន៥នាក់ក្នុងនោះមានស្រីម្នាក់ត្រូវបានសមត្ថកិច្ចជំនាញឃាត់ខ្លួនបានកាលពីរសៀលថ្ងៃទី២៨ កុម្ភៈ ២០១៧
ខេត្តមណ្ឌលគិរី ៖ ជនពាក់ព័ន្ឋគ្រឿងញៀនចំនួន៥នាក់ក្នុងនោះមានស្រីម្នាក់ត្រូវបានសមត្ថកិច្ចជំនាញឃាត់ខ្លួនបានកាលពីរសៀលថ្ងៃទី២៨ កុម្ភៈ ២០១៧ នៅចំណុចផ្លូវលំ ស្ថិតនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ។ ក្នុងប្រតិបត្តិការនោះសមត្ថកិច្ចបានឈានដល់ការចូលឆែកឆេរផ្ទះជួលរបស់ពួកគេស្នាក់នៅ និងរឹបអូសបានវត្ថុតាងរួមនិងថ្នាំញៀនចំនួន ។
នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តមណ្ឌលគិរីបានឲ្យដឹងថា ប្រតិបត្តិការនេះគឺសមត្ថកិច្ចបានតាមដានសកម្មភាពរបស់ក្រុមជនសង្ស័យទាំងនេះច្រើនថ្ងៃមកហើយ ហើយក្នុងពេលឃាត់ខ្លួនជនសង្ស័យទាំងនេះនៅជំហ៊ានទី១គឺសមត្ថកិច្ចបានឃ្លាំមើល និងឃាត់បានជនសង្ស័យចំនួន២នាក់ រួមនិងថ្នាំញៀនប្រភេទមេតំហ្វេតាមីនហៅម៉ាទឹកកក១កញ្ចប់ធំ និងម៉ូតូ១គ្រឿង ។
បន្ទាប់មកសមត្ថកិច្ចបានបន្តទៅឆែកឆេរផ្ទះជួលដែលពួកគេស្នាក់នៅដែលមានទីតាំងនៅ ភូមិដោះក្រមុំ សង្កាត់សុខដុម ក្រុងសែនមនោរម្យ និងឃាត់ខ្លួនបានបក្សពួក៣នាក់បន្ថែមទៀតរួមនិងថ្នាំញៀន១កញ្ចប់តូច សម្ភារប្រើប្រាស់គ្រឿងញៀន ជញ្ជីងថ្លឹងគ្រឿងញៀន១គ្រឿង ព្រមទាំងម៉ូតូចំនួន២គ្រឿង ។
លោកនាយការិយាល័យប្រឆាំងគ្រឿងញៀនបានឲ្យដឹងទៀតថា គ្រឿងញៀនដែលសមត្ថកិច្ចរឹបអូសបានសរុបមានចំនួន២កញ្ចប់ ទម្ងន់២,៨៥ក្រាម ហើយបច្ចុប្បន្នជនសង្ស័យទាំង៥នាក់ រួមនិងវត្ថុតាងទាំងអស់ត្រូវបានបញ្ជូនមកស្នងការដ្ឋាននគរបាលខេត្តមណ្ឌលគិរីដើម្បីកសាងសំណុំរឿងចាត់ការតាមនីតិវីធី ៕
ចែករំលែកព័តមាននេះ