- ភ្នំពេញ
ភ្នំពេញ៖ ក្នុងអំឡុងពេលពិធីបុណ្យភ្ជុំបិណ្ឌនេះ នៅមានប៉ូលិសចរាចរណ៍ ដាក់ពង្រាយកម្លាំង ស្ទាក់ផាកពិន័យអ្នកល្មើសច្បាប់ចរាចរណ៍។ ករណីនេះ ត្រូវបានអ្នកលេងហ្វេសប៊ុក បង្ហោះថា «បុណ្យទានហើយ ល្មមយកតួនាទី…
ភ្នំពេញ៖ ក្នុងអំឡុងពេលពិធីបុណ្យភ្ជុំបិណ្ឌនេះ នៅមានប៉ូលិសចរាចរណ៍ ដាក់ពង្រាយកម្លាំង ស្ទាក់ផាកពិន័យអ្នកល្មើសច្បាប់ចរាចរណ៍។ ករណីនេះ ត្រូវបានអ្នកលេងហ្វេសប៊ុក បង្ហោះថា «បុណ្យទានហើយ ល្មមយកតួនាទី…
ភ្នំពេញ៖ ក្នុងអំឡុងពេលពិធីបុណ្យភ្ជុំបិណ្ឌនេះ នៅមានប៉ូលិសចរាចរណ៍ ដាក់ពង្រាយកម្លាំង ស្ទាក់ផាកពិន័យអ្នកល្មើសច្បាប់ចរាចរណ៍។ ករណីនេះ ត្រូវបានអ្នកលេងហ្វេសប៊ុក បង្ហោះថា «បុណ្យទានហើយ ល្មមយកតួនាទី មកបំរើពលរដ្ឋខ្លះទៅ។ ផ្អាកចាប់ផាកមួយអាទិត្យ ហើយមកជួយសំរួលការធ្វើដំណើរពលរដ្ឋទៅស្រុក មិនបានអី អស់លោកមន្រ្តី? ទុកលុយផាកហ្នឹង ឱ្យពួកគាត់ទៅស្រុក ជូនពុកម៉ែដូនតាគាត់ទៅ»។
សាររបស់ប្រជាពលរដ្ឋយើងដូច្នេះ នាំឱ្យមានការចោទសួរថា តើប៉ូលិស ត្រួតពិនិត្យការអនុវត្តច្បាប់ចរាចរណ៍ រួមទាំងការផាកពិន័យអ្នកល្មើសច្បាប់ចរាចរណ៍ ជាការធ្វើបាបប្រជាពលរដ្ឋឬ?
តាមច្បាប់ចរាចរណ៍ អ្នកល្មើសច្បាប់ចរាចរណ៍ ត្រូវផាកពិន័យទាបបំផុត ៦ម៉ឺនរៀល សម្រាប់ម៉ូតូ និងឡាន ៨ម៉ឺនរៀល។ លុយនេះ មានចំនួនច្រើន បើគ្រាន់តែជិះម៉ូតូ ១គ្រឿង គ្នា ៣នាក់ ឬក៏អ្នកធ្វើដំណើរតាមម៉ូតូ មិនពាក់មួកសុវត្ថិភាព ឬក៏ពាក់មួកសុវត្ថិភាពហើយ តែមិនដាក់ខ្សែគន្លឹះឱ្យបានត្រឹមត្រូវទេនោះ។
ក៏ប៉ុន្តែមែនទែនទៅ ចង់ប៉ូលិសចរាចរណ៍ ដាក់កម្លាំងស្ទាក់ ត្រួតពិនិត្យតាមផ្លូវ និងនៅតាមភ្លើងស្តុបយ៉ាងណាក៏ដោយ តែបើយើង ជាអ្នកបើកបរ និងធ្វើដំណើរតាមម៉ូតូ តាមឡាន គោរពច្បាប់ត្រឹមត្រូវ ដោយម៉ូតូមានកញ្ចក់មើលក្រោយ បើកបរមិនលឿនៗ រហូតដល់ហួសល្បឿនកំណត់ ហើយអ្នកបើកបរ និងអ្នករួមដំណើរ ពាក់មួកសុវត្ថិភាពត្រឹមត្រូវ រួមទាំងគោរពភ្លើងស្តុប និងមិនបើកបរក្នុងស្ថានភាពស្រវឹង ជាដើម ក៏មិនមានប៉ូលិសចរាចរណ៍ឯណា ហៅឃាត់ ដើម្បីផាកពិន័យឡើយ។
