ADផ្ទាំងផ្សព្វផ្សាយពាណិជ្ជកម្ម

Picture

រដ្ឋមន្រ្តីពាណិជ្ជកម្ម​​ញ៉ូវហ្សឺលែន បំពេញទស្សន​កិច្ច ស្វែងយល់ពីគម្រោងសហប្រតិបត្តិការ​ក្នុងតំបន់អង្គរ

2 ខែ មុន
  • សៀមរាប

ខេត្តសៀមរាប៖ នារសៀលថ្ងៃទី១៦ ខែកញ្ញា ឆ្នាំ២០២២ នេះ លោក បណ្ឌិត ហង់ ពៅ អគ្គនាយកអាជ្ញាធរជាតិអប្សរា…

ខេត្តសៀមរាប៖ នារសៀលថ្ងៃទី១៦ ខែកញ្ញា ឆ្នាំ២០២២ នេះ លោក បណ្ឌិត ហង់ ពៅ អគ្គនាយកអាជ្ញាធរជាតិអប្សរា បានអមដំណើរ​លោក Phil Twyford រដ្ឋមន្រ្តីពាណិជ្ជកម្ម និងនីហរ័ណនៃប្រទេសញ៉ូវហ្សឺលែន ពិនិត្យមើលសមិទ្ធិផលសំខាន់ៗនៃគម្រោងសហប្រតិបត្តិការ​ជាមួយអាជ្ញាធរជាតិអប្សរា នៅក្នុងតំបន់រមណីយដ្ឋានអង្គរ ដែលបានអនុវត្តចំនួនបីដំណាក់កាល​កន្លងមក ចាប់ពីឆ្នាំ២០០៩ ដល់ឆ្នាំ២០១៩ និងគម្រោង នាពេលអនាគត (ដំណាក់ កាលទី៤) ដោយផ្តោតលើការគ្រប់​គ្រងធនធានធម្មជាតិ និងសហគមន៍ នៅក្នុងតំបន់អង្គរ។

គម្រោងសហ​ប្រតិបត្តិ​ទ្វេភាគីនេះ មានសារៈប្រយោជន៍ខ្លាំង សម្រាប់ជួយឱ្យការថែរក្សាប្រព័ន្ធ​ធារាសាស្រ្ត​សម័យបុរាណ​ឲ្យគង់វង់ និងមានប្រសិទ្ធិភាពខ្ពស់ ក្នុងការគ្រប់គ្រងទឹកក្នុងតំបន់​សៀមរាប-អង្គរ និងការទាញអត្ថប្រយោជន៍ពីធនធានធម្មជាតិ ដើម្បីអភិវឌ្ឍន៍សហគមន៍ និងការកសាងសមត្ថភាព និងធនធានមនុស្ស ជាដើម។

សូមរំលឹកផងដែរថា កន្លងមក ប្រទេសញ៉ូវហ្សឺលែន បានគាំទ្រអាជ្ញាធរជាតិអប្សរា អនុវត្តគម្រោងជាបន្តបន្ទាប់ រួមមាន បីដំណាក់កាល -ដំណាក់កាលទី១ (២០០៩ -២០១០ )៖ ជាគម្រោងសាកល្បង ដែលមានឈ្មោះថា “កម្មវិធីគ្រប់​គ្រងធនធានធម្មជាតិ ក្នុងតំបន់អង្គរ ដោយមានការចូលរួមពីសហគមន៍” ដែលហៅកាត់ថា APNRM&L (Angkor Participatory Natural Resource Management & Livelihoods) ។ – ដំណាក់កាលទី២ (២០១១ – ២០១៣)៖ គម្រោង “កម្មវិធីគ្រប់គ្រងធនធានធម្មជាតិក្នុងតំបន់អង្គរ ដោយមានការចូលរួមពីសហគមន៍” ដែលហៅកាត់ថា APNRM&L (Angkor Participatory Natural Resource Management & Livelihoods) ។ – ដំណាក់កាលទី៣ (២០១៤ – ២០១៩)៖ គម្រោង “អភិវឌ្ឍន៍សេដ្ឋកិច្ចសហគមន៍ និងបេតិកភណ្ឌអង្គរ” ដែលហៅកាត់ថា ACHA (Angkor Community Heritage and Economic Advancement)៕ ច័ន្ទ រស្មី

Picture
Picture
Picture
Picture
Picture
Picture
Picture
Picture