តាយាយនិងចៅ ជិះម៉ូតូឌុបគ្នាសុខៗ ជួបគ្រោះផ្អើលផ្លូវជាតិលេខ៣
- ភ្នំពេញ
រាជធានីភ្នំពេញ ៖ អ្នកដំណើរចំនួន៣នាក់ក្នុងនោះ មានយាយ តា និងចៅប្រុស បានរងរបួសធ្ងន់ធ្ងរ
រាជធានីភ្នំពេញ ៖ អ្នកដំណើរចំនួន៣នាក់ក្នុងនោះ មានយាយ តា និងចៅប្រុស បានរងរបួសធ្ងន់ធ្ងរដោយអ្នកខ្លះបា.ក់ជើង និងអ្នកខ្លះទៀតបែ.កក្បាល ខណៈពួកគាត់ជិះម៉ូតូមួយគ្រឿងហុងដាឌ្រីមធុនសេ១២៥ ឌុបគ្នាសុខៗ ស្រាប់តែមានរថយន្តកុងតឺន័រ១គ្រឿងបើកបត់ឆ្លងផ្លូវចូលផែស្ងួតរួចជ្រុលទៅកៀរម៉ូតូ២គ្រឿង បណ្ដាលឲ្យដួលច្រង៉ាប់ច្រងិល។ បន្ទាប់មករថយន្តបង្កខាងលើបានបើកគេចចូលក្នុងក្រុមហ៊ុនផែស្ងួត«ក្រុមហ៊ុន អិល វ៉ាយ ស៊ី ឡូជីស្ទីក ត្រេន ស្ព័ត ឯក »ដែលស្ថិតនៅក្បែរនោះបាត់ស្រមោល។
ហេតុការណ៍ខាងលើនេះបានកើតឡើងកាលពីវេលាម៉ោង៩និង១០នាទីព្រឹកថ្ងៃទី២៣ ខែកញ្ញា ឆ្នាំ២០២២ នៅលើកំណាត់ជាតិលេខ៣ ស្ថិតនៅក្នុងភូមិតាំងរនាម សង្កាត់ប្រទះឡាង ខណ្ឌកំបូល រាជធានីភ្នំពេញ ។
បុរសម្នាក់ដែលជាអ្នកឃើញហេតុការណ៍បាននិយាយថា នៅមុនពេលកើតហេតុ គាត់បានឃើញរថយន្តកុងតឺន័រមួយគ្រឿងពុំចាំម៉ាកនិងស្លាកលេខ បើកក្នុងទិសដៅពីជើងទៅត្បូង ។ ចំណែកជនរងគ្រោះទាំង៣នាក់យាយ តា និងចៅប្រុសដែលមានអាយុទើប១ខួបប៉ុណ្ណោះ បានជិះម៉ូតូម៉ាកហុងដាឌ្រីមសេ១២៥ ស៊េរីឆ្នាំ២០០៥ ពណ៌ខ្មៅ ១គ្រឿងពាក់ស្លាកលេខ កណ្តាល 1D-2101 ឌុបគ្នាធ្វើដំណើរពីត្បូងទៅជើង។
តាមប្រភពដដែលបានប្រាប់ឲ្យដឹងទៀតថា លុះពេលទៅដល់ត្រង់ចំណុចកើតហេតុ ស្រាប់តែរថយន្តបង្កហេតុនោះបត់ឆ្វេងឆ្លងផ្លូវចូលផែស្ងួតទាំងបំពានទោះឃើញជនរងគ្រោះជិះម៉ូតូទៅជិតដល់ហើយក៏ដោយ ជាហេតុបណ្ដាលឲ្យជ្រុលទៅកៀរម៉ូតូដួលទាំងកម្រោល ហើយបណ្ដសលឲ្យជនរងគ្រោះទាំង៣នាក់យាយ តានិងចៅប្រុសអាយុ១ខួបរងរបួសធ្ងន់ធ្ងរ ។ បន្ទាប់មករថយន្តបង្កពុំបានឈប់ឡើយហើយក៏បសនបើកបន្លែមល្បឿនចូលទៅក្នុងផែស្ងួត «ក្រុមហ៊ុន អិល វ៉ាយ ស៊ី ឡូជីស្ទីក ត្រេន ស្ព័ត ឯក »ដែលស្ថិតនៅក្បែរនោះបាត់ដោយសុវត្ថិភាពតែម្ដង។
តាមប្រភពខាងលើបានប្រាប់បន្ថែមទៀតថា ជនរងគ្រោះដែលជាជីតា រងរបួសបា.ក់ជើងស្តាំ និងជីដូនរងរបួសបា.ក់ជើងស្តាំ ហើយចៅប្រុសរងរបួសបែកក្បាល ដេកដួលរដូករណែលពេញផ្លូវគួរឲ្យអាណិត។ក្រោយពេលកើតហេតុ រថយន្តសង្គ្រោះរបស់អង្គភាព៧១១ កងពលតូចលេខ៧០ បានដឹកយកជីតា ទៅសង្គ្រោះនៅមន្ទីរពេទ្យព្រះកុសុមៈ ចំណែកជីដូន និង ចៅប្រុស ត្រូវបានបញ្ជូនទៅសង្គ្រោះនៅមន្ទីរពេទ្យគន្ធបុប្ផា ។ បន្ទាប់មកកម្លាំងនគរបាលប៉ុស្តិ៍ប្រទះឡាងនិងនគរបាលខណ្ឌកំបូលបានចុះទៅអន្តរាគមន៍ ពិនិត្យជាក់ស្ដែងនិងស្វែងរករថយន្តបង្កដែលបើកគេចចូលទៅក្នុងផែស្ងួត «ក្រុមហ៊ុន អិល វ៉ាយ ស៊ី ឡូជីស្ទីក ត្រេន ស្ព័ត ឯក »នោះដើម្បីមកយកមកទទួលខុសត្រូវចំពោះការបង្កហេតុនេះ៕
ចែករំលែកព័តមាននេះ