ខេត្តបាត់ដំបង ៖ បុរសម្នាក់ត្រូវរថយន្តស៊េរីទំនើបពាក់ស្លាកលេខខេមរភូមិន្ទ បុកបណ្ដាលឲ្យស្លា.ប់ភ្លាមៗនៅកន្លែងកើតហេតុ ពេលគាត់កំពុងជិះម៉ូតូ កាលពីវេលាម៉ោង៨និង៣០នាទីយប់ថ្ងៃទី ២២ កញ្ញា នៅខាងលិចរង្វង់មូលយាយពេទ្យ ស្ថិតក្នុងភូមិអណ្ដូងចេញ…
ខេត្តបាត់ដំបង ៖ បុរសម្នាក់ត្រូវរថយន្តស៊េរីទំនើបពាក់ស្លាកលេខខេមរភូមិន្ទ បុកបណ្ដាលឲ្យស្លា.ប់ភ្លាមៗនៅកន្លែងកើតហេតុ ពេលគាត់កំពុងជិះម៉ូតូ កាលពីវេលាម៉ោង៨និង៣០នាទីយប់ថ្ងៃទី ២២ កញ្ញា នៅខាងលិចរង្វង់មូលយាយពេទ្យ ស្ថិតក្នុងភូមិអណ្ដូងចេញ សង្កាត់អូរចា ក្រុងបាត់ដំបង តែអ្នកបើកបររថយន្តបង្កបានរត់គេចខ្លួនក្រោយកើតហេតុ ។
បើតាមរបាយការណ៍សមត្ថកិច្ច រថយន្តបង្កម៉ាកឡិចស៊ិស៥៧០ ពណ៌ខ្មៅ ពាក់ស្លាកលេខ ខេមរភូមិន្ទ01 2.2226 អ្នកបើកបរមិនស្គាល់អត្តសញ្ញាណ ព្រោះរត់ចោលរថយន្តពេលជួបគ្រោះថ្នាក់ ។ សេចក្ដីរាយការណ៏បានបញ្ជាក់ថា រថយន្ត ខេមរភូមិន្ទនេះ បានបុកអ្នកជិះម៉ូតូបណ្ដាលឲ្យស្លា.ប់នៅកន្លែងកើតហេតុ។
អ្នកជិះម៉ូតូឈ្មោះ ឈន ចន្ទថា ប្រុសអាយុ៣៩ឆ្នាំ រស់នៅភូមិគោកថ្មី ឃុំល្វា ស្រុកពួក ខេត្តសៀមរាប មានមុខរបរកម្មករ។ ជុំវិញករណីគ្រោះថ្នាក់ចរាចរណ៏វាងរថយន្តស៊េរីទំនើប ខេមរភូមិន្ទជាមួយអ្នកជិះម៉ូតូខាងលើនេះ ហាក់មានការបំភ្លឺផ្ទុយគ្នាអំពីទិសដៅ នៃការធ្វើដំណើរ។ នេះបើតាមកោះសន្តិភាព ទទូលបានបឋមពីកន្លែងកើតហេតុ ។
ប្រភពខ្លះបានអះអាងថា រថយន្តបានធ្វើដំណើរពីទិសខាងលិចឆ្ពោះទៅខាងកើត លុះដល់ចំណុចកើតហេតុ រថយន្តបានឡើងជែងរថយន្តមួយគ្រឿងទៀត ហើយក៏ជ្រុលទៅបុកអ្នកជិះម៉ូតូទាំងបំពាន ខណៈអ្នកជិះម៉ូតូកំពុងធ្វើដំណើរក្នុងគោដៅផ្ទុយគ្នាមកពីទិសខាងកើត។ ដោយឡែក ប្រភពដទៃទៀត បានអះអាងផ្ទុយពីនេះថា រថយន្តខេមរភូមិន្ទនោះ បានបុ.កអ្នកជិះម៉ូតូពីក្រោយទាំងកំរោល ពេលកំពុងធ្វើដំណើរស្របទិសគ្នាពីកើតទៅលិច។
ប៉ុន្តែបើគេពិនិត្យលើរថយន្តនិងម៉ូតូ គេឃើញម៉ូតូខូចខាតផ្នែកខាងមុខធ្ងន់ធ្ងរ រីឯផ្នែកខាងក្រោយ (ស្លាកលេខ) នៅស្អាតចែសតែម្ដង។ ចំណែកឯរថយន្តខេមរភូមិន្ទវិញ គេឃើញផ្នែកខាងមុខ ជ្រុងខាងស្ដាំ ខូចខាតយ៉ាងដំណំ ហើយរថយន្តនេះស្ថិតនៅខាងឆ្វែងដៃ នៃដងផ្លូវទៀតផង។ ប៉ុន្តែយ៉ាងណា ប់ើតាមសមត្ថកិច្ច បានបង្ហើបឲ្យដឹងថា រថយន្តស៊េរីទំនើប ពាក់ស្លាកលេខ ខេមរភូមិន្ទនោះ ត្រូវបានគេស្គាល់អត្តសញ្ញាណម្ចាស់រថយន្តហើយ។
ក្រោយកើតហេតុ និងធ្វើការវាស់វែង មន្ត្រីចរាចរណ៍បានស្ទូចរថយន្តនោះដឹកទៅរក្សាទុកនៅ ការិយាល័យចរាចរណ៏ជើងគោក នៃស្នងការខេត្តទាំងយប់ ដើម្បីដោះស្រាយតាមផ្លូវច្បាប់៕
ចែករំលែកព័តមាននេះ