អ្នកជំនាញអន្ដរជាតិ បង្ហាញចំណុចខ្វះខាតរបស់សហព័ន្ធខ្មែរអត្តពលកម្ម ដែលត្រូវពង្រឹងបន្ថែម
- ភ្នំពេញ
រាជធានីភ្នំពេញ ៖ លោក Oliver Scheer ជំនាញការអន្ដរជាតិ មកពីស្ថាប័នកីឡាអត្តពលកម្មពិភព
រាជធានីភ្នំពេញ ៖ លោក Oliver Scheer ជំនាញការអន្ដរជាតិ មកពីស្ថាប័នកីឡាអត្តពលកម្មពិភពលោក (World Athletics) បានបង្ហាញពីចំណុចខ្វះខាតរបស់សហព័ន្ធខ្មែរអត្តពលកម្មស្ម័គ្រចិត្ត គឺកត្ដាធនធានមនុស្ស ដែលត្រូវពង្រឹងបន្ថែម ដើម្បីសម្រួចគោលដៅ នាថ្ងៃអនាគត។
ការលើកឡើងនេះ បន្ទាប់ពីលោកបានចូលរួមគម្រោងការអភិវឌ្ឍប្រព័ន្ធកីឡាជាតិ សម្រាប់កីឡា
អត្តពលកម្ម ដែលជាគម្រោងក្រោមជំនួយឧបត្ថម្ភរបស់អង្គការសាមគ្គីអូឡាំពិក តាមរយៈគណៈ
កម្មាធិការជាតិអូឡាំពិកកម្ពុជា (NOCC) សហការជាមួយស្ថាប័នអត្តពលកម្មពិភពលោក និងសហព័ន្ធខ្មែរអត្តពលកម្មស្ម័គ្រចិត្ត ចាប់ពីថ្ងៃទី៦ ដល់ថ្ងៃទី១៣ ខែកញ្ញា ឆ្នាំ២០២២ ។
ក្រោយបញ្ចប់គម្រោងខាងលើ បុរសជនជាតិអូទ្រីសរូបនេះ បានបញ្ជាក់ថា «អ្វីដែលយើងមើលឃើញ គឺកត្ដាធនធានមនុស្ស ដើម្បីធ្វើការជារួម និងការបង្កើតជាគម្រោង តែដោយសារយើងខ្វះធនធានមនុស្ស ធ្វើឲ្យគម្រោងពិបាកនឹងដំណើរការ ក្នុងនោះកម្រិតថ្នាលយើងមិនទាន់មានអ្វីច្បាស់លាស់។ នេះគឺជាភាពខ្វះខាតមួយ ដែលយើងមិនអាចមានលទ្ធផលល្អ។ ក្រោយពីបានវាយតម្លៃហើយ ក៏មើលឃើញថា ស្ថានភាពកន្លែងណាខ្លះ ដែលយើងត្រូវលូតលាស់បន្ថែម ហើយអ្វីខ្លះដែលយើងត្រូវបង្កើត ដោយសារជាការសម្រួចគោលដៅទៅថ្ងៃខាងមុខ»។
លោក ប៊ុយ សុភ័ណ្ឌ ទីប្រឹក្សា NOCC បានបញ្ជាក់ថា គម្រោងខាងលើ ផ្ដោតសំខាន់លើ ២ចំណុច គឺទី១-ពាក់ព័ន្ធនឹងការរៀបចំប្រព័ន្ធនៃការបង្ហាត់របស់គ្រូបង្វឹក និងទី២-ការរៀបចំកែសម្រួល និងអភិវឌ្ឍ គ្រប់គ្រងរចនាសម្ព័ន្ធរបស់សហព័ន្ធ។
តាមការបញ្ជាក់របស់អ្នកជំនាញការអន្ដរជាតិរូបនេះ គឺមានចំណុចជាច្រើន ដែលសហព័ន្ធត្រូវធ្វើការពិនិត្យ និងកែសម្រួល ហើយលោកនឹងរៀបចំផែនការយុទ្ធសាស្ដ្រ និងការបណ្ដុះបណ្ដាល ដើម្បីអភិវឌ្ឍទៅតាមអ្វីដែលលោកមើលឃើញ តាមរយៈកិច្ចសហការជាមួយគណៈកម្មាធិការជាតិអូឡាំពិកកម្ពុជា(NOCC)។
លោក ប៊ុយ សុភ័ណ្ឌ បន្ដថា «សម្រាប់គម្រោងនេះ មានសារសំខាន់ ដោយសារយើងត្រូវការមានជំនាញការមកពីអន្ដរជាតិ មានន័យថា ជំនាញការរបស់សហព័ន្ធពិភពលោកតែម្ដង ដើម្បីធ្វើការវាយតម្លៃស្របទៅតាមប្រព័ន្ធ និងស្ដង់ដាររបស់គាត់ដែលគាត់មានជាសូចនាករសំខាន់ៗ និងច្បាស់
លាស់ ដើម្បីកំណត់ថា តើស្ថានភាពរបស់សហព័ន្ធខ្មែរអត្តពលកម្ម ស្ថិតនៅកម្រិតណា? ហើយចំណុចណាដែលគាត់ត្រូវធ្វើការកែសម្រួល? ហើយត្រូវការកែសម្រួលតាមវិធីណា? គាត់នឹងមានវិធីសាស្ដ្រច្បាស់លាស់ ដើម្បីរៀបចំ និងពង្រឹងសហព័ន្ធខ្មែរអត្តពលកម្មផងដែរ»។
តាមរយៈគម្រោង ដែលឧបត្ថម្ភគាំទ្រដោយអង្គការសាមគ្គីអូឡាំពិកនេះដែរ លោក Oliver Schee
នឹងធ្វើដំណើរទស្សនកិច្ចមកកម្ពុជាម្ដងទៀត ចាប់ពីថ្ងៃទី២៤ ដល់ថ្ងៃទី៣១ ខែមករា ឆ្នាំ២០២៣
ខាងមុខ ដើម្បីធ្វើសិក្ខាសាលាស្ដីពីការវាយតម្លៃរចនាសម្ព័ន្ធ យុទ្ធសាស្ដ្រគម្រោង និងរៀបចំ
ប្រព័ន្ធនៃការបង្វឹក ដល់សហព័ន្ធខ្មែរអត្តពលកម្មស្ម័គ្រចិត្ត ព្រមទាំងការរៀបចំសិក្ខាសាលាបណ្ដុះ
បណ្ដាលគ្រូបង្វឹកប្រចាំចំនួន១២លើក តាមរយៈប្រព័ន្ធ Online ផងដែរ។ នេះបើតាមការបញ្ជាក់បន្ថែមរបស់លោក ប៊ុយ សុភ័ណ្ឌ៕
ចែករំលែកព័តមាននេះ