រដ្ឋបាលក្រុង បន្តយុទ្ធនាការក្តៅរៀបចំសណ្ដាប់ធ្នាប់នៅតាមទីផ្សារ និងចំណីផ្លូវសាធារណៈ
- ព្រះសីហនុ
លោក ជួប សីហា ប្រធានក្រុមការងារដឹកនាំការរៀបចំសណ្ដាប់ធ្នាប់បានថ្លែងបញ្ជាក់ប្រាប់បណ្ដាញព័ត៌មានឱ្យដឹងថា រដ្ឋបាលក្រុងព្រះសីហនុ
លោក ជួប សីហា ប្រធានក្រុមការងារដឹកនាំការរៀបចំសