ខេត្តព្រះសីហនុ ៖ យុវជនម្នាក់ត្រូវបានរថយន្តសង្គ្រោះបន្ទាន់របស់គ្លីនិចឯកជនដឹកបញ្ជូនទៅកាន់មន្ទីពេទ្យបង្អែកចំការចេកភ្លាមៗ បន្ទាប់ពីត្រូវបានរថយន្តកូរ៉េដឹកទំនិញ១តោនកន្លះបុកពេញទំហឹងបណ្តាលឱ្យរងរបួសធ្ងន់
ខេត្តព្រះសីហនុ ៖ យុវជនម្នាក់ត្រូវបានរថយន្តសង្គ្រោះបន្ទាន់របស់គ្លីនិចឯកជនដឹកបញ្ជូនទៅកាន់មន្ទីពេទ្យបង្អែកចំការចេកភ្លាមៗ បន្ទាប់ពីត្រូវបានរថយន្តកូរ៉េដឹកទំនិញ១តោនកន្លះបុកពេញទំហឹងបណ្តាលឱ្យរងរបួសធ្ងន់ ។ ហេតុការណ៏នេះបានកើតឡើងនៅវេលាម៉ោង២០និង៣០នាទីយប់ថ្ងៃទី២៨ ខែកុម្ភៈ ឆ្នាំ២០១៧ ស្ថិតក្នុងភូមិ៣ សង្កាត់លេខ៤ ក្រុងព្រះសីហនុ ។
ដោយឡែកយោងតាមប្រភពសាក្សីមួយចំនួនដែលនៅក្បែរកន្លែងកើតហេតុបានអះអាងថា នៅមុនកើតហេតុគេឃើញរថយន្តបង្កម៉ាកហ៊ីយ៉ាន់ដាយពណ៏ស ប្រភេទដឹកទំនិញ១តោនកន្លះ ពាក់ស្លាកលេខ ព្រះសីហនុ 2A-5891 និងម៉ូតូជនរងគ្រោះម៉ាកMSX ពណ៏លឿង ពាក់ស្លាកលេខ ព្រះសីហនុ 1M-1001 បើកស្របទិសគ្នាពីជើងទៅត្បូងក្នុងល្បឿនលឿនដូចគ្នា ខណៈពេលមកដល់ចំណុចកើតហេតុរថយន្តពុំបានបង្អង់ល្បឿននោះទេគឺបួងចង្កួតបត់ឆ្វេងតែម្តង ទើបបណ្តាលឱ្យបុកម៉ូតូដែលបើកក្បែរនោះពេញទំហឹងបណ្តាលឱ្យមនុស្សខ្ទាតបោកខ្ទប់ទៅនឹងរថយន្តចតចោលមុខអាហារដ្ឋានមនោរម្យ២រងរបួសធ្ងន់ បន្ទាប់មករថយន្តពុំបានឈប់មើលជនរងគ្រោះនោះទេគឺបានបន្ថែមល្បឿនគេចខ្លួនបាត់ស្រមោល ៕
ចែករំលែកព័តមាននេះ