Lewandowski មានមោទកភាពដែលនឹងពាក់ស្លាកប្រធានក្រុមអ៊ុយក្រែននៅ World Cup 2022
ប៉ូឡូញ ៖ លោក Andriy Shevchenko អតីតប្រធានក្រុមបាល់ទាត់ជម្រើសជាតិអ៊ុយក្រែន បានប្រគល់
ប៉ូឡូញ ៖ លោក Andriy Shevchenko អតីតប្រធានក្រុមបាល់ទាត់ជម្រើសជាតិអ៊ុយក្រែន បានប្រគល់
ប៉ូឡូញ ៖ លោក Andriy Shevchenko អតីតប្រធានក្រុមបាល់ទាត់ជម្រើសជាតិអ៊ុយក្រែន បានប្រគល់ស្លាកដៃប្រធានក្រុមមានពណ៌ជាទង់ជាតិប្រទេសអ៊ុយក្រែនដល់កំពូលខ្សែប្រយុទ្ធប៉ូឡូញ Robert Lewandowski ដើម្បីពាក់ប្រកួតនៅព្រឹត្តិការណ៍ World Cup 2022 នៅកាតា ដែលនឹងចាប់ដំណើរការប្រកួតចាប់ពីថ្ងៃទី២០ ខែវិច្ឆិកា រហូតដល់ថ្ងៃទី១៨ ខែធ្នូ ចុងឆ្នាំនេះ។
នៅអំឡុងពេលចូលរួមកម្មវិធីមួយនៅឯកីឡដ្ឋាន PGE Narodowy នៅក្នុងទីក្រុង Warsaw ប្រទេសប៉ូឡូញ កាលពីថ្ងៃទី២០ ខែកញ្ញា ខ្សែប្រយុទ្ធដ៏ល្បីល្បាញទាំង២រូបបានសម្តែងការគួរសមដាក់គ្នា មុនពេលលោក Shevchenko អាយុ៤៥ឆ្នាំ បច្ចុប្បន្នមានអាជីពជាគ្រូបង្វឹក និងធ្លាប់ដឹកនាំក្រុមជម្រើសជាតិអ៊ុយក្រែនផងនោះ បានប្រគល់ស្លាកដៃប្រធានក្រុមមានពណ៌ខៀវ និងលឿងនៃពណ៌ទង់ជាតិប្រទេសអ៊ុយក្រែនដល់ខ្សែប្រយុទ្ធ Lewandowski ក្នុងនាមរូបគេជាប្រធានក្រុមជម្រើសជាតិប៉ូឡូញ។
ក្រោយទទួលស្លាកដៃប្រធានក្រុមពីលោក Shevchenko រួចមក Lewandowski វ័យ៣៤ឆ្នាំ ដែលបច្ចុប្បន្នកំពុងប្រកបអាជីពជាមួយក្លិប Barcelona បានថ្លែងថា «ខ្ញុំមានមោទកភាពណាស់ ព្រោះខ្ញុំដឹងពីអត្ថន័យនៃការគាំទ្រប្រជាជនអ៊ុយក្រែន។ ខ្ញុំដឹងពីអត្ថន័យនៃការតស៊ូដើម្បីសេរីភាព យើងដឹងអំពីប្រវត្តិសាស្ត្រពួកគេ និងរបស់យើង នោះហើយជាមូលហេតុក្នុងការជួយប្រទេសជិតខាងរបស់យើង និងដើម្បីជួយប្រជាជនអ៊ុយក្រែន។ ជាថ្មីម្តងទៀត ខ្ញុំពិតជាមានមោទកភាពណាស់ដែលបានពាក់ស្លាកប្រធានក្រុមនេះ ហើយខ្ញុំពិតជារីករាយ និងដឹងគុណយ៉ាងខ្លាំងចំពោះអ្វីគ្រប់យ៉ាង»។
គួររំលឹកថា ក្នុងនាមជាប្រទេសជិតខាង និងមានទំនាក់ទំនងដ៏រឹងមាំជាប្រវត្តិសាស្ត្រ ប្រទេសប៉ូឡូញបានទទួលយកជនភៀសខ្លួនអ៊ុយក្រែនជាង១លាននាក់ ដែលភៀសខ្លួនពីការឈ្លានពានរបស់រុស្ស៊ី ចាប់តាំងពីខែកុម្ភៈ ឆ្នាំ២០២២។
ទន្ទឹមជាមួយគ្នានោះ ខ្សែប្រយុទ្ធ Lewandowski ស្ថិតក្នុងចំណោមអ្នកគាំទ្រប្រជាជាតិអ៊ុយក្រែនយូរមកហើយ ដោយបានអំពាវនាវប្រទេសកំណើតរបស់ខ្លួនធ្វើពហិការប្រកួតវគ្គជម្រុះ World Cup 2022 ទល់នឹងរុស្ស៊ី ប៉ុន្មានថ្ងៃបន្ទាប់ពីសង្គ្រាមបានចាប់ផ្តើម។ ហើយអំឡុងពេលរូបគេនៅប្រកបអាជីពជាមួយក្លិប Bayern Munich និងការប្រកួតជាមួយប៉ូឡូញកន្លងមក ខ្សែប្រយុទ្ធកម្ពស់១,៨៥ម៉ែត្ររូបនេះ ធ្លាប់បានពាក់ស្លាកប្រធានក្រុមអ៊ុយក្រែនផងដែរ៕ (ប្រភពពី CNN)
ចែករំលែកព័តមាននេះ