រាជធានីភ្នំពេញ ៖ ព្រឹត្តិការណ៍ប្រកួតកីឡាវាយកូនបាល់ជ្រើសរើសជើងឯកយុវជនក្របខ័ណ្ឌយុវជនអាយុក្រោម១៨ឆ្នាំ (Tennis Cambodia ITF Junior ២០១៧) សប្ដាហ៍ទី២ ដែលកម្ពុជាធ្វើជាម្ចាស់ផ្ទះគេបានរកឃើញម្ចាស់ពានហើយ ។
រាជធានីភ្នំពេញ ៖ ព្រឹត្តិការណ៍ប្រកួតកីឡាវាយកូនបាល់ជ្រើសរើសជើងឯកយុវជនក្របខ័ណ្ឌយុវជនអាយុក្រោម១៨ឆ្នាំ (Tennis Cambodia ITF Junior ២០១៧) សប្ដាហ៍ទី២ ដែលកម្ពុជាធ្វើជាម្ចាស់ផ្ទះគេបានរកឃើញម្ចាស់ពានហើយ ។
ការប្រកួតនៅក្នុងសប្ដាហ៍ទី១ បានបញ្ចប់ទៅកាលពីថ្ងៃទី១៨ កុម្ភៈ កន្លងមកនេះ ខណៈការប្រកួតសប្ដាហ៍ទី២ បានចាប់ផ្ដើមធ្វើឡើងកាលពីថ្ងៃទី១៩ កុម្ភៈ នៅទីលានមជ្ឈមណ្ឌលជាតិកីឡាវាយកូនបាល់ CCC ដែលស្ថិតនៅសង្កាត់ទឹកថ្លា ។
ការប្រកួតនេះចែកចេញជា២វិញ្ញាសា គឺប្រកួតវាយគូ និងវាយទោល ។ ប្រកួតវាយគូដែលបានបញ្ចប់ទៅកាលពីថ្ងៃទី២៥ កុម្ភៈ ជាលទ្ធផលផ្នែកបុរស ចំណាត់ថ្នាក់លេខ១ បានទៅលើកីឡាករជនជាតិម៉ាឡេស៊ី ចាប់គូជាមួយកីឡាករជនជាតិ ដែលបានយកឈ្នះកីឡាករអូស្ត្រាលីចាប់គូជាមួយកីឡាករអូស្ត្រាលីដូចគ្នា ២សិត០ គឺ ៦-៣ និង ៧-៥ ។ ចំណែកផ្នែកនារីបានទៅលើក្រុមកីឡាការិនីចិនតៃប៉ិ ដែលបានយកឈ្នះលើក្រុមកីឡាការិនីជប៉ុន ២សិត០ គឺ ៦-៣ និង ៦-៤ ។
រីឯការប្រកួតវាយទោលដែលបានបញ្ចប់ទៅកាលពីព្រឹកថ្ងៃទី២៦ កុម្ភៈ ជាលទ្ធផលផ្នែកបុរស ចំណាត់ថ្នាក់លេខ១ បានទៅលើកីឡាករជប៉ុន បន្ទាប់ពីបានយកឈ្នះកីឡាករថៃនៅក្នុងលទ្ធផល ៦-២ និង ៦-២ ។ ផ្នែកនារីចំណាត់ថ្នាក់លេខ១ បានទៅលើកីឡាការិនីជប៉ុន ដែលបានយកឈ្នះកីឡាការិនីជប៉ុនដូចគ្នា ក្នុងលទ្ធផល២សិតទល់១សិត គឺ៦-៣, ២-៦ និង ៦-៣ ។
លោក ទេព រិទ្ធិវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជា មានប្រសាសន៍ថា នេះគឺជាលើកទី២ហើយ ដែលកម្ពុជាមានឱកាសធ្វើជាម្ចាស់ផ្ទះរៀបចំការប្រកួតកីឡាវាយកូនបាល់ក្របខ័ណ្ឌយុវជនអន្តរជាតិ បើទោះជាកម្ពុជាយើងមិនទទួលបានចំណាត់ថ្នាក់ល្អក្ដី ប៉ុន្តែយើងទទួលបានផលប្រយោជន៍យ៉ាងធំធេងពីការប្រកួតនេះ ។
ផលប្រយោជន៍ដែលកម្ពុជាទទួលបាននោះ គឺទី១-ធ្វើឱ្យយុវជនថ្នាលរបស់យើងទទួលបានបទពិសោធន៍យ៉ាងច្រើនពីបណ្ដាប្រទេសដែលកំពុងរីកចម្រើនលើវិស័យកីឡាវាយកូនបាល់ ដើម្បីអភិវឌ្ឍខ្លួនឯងបន្ថែមទៀត ។ ទី២-ជាឱកាសដែលយើងទទួលបានបទពិសោធន៍ចេះរៀបចំការប្រកួតបែបព្រឹត្តិការណ៍អន្តរជាតិធំៗ ខណៈពេលដែលកម្ពុជាត្រៀមធ្វើជាម្ចាស់ផ្ទះប្រកួតកីឡាស៊ីហ្គេមលើកទី៣២ នៅឆ្នាំ២០២៣ខាងមុខ ៕
ចែករំលែកព័តមាននេះ