ដូចគ្នាដែរ ឡានផ្ទាល់ខ្លួន និងឡានតាក់ស៊ី បើសិនជាបើកបរតាមល្បឿនកំណត់ កុំលឿនៗពេក អ្នកបើកបរមិនស្រវឹងស្រា ហើយអ្នកអង្គុយកៅអីខាងមុខ ដាក់ខ្សែក្រវាត់សុវត្ថិភាពត្រឹមត្រូវ ឬក៏អ្នកបើកបរ មិននិយាយទូរសព្ទ ដោយគ្មានកាស ជាដើមនោះ ក៏មិនមានប៉ូលិស ហៅឈប់ ត្រួតពិនិត្យ ឬក៏ផាកពិន័យអ្វីទេ។
ផ្ទុយទៅវិញ ការដាក់កម្លាំងប៉ូលិស ត្រួតពិនិត្យតាមផ្លូវ និងតាមភ្លើងស្តុបនេះ ក៏ដើម្បីតែសេចក្តីសុខ សុវត្ថិភាពរបស់អ្នកដំណើរប៉ុណ្ណោះ មិនថា អ្នកធ្វើដំណើរតាមម៉ូតូ និងតាមឡាននោះទេ។ នៅពេលមានប៉ូលិសដូច្នេះ ម្នាក់ៗរាងញញើត ហើយបន្ថយល្បឿន និងបើកបរដោយប្រុងប្រយ័ត្ន។
ចូរកុំភ្លេចថា នាប៉ុន្មានថ្ងៃនៅមុនបុណ្យភ្ជុំបិណ្ឌនេះ គ្រោះថ្នាក់ចរាចរណ៍ នៅទូទាំងប្រទេសកម្ពុជាយើង បានសម្លាប់មនុស្ស ១ថ្ងៃៗ ពី ៨នាក់ ទៅ ១០នាក់ រៀងរាល់ថ្ងៃ និងមានអ្នករបួសជាង ១០នាក់ផ្សេងទៀត។ ចំណែកភ្ជុំបិណ្ឌឆ្នាំមុន រយៈពេល ៣ថ្ងៃ នៅទូទាំងប្រទេស កើតមានគ្រោះថ្នាក់ ៣៥លើក បណ្តាលឱ្យស្លា.ប់ ១៤នាក់ និងរបួស ៦៤នាក់។
ដូច្នេះវត្តមានរបស់ប៉ូលិសចរាចរណ៍តាមផ្លូវ ដើម្បីត្រួតពិនិត្យការអនុវត្តច្បាប់ចរាចរណ៍ និងចាប់ឃាត់ផាកពិន័យអ្នកដំណើរល្មើសច្បាប់ គួរតែបង្កើនវត្តមានឱ្យកាន់តែច្រើនថែមទៀត នៅពេលបុណ្យទាន ហើយអាចដាក់ឱ្យបានគ្រប់ឃុំសង្កាត់ មិនថា នៅផ្លូវជាតិ ឬផ្លូវលំ ផ្លូវខេត្ត និងតាមភូមិឃុំ ស្រុកស្រែចំការនោះទេ។
ប៉ុន្តែអំឡុងពេលបុណ្យទានដូច្នេះ គួរតែប៉ូលិសចរាចរណ៍ ជ្រើសយកវិធានការអប់រំ ណែនាំនៅនឹងកន្លែង ហើយបើអ្នកបើកបរម៉ូតូ មិនមានមួកសុវត្ថិភាព គឺត្រូវឱ្យរកមួកមកពាក់ ជាជាងការផាកពិន័យ ជាលុយជាកាក់។ ការធ្វើដូច្នេះ ដើម្បីសុខសុវត្ថិភាពផង និងដើម្បីរីករាយក្នុងឱកាសបុណ្យទានផង ហើយក៏ដើម្បីកុំឱ្យការសប្បាយ ក្លាយជាទុក្ខផងដែរ៕
ចែករំលែកព័តមាននេះ