អាជ្ញាធរខេត្តកំពតមានគំរោងឆ្វៀលដីជូនពលរដ្ឋមែន តែមិនទាន់សម្រេចទេ
- កំពត
ខេត្តកំពត ៖ អាជ្ញាធរខេត្តកំពត ដឹកនាំដោយឯកឧត្តមសេង សិរីបុត្រ អភិបាលរងខេត្ត រួមដំណើរដោយឯកឧត្តមង៉ាន់ ថារិទ្ធ អភិបាលរងខេត្ត, លោកចាន់…
ខេត្តកំពត ៖ អាជ្ញាធរខេត្តកំពត ដឹកនាំដោយឯកឧត្តមសេង សិរីបុត្រ អភិបាលរងខេត្ត រួមដំណើរដោយឯកឧត្តមង៉ាន់ ថារិទ្ធ អភិបាលរងខេត្ត, លោកចាន់ រិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទ រួមទាំងមន្ត្រីរដ្ឋបាលព្រៃឈើ មន្ត្រីរៀបចំដែនដីខេត្ត លោកអភិបាលស្រុកឈូកផងដែរ កាលពីព្រឹកថ្ងៃទី២១ ខែកញ្ញា ២០២២ បានចុះមកពិនិត្យព្រំដីចំនួនពីរទីតាំងដែលរដ្ឋបាលខេត្តកំពត មានគំរោងឆ្វៀលដីទាំងពីរទីតាំងនេះជូនដល់ប្រជាពលរដ្ឋដែលដាក់សំណើសុំច្បាប់កម្មសិទ្ធិស្របច្បាប់ ។
ប្រភពឱ្យដឹងថា នៅទីតាំងទី១ ដែលមានទំហំដី៤៩ហិកតា ស្ថិតនៅភូមិដុំផ្ដៅ ឃុំត្រពាំងភ្លាំង ស្រុកឈូក ។ ទីតាំងដីទី២ មានទំហំ៣៤ហិកតា ស្ថិតនៅភូមិមនោសុខ ឃុំតាកែន ស្រុកឈូក ដែលមានម្ចាស់ដីឈ្មោះជ្រឹម តារា និងលោកស្រីប៉ាក ស៊ាងហៃ ដាក់សំណើមករដ្ឋបាលខេត្តកំពតសុំប័ណ្ណកម្មសិទ្ធិស្របច្បាប់ ។
បន្ទាប់ពីមានការចុះពិនិត្យដោយក្រុមការងារដោះស្រាយទំនាស់ដីធ្លី មានឯកឧត្តមអភិបាលរងខេត្ត មានលោកនាក់សុវណ្ណារី អភិបាលស្រុកឈូក និងមន្ត្រីមកពីសាលាឃុំតាកែន និងមន្ត្រីមកពីសាលាឃុំត្រពាំងភ្លាំង ស្រុកឈូកបានចុះពិនិត្យរួចរាល់ ក៏មកជួបប្រជុំនៅសាលាឃុំតាកែន ដើម្បីធ្វើការវាយតម្លៃ។
លោកជ្រឹម តារា ម្ចាស់ដីតាំងពីរទីតាំងបាននិយាយប្រាប់ក្រុមការងារថា ដីទាំងពីទីតាំងនេះ ខ្លួនបានទិញពីប្រជាពលរដ្ឋសុទ្ធតែមានឯកសារ និងដំណាំមានស្វាយកំពុងទទួលផលបានជារៀងរាល់ឆាំ្ន។ លោកជ្រឹម តារ៉ា និយាយថា ទោះបីដីរបស់គាត់បាត់បង់ប៉ុន្មានក៏បាត់ចុះសុំអោយអាជ្ញាធរជំនាញជួយចេញប្លង់កម្មសិទ្ធស្របច្បាប់អោយផងព្រោះគាត់ជាម្បាស់ដីពិតប្រាកដជាជនរងគ្រោះទៅវិញ ។ លោកចាន់ រិទ្ធ ប្រធានមន្ទីរកសិកម្មខេត្តកំពតបានល់កឡើងថា ការចុះពិនិត្យជាក់ស្ដែងលើដីអាស្រ័យផលត្រូវតែញែកអោយដាច់កុំអោយកើតមានបន្តទៀត។
ឯកឧត្តមសេង សិរីបុត្រ អភិបាលរងខេត្តមានប្រសាសន៍ថា ដីមានទំហំ៣៤ហិកតា នៅភូមិមនោសុខ ឃុំតាកែន ជាដីជាប់ពាក់ព័ន្ធ និងដីកងពលតូចលេខ70 ។ ឯកឧត្តមសេង សិរិបុត្រ មានប្រសាសន៍ បើម្ចាស់ដីទាមទារសំណង់ពីកងពលតូចលេខ70ក៏មិនដឹងយកអីដែរព្រោះដីរដ្ឋនៅតែ
ដីរបស់ដី។
ឯកឧត្តមសេង សិរីបុត្រ អភិបាលរងខេត្តមានប្រសាសន៍ថា ក្រុមការងារចុះវាយតម្លៃដីទាំងពីរកន្លែងនេះ មានគំរោងឆ្វៀលដីជូនដល់ប្រជាពលរដ្ឋ ប៉ុន្តែមិនទាន់សម្រេចទេ ព្រោះក្រុមការងារធ្វើរបាយការណ៍ជូនឯកឧត្តមអភិបាលខេត្តសិនជាអ្នកសម្រេច ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