ហេតុការណ៍លិចទូកដឹកចិន នៅកោះតាង ខេត្តព្រះសីហនុ ស្រង់បានបុរសម្នាក់ និងរកឃើញស.ពស្ត្រីម្នាក់ហើយ
- ព្រះសីហនុ
ករណីលិចទូក ចំនួន ១គ្រឿង ដឹកជនជាតិចិន ៤១នាក់ ស្ថិតនៅចន្លោះពយសារឿង និងកោះតាង ក្នុងខេត្តព្រះសីហនុ រហូតដល់ថ្ងៃទី២៣កញ្ញានេះ សមត្ថកិច្ច…
ករណីលិចទូក ចំនួន ១គ្រឿង ដឹកជនជាតិចិន ៤១នាក់ ស្ថិតនៅចន្លោះពយសារឿង និងកោះតាង ក្នុងខេត្តព្រះសីហនុ រហូតដល់ថ្ងៃទី២៣កញ្ញានេះ សមត្ថកិច្ច…
ករណីលិចទូក ចំនួន ១គ្រឿង ដឹកជនជាតិចិន ៤១នាក់ ស្ថិតនៅចន្លោះពយសារឿង និងកោះតាង ក្នុងខេត្តព្រះសីហនុ រហូតដល់ថ្ងៃទី២៣កញ្ញានេះ សមត្ថកិច្ច បានអះអាងថា បានជួយសង្គ្រោះបុរសម្នាក់ និងរកឃើញសាកស.ពស្ត្រីម្នាក់ហើយ។
ទូកនេសាទ ១គ្រឿង ដែលលិចនោះ បានដឹកជនជាតិចិនសរុបចំនួន ៤១នាក់ ដោយមានស្ត្រី ៣នាក់។ ភ្លាមៗនោះ គេបានជួយសង្រ្គោះបុរស ១៨នាក់ ហើយបាត់ខ្លួនចំនួន ២៣នាក់ ដោយមានស្ត្រី ៣នាក់។
ជនរងគ្រោះ ទាំង ១៨នាក់ ត្រូវបានយកទៅរក្សាទុកនៅវរសេនាតូចលេខ២៤០ នៅកោះរ៉ុង ដើម្បីសួរនាំ និងកំពុងស្វែងរកជនរងគ្រោះ ដែលបាត់ខ្លួន ទាំង ២៣នាក់ បន្តទៀត។
កម្លាំងអង្គភាពអន្តរាគមន៍ បានឃាត់ទូក ១គ្រឿងផ្សេងទៀត មានមនុស្សចំនួន ២នាក់ ជាជនជាតិខ្មែរ ដែលបានបើកនៅជិតទូក ដែលលិច និងបានថតវិដេអូ ពេលទូកលិច កាលពីថ្ងៃទី២២ ខែកញ្ញា។
ភ្លាមៗក្រោយកើតហេតុ និងបន្តដល់ថ្ងៃទី២៣កញ្ញានេះ ប្រតិបត្តិការនៃការស្វែងរកជនរងគ្រោះបាត់ខ្លួន បានធ្វើឡើង នៅទីតាំងលិចទូក និងភូមិសាស្ត្រជុំវិញទីតាំងកើតហេតុ។ រដ្ឋបាលខេត្តព្រះសីហនុ ក៏បានប្រកាសដល់ក្រុមជួយសង្គ្រោះ ឬទូកនេសាទទាំងអស់ ក្នុងករណីសង្គ្រោះបានជនរងគ្រោះ ម្នាក់ នឹងទទួលបានថវិកាលើកទឹកចិត្តចំនួន ២លានរៀ
រហូតដល់រសៀលថ្ងៃទី២៣ ខែកញ្ញានេះ សមត្ថកិច្ច បានបញ្ជាក់ថា ករណីលិចទូកដឹកជនជាតិចិន ៤១នាក់ នៅសមុទ្រ ជិតកោះតាង គឺក្នុងចំណោមអ្នកបាត់ខ្លួន ២៣នាក់ គេបានរកឃើញសាកស.ពជនរងគ្រោះម្នាក់ ជាស្ត្រី និងបានជួយសង្គ្រោះបុរសម្នាក់ ដែលនៅរស់រានមានជីវិត។ ដូច្នេះ នៅមានអ្នកបាត់ខ្លួនចំនួន ២១នាក់ទៀត ហើយសមត្ថកិច្ច និងក្រុមជួយសង្រ្គោះ កំពុងបន្តស្វែងរក៕
ចែករំលែកព័តមាននេះ