លីគបាល់ទាត់២ផ្សេងគ្នា កំពុងស៊ើបអង្កេតករណីរើសអើ.ងពូជសាសន៍ អំឡុងការប្រកួត
បរទេស ៖ ស្ថាប័នលីគបាល់ទាត់ប្រទេសចំនួន២ កំពុងបើកការស៊ើបអង្កេតលើករណីរើសអើ.ងពូជ
បរទេស ៖ ស្ថាប័នលីគបាល់ទាត់ប្រទេសចំនួន២ កំពុងបើកការស៊ើបអង្កេតលើករណីរើសអើ.ងពូជ
បរទេស ៖ ស្ថាប័នលីគបាល់ទាត់ប្រទេសចំនួន២ កំពុងបើកការស៊ើបអង្កេតលើករណីរើសអើ.ងពូជសាសន៍ទៅលើជនជាតិស្បែកខ្មៅ អំឡុងពេលនៃការប្រកួត។
ក្របខណ្ឌលីគកំពូលអេស្ប៉ាញ La Liga បានថ្កោលទោសចំពោះពាក្យសម្ដីគួរឱ្យស្អប់ខ្ពើមនៅក្នុងន័យរើសអើ.ងជាតិសាសន៍ ហើយស្ថាប័នមួយនេះអះអាងថា ខ្លួននឹងធ្វើការជាមួយអាជ្ញាធរដើម្បីបើកការស៊ើបអង្កេត បន្ទាប់ពីមានរបាយការណ៍អំពីការស្រែកជេរប្រមាថលើខ្សែបម្រើស្លាប Vinicius Junior របស់ក្រុម Real Madrid។
ហេតុការណ៍នេះ កើតឡើងកាលពីថ្ងៃទី១៨ ខែកញ្ញា នៅក្នុងការប្រកួតដែល Real Madrid បានយកឈ្នះលើម្ចាស់ផ្ទះ Atletico Madrid ដោយលទ្ធផល ២-១ ខណៈដែលអ្នកគាំទ្រម្ចាស់ផ្ទះមួយចំនួនធំបានច្រៀងចម្រៀងបែបរើសអើ.ងជាតិសាសន៍ដាក់ខ្សែបម្រើស្លាបសញ្ជាតិប្រេស៊ីល Vinicius Junior។
អ្នកនាំពាក្យរបស់ La Liga បាននិយាយថា «យើងស៊ើបអង្កេតរាល់ឧប្បត្តិហេតុទាំងក្នុង និងក្រៅកីឡដ្ឋាន។ ពាក្យសម្ដីស្អប់ខ្ពើមត្រូវតែគ្មាននៅក្នុង La Liga ហើយយើងតែងតែធ្វើការជាមួយក្លិប និងអាជ្ញាធរដើម្បីកំណត់អត្តសញ្ញាណ និងនាំមកយុត្តិធម៌ចំពោះករណីបែបនេះ»។
ដោយឡែកនៅលីគកំពូលសហរដ្ឋអាមេរិក Major League Soccer (MLS) បានចាប់ផ្តើមការស៊ើបអង្កេតមួយ បន្ទាប់ពីការចោទប្រកាន់អំពីការរើសអើ.ងជាតិសាសន៍ អំឡុងការប្រកួតដែលក្រុមម្ចាស់ផ្ទះ DC United ចាញ់ក្រុម Inter Miami ក្នុងលទ្ធផល ៣-២ កាលពីថ្ងៃទី១៨ ខែកញ្ញា។
ខ្សែប្រយុទ្ធ Taxiarchis Fountas របស់ក្រុម DC United ត្រូវបានចោទប្រកាន់ពីបទដឹកនាំឱ្យមានការរើសអើងជាតិសាសន៍លើខ្សែការពារ Damion Lowe របស់ Inter Miami។ ប៉ុន្តែទោះយ៉ាងណា ខ្សែប្រយុទ្ធសញ្ជាតិក្រិកវ័យ២៧ឆ្នាំរូបនេះ បានធ្វើការបដិសេធចំពោះការចោទប្រកាន់នេះទាំងស្រុងតែម្តងដោយអះអាងថា ខ្លួនមិនបានប្រើពាក្យរើសអើ.ងណាមួយឡើយ។
នៅក្នុងសេចក្តីថ្លែងការណ៍មួយរបស់ MLS បានបញ្ជាក់ថា «MLS មិនមានការអត់ឱនចំពោះភាសារើសអើ.ង និងប្រមា.ថណាមួយឡើយ។ យើងយកចិត្តទុកដាក់បំផុតលើការចោទប្រកាន់ទាំងនេះ។ ហើយការស៊ើបអង្កេតលើបញ្ហានេះនឹងចាប់ផ្តើមភ្លាមៗ»៕ (ប្រភពពី BBC)
ចែករំលែកព័តមាននេះ