ខេត្តពោធិ៍សាត់ ៖ ស្ត្រីម្នាក់បានត្រូវបុរសជាប្ដីប្រើកណ្ដាប់ដៃវាយ និងទាត់ធាក់រហូតសន្លប់បាត់ស្មារតីរួចហើយរឹត.កសម្លា.ប់យកទៅចងជាប់នឹងសសរផ្ទះ រួចគេចខ្លួនបាត់
ខេត្តពោធិ៍សាត់ ៖ ស្ត្រីម្នាក់បានត្រូវបុរសជាប្ដីប្រើកណ្ដាប់ដៃវាយ និងទាត់ធាក់រហូតសន្លប់បាត់ស្មារតីរួចហើយរឹត.កសម្លាប់យកទៅចងជាប់នឹងសសរផ្ទះ រួចគេចខ្លួនបាត់
ស្រមោល សង្ស័យខឹងនឹងប្រពន្ធមិនឲ្យរួមរ័ក ខណៈពេលដែលនាងមករដូវ ។ ករណីសម្លាប់ប្រពន្ធនេះអាចកើតឡើងអំឡុងវេលាម៉ោង៤ឬម៉ោង៥ទៀបភ្លឺថ្ងៃទី១៧ កុម្ភៈ នៅក្នុងផ្ទះរបស់ជនរងគ្រោះដែលស្ថិតក្នុងភូមិប៊ូស្រងែ ឃុំត្រពាំងជង ស្រុកបាកាន ប៉ុន្តែនៅម៉ោង១៦និង៣០នាទីរសៀលទើបគេប្រទះឃើញមានការភ្ញាក់ផ្អើល ។
លោកវរសេនីយ៍ទោ នាង វុធ អធិការនគរបាលស្រុកបាកានឲ្យដឹងថា ជនរងគ្រោះឈ្មោះ ហ៊ាង ម៉ារី ភេទស្រី អាយុ១៩ឆ្នាំ ចំណែកប្ដីកំណាចដែលជាឃាតករនោះឈ្មោះ គង់ ជីវ អាយុ២៩ឆ្នាំ រស់នៅភូមិឃុំកើតហេតុខាងលើ ទើបតែរៀបការបានរយៈពេល២០ថ្ងៃប៉ុណ្ណោះ ។ នៅវេលាម៉ោង១៦និង៣០នាទីរសៀលថ្ងៃទី១៧នោះ ប្អូនស្រីរបស់នារីរងគ្រោះបានបើកទ្វារឃើញបងស្រីរបស់ខ្លួនស្លាប់ដោយចងជាប់នឹងសសរផ្ទះ មានការតក់ស្លុតយ៉ាងខ្លាំងហើយក៏បានរត់មករាយការណ៍ប្រាប់សមត្ថកិច្ចឲ្យជួយអន្ដរាគមន៍ ។
បន្ទាប់ពីទទួលបានសេចក្ដីរាយការណ៍អំពីករណីឃាតកម្មនេះភ្លាម សមត្ថកិច្ចយើងបានចុះទៅដល់កន្លែងកើតហេតុ ធ្វើការត្រួតពិនិត្យសាកសពឃើញថា ស្ត្រីរងគ្រោះស្ថិតក្នុងសម្លៀកបំពាក់ចោមពង់សារុងពុំមានស្លៀកខោលីអូ និងពាក់អាវទេ ។
ស្ត្រីរងគ្រោះត្រូវជនដៃដល់ប្រើខ្សែរឹត.ក៣ជាន់សម្លាប់ រួចហើយយកទៅចងព្យួរជាប់នឹងសសរផ្ទះ ។ នៅត្រង់ប្រដាប់ភេទមានឈាមរដូវហូរហើយនៅលើដងខ្លួន មានស្នាមជាំពេញខ្លួន និងមានឈាមហូរតាមមាត់ដែលជនដៃដល់ប្រើកណ្ដាប់ដៃវាយ និងជើងទាត់ធាក់មិនប្រើដំបងឬឧបករណ៍មុតស្រួចនោះទេ ។
សាកសពស្លាប់ជាង១២ម៉ោងទៅហើយអាចចន្លោះម៉ោង៤ឬម៉ោង៥ទៀបភ្លឺថ្ងៃទី១៧ កុម្ភៈ នោះព្រោះថា ប្អូនស្រីរបស់ជនរងគ្រោះប្រទះឃើញនៅវេលាម៉ោង១៦និង៣០នាទីរសៀល ។ សមត្ថកិច្ចបានធ្វើការសន្និដ្ឋានថា ករណីឃាតកម្មប្ដីសម្លាប់ប្រពន្ធនេះទី១ អាចបណ្ដាលមកពីភ្លើងប្រច័ណ្ឌ ទី២អាចទំនាស់ផ្ទៃក្នុងគ្រួសារ និងទី៣អាចសុំប្រពន្ធរួមរ័កប្រពន្ធមិនព្រម ព្រោះប្រពន្ធមករដូវធ្វើឲ្យប្ដីអន្ទះអន្ទែងកម្រោលចូលកើតជារឿងងងឹតងងល់បែបនេះ ។
ប្រភពព័ត៌មានឲ្យដឹងថា បុរសជាប្ដីជាប់ពាក់ព័ន្ធនឹងមុខសញ្ញាជក់ និងចែកចាយថ្នាំញៀនផងដែរ ហើយនៅវេលាម៉ោងប្រហែល៨ព្រឹកថ្ងៃទី១៧ កុម្ភៈ នោះគេឃើញជិះម៉ូតូនៅម្ដុំផ្សារបឹងខ្នារនៅឡើយទេ ។ សមត្ថកិច្ចកំពុងសហការគ្នាដុតដៃដុតជើងតាមប្រមាញ់បុរសជាប្ដីដែលជាជនដៃដល់ ដើម្បីចាប់ខ្លួនយកមកទទួលទោសចំពោះមុខច្បាប់ ៕
ចែករំលែកព័តមាននេះ