ខេត្តបាត់ដំបង ៖ «ក្រោយពីបាត់មិត្តសម្លាញ់ខ្ញុំ មិនឃើញទៅកន្លែងដែលធ្លាប់ណាត់ផឹកជារៀងរាល់ព្រឹក ខ្ញុំក៏ទៅតាមដល់ផ្ទះ តែអកុសលពេលខ្ញុំទៅដល់ ស្រាប់តែប្រទះឃើញដៃគូផឹករបស់ខ្ញុំដេកស្លា.ប់នៅក្នុងខ្ទមខាងមុខផ្ទះយ៉ាងរន្ធត់ដែលប្រឡាក់ទៅដោយឈាម» ។ នេះជាការរៀបរាប់របស់លោក រ៉េត…
ខេត្តបាត់ដំបង ៖ «ក្រោយពីបាត់មិត្តសម្លាញ់ខ្ញុំ មិនឃើញទៅកន្លែងដែលធ្លាប់ណាត់ផឹកជារៀងរាល់ព្រឹក ខ្ញុំក៏ទៅតាមដល់ផ្ទះ តែអកុសលពេលខ្ញុំទៅដល់ ស្រាប់តែប្រទះឃើញដៃគូផឹករបស់ខ្ញុំដេកស្លា.ប់នៅក្នុងខ្ទមខាងមុខផ្ទះយ៉ាងរន្ធត់ដែលប្រឡាក់ទៅដោយឈាម» ។ នេះជាការរៀបរាប់របស់លោក រ៉េត រុំ ដែលជាមិត្តសម្លាញ់របស់ជនរគ្រោះ ដែលបានបរិយាយនៅកន្លែងកើតហេតុ នៅព្រឹកថ្ងៃទី២៣ កញ្ញា នេះ ។
ជនរងគ្រោះដែលគេប្រទះឃើញដេកស្លា.ប់ ឈ្មោះ វឿន សាវុន ហៅ លិ អាយុ៤០ឆ្នាំ រស់នៅភូមិអង់ សង្កាត់អូរចា ក្រុងបាត់ដំបង។ ជនរងគ្រោះ បានដេកស្លា.ប់ប្រឡាក់ឈាមជាប់អាវ នៅក្នុងខ្ទមតូចមួយ ស្ថិតនៅខាងមុខផ្ទះ ។ លោក រ៉េត សារុំ អាយុ៣៩ឆ្នាំ ដែលជាអ្នកប្រទះឃើញសាកសពជនរងគ្រោះដំបូងគេ បានប្រាប់កោះសន្តិភាពថា «ខ្ញុំបានប្រទះឃើញឈ្មោះ លិ ដេកស្លា.ប់នៅក្នុងខ្ទមយ៉ាងរន្ធត់ដែលមានឈាមប្រឡាក់ជាប់អាវផង នៅម៉ោង៨ និង៣០នាទីព្រឹកថ្ងៃទី២៣ កញ្ញា នៅពេលខ្ញុំដើរទៅហៅផឹក ។ ព្រោះបាត់មិនឃើញទៅកន្លែងធ្លាប់ណាត់ផឹករៀងរាល់ព្រឹកដូចសព្វដង» ។
បុរសនេះនិយាយទៀតថា « ជនរងគ្រោះ ជាមិត្តសម្លាញ់របស់ខ្ញុំ នៅលីវដូចខ្ញុំ ហើយក៏ជាដៃគួរផឹកជាប្រចាំជាមួយខ្ញុំដែរ។ ប៉ុន្តែនៅព្រឹកកើតហេតុ មិនឃើញពួកម៉ាកខ្ញុំនេះទៅកន្លែងធ្លាប់ផឹក ខ្ញុំក៏ទៅតាមដល់ផ្ទះ លុះទៅដល់ផ្ទះស្រាប់តែឃើញមិត្តសម្លាញ់ខ្ញុំ ដេកស្លា.ប់នៅក្នងខ្ទមដ៏កំសត់ ធ្វើឲ្យខ្ញុំរន្ធត់ចិត្តក្រៃលេង ហើយខ្ញុំក៏រាយការណ៏ប្រាប់អ្នកភូមិឲ្យជួយពិនិត្យនិងផ្ដឹងទៅសមត្ថកិច្ចភា្លមៗដែរ» ។ នៅកន្លែងកើតហេតុ គេឃើញសមត្ថកិច្ចគ្រប់ស្ថាប័នមានទាំងកម្លាំងយោធាផងបានចុះទៅពិនិត្យ ក្រោមក្រសែភ្នែកប្រជាពលរដ្ឋរាប់សិមនាក់ដែលផ្អើលចោមរោមមើល។ គេឃើញសាកសពជនរងគ្រោះដេកស្លា.ប់នៅខ្ទមតូចមួយ ដំបូលស័ង្កសីចាស់ៗតែប៉ុន្មានសន្លឹក ដែលគ្រប់ដណ្ដប់ទៅដោយវល្លិ៍ជាប់ផ្លូវនៅខាងមុខផ្ទះដែលធ្វើពីថ្មប្រក់ស័ង្កសី ។
សមត្ថកិច្ចដែលចុះពិនិត្យសា.ក.ស.ព និងកន្លែងកើតហេតុបានរាយការណ៏ថា សា.ក.ស.ពចេញឈាមតាមមាត់ មានប្រឡាក់ឈាមជាប់អាវតែភ្លាមៗនោះ គេមិនទាន់ហ៊ានវាយតំលៃអំពីមូលហេតុនៃការស្លា.ប់នៅឡើយទេ។ មិត្តសម្លាញ់ជនរងគ្រោះ គឺ លោក រ៉េត រុំ បានប្រាប់កោះសន្តិភាពថា កាលពីល្ងាចថ្ងៃទី ២២ កញ្ញា ឈ្មោះ លិ បានផឹកស៊ីជាមួយខ្លួន រហូតដល់ម៉ោងប្រហែល៧យប់ក៏បែកគ្នា តែមុនពេលបែកគ្នាខ្លួនបានសន្យាថា នឹងជួបគ្នានៅព្រឹកថ្ងៃស្អែក ( ២៣ កញ្ញា ២២ ) ដើម្បីផឹកទៀត ។ លុះនៅព្រឹកថ្ងៃទី២៣ កញ្ញា ខ្លួនបានទៅកន្លែងណាត់ផឹក រហូតដល់ម៉ោងប្រហែលជាង៨ព្រឹក មិនឃើញពួកម៉ាកទៅកន្លែងផឹក (ជនរងគ្រោះ) ខ្លួនក៏ដើរទៅតាម។
គាត់បានបញ្ជាក់ថា ពេលគាត់ទៅដល់ផ្ទះ ស្រាប់តែឃើញមិត្តសម្លាញ់ដេកស្ដូកនៅក្នុងខ្ទមខាងមុខផ្ទះ អាវប្រឡាក់ឈាម ហៅក៏មិនឆ្លើយទាញក៏មិនកំរើក ទើបដឹងថា ដៃគូផឹករបស់ខ្លួនស្លាប់ ខ្លួនក៏ទៅប្រាប់អ្នកក្បែរខាងឲ្យជួយមើល ហើយក៏មានការភ្ញាក់ផ្អើលតែម្ដង។
ជាមួយគ្នានោះ គេបានឃើញកម្លាំងនគរបាលផ្នែកបច្ចេកទេស ក៏បានចុះទៅពិនិត្យសាកសព រួមទាំងគ្រូពេទ្យជំនាញផងដែរ។ បើតាមសមត្ថកិច្ច បានផ្ដល់ព័ត៌មានថា «លើខ្លួនសា.ក.ស.ពគ្មានស្លាកស្នាមរបួសទេ តែជនងគ្រោះមានឈាមចេញតាមមាត់ ដែលទំនងជនរងគ្រោះអាចបណ្ដាលមកពីជំងឺធ្លាយក្រពះធ្ងន់ធ្ងរ»។ យ៉ាងណា នេះគ្រាន់តែជាការសន្និដ្ឋានបឋមប៉ុណ្ណោះ តែមន្ត្រីជំនាញនៅតែបន្តធ្វើការស្រាវជ្រាវ ក្រែងមានអ្វីកើតឡើង ក្រៅពីការសន្និដ្ឋានបឋមរបស់មន្ត្រីជំនាញ៕
ចែករំលែកព័តមាននេះ