អត្តពលិកកីឡាវាយកូនបាល់៥រូប នឹងទៅចូលរួមប្រកួតក្នុងព្រឹត្តិការណ៍ Davis Cup 2022
- ភ្នំពេញ
រាជធានីភ្នំពេញ ៖ គ្រូបង្វឹកកីឡាវាយកូនបាល់កម្ពុជា លោក ជា ពៅ បានប្រាប់ឲ្យដឹងថានៅខែតុលា
រាជធានីភ្នំពេញ ៖ គ្រូបង្វឹកកីឡាវាយកូនបាល់កម្ពុជា លោក ជា ពៅ បានប្រាប់ឲ្យដឹងថានៅខែតុលា
រាជធានីភ្នំពេញ ៖ គ្រូបង្វឹកកីឡាវាយកូនបាល់កម្ពុជា លោក ជា ពៅ បានប្រាប់ឲ្យដឹងថានៅខែតុលាខាងមុខនេះ កម្ពុជានឹងបញ្ជូនកីឡាករកីឡាការិនីចំនួន៥រូបទៅចូលរួមក្នុងព្រឹត្តិការណ៍ Davis Cup 2022 ( Group IV ) នៅប្រទេសបារ៉ែន ។ តាមការគ្រោងទុក ការចេញដំណើរនឹងធ្វើឡើងនៅថ្ងៃទី១២ ខែតុលា និងត្រឡប់មកវិញនៅថ្ងៃទី២៤ ខែតុលា ឆ្នាំ២០២២។
លោក ជា ពៅ បន្តថា ការចេញដំណើរគឺនឹងទៅឲ្យបានមុនការចាប់ផ្ដើមកម្មវិធីប្រកួតពី៣ ទៅ៤ថ្ងៃ ព្រោះក្នុងគោលបំណងហ្វឹកហាត់នៅទីនោះឲ្យបានស៊ាំជាមួយអាកាសធាតុ និងបានសម្រាកគ្រប់គ្រាន់ ។ ឆ្នាំនេះ កម្ពុជាគឺមានមហិច្ឆតាទៅប្រកួតដណ្ដើមយកជ័យជម្នះ ធ្វើយ៉ាងណាឲ្យបានឡើងមកកាន់ Group III វិញ បន្ទាប់ពីបានធ្លាក់ទៅ Group IV។
សូមបញ្ជាក់ថា កីឡាវាយកូនបាល់កម្ពុជាមិនដែលបានឡើងមកលេងនៅក្រុម២ដែលជាក្រុមសម្បូរទៅដោយប្រទេសខ្លាំងៗនោះទេ ។ កម្ពុជាឈានជើងចូលលេងព្រឹត្តិការណ៍ Davis Cupគឺនៅវិលវល់លេងនៅក្រុម៣និងក្រុម៤។ សម្រាប់ការចេញទៅលើកនេះកម្ពុជាជឿថា នឹងទទួលបានលទ្ធផលល្អមិនខាន ។ កម្ពុជាមានមហិច្ឆតាចង់ដណ្ដើមយក GroupIII មកវិញ ព្រោះពេលនេះពួកគេបានប្រឹងប្រែងខ្លាំងមួយរយៈពេលមកនេះ ។ ឆ្នាំនេះ គេសង្កេតឃើញថា កីឡាករ-កីឡាការិនីកម្ពុជា មានសមត្ថភាពរីកចម្រើនច្រើនជាងមុនខ្លាំង។
កីឡាករដែលត្រូវទៅប្រកួតក្នុងព្រឹត្តិការណ៍ខាងលើនេះ រួមមាន ប៊ុន កេន្នី, ឡុង សំនៀង, ឃ្លាំង ពន្លក, ក្រូសលីន ម៉ាធីវដាវីត និង ឡេង សារិនរាជ។
ក្រៅពីនេះ ក៏មានគ្រូបង្វឹក គ្រូជំនួយ គ្រូពេទ្យផ្នែកចលនា និងថ្នាក់ដឹកនាំ សរុបទាំងអស់៩នាក់៕
ចែករំលែកព័តមាននេះ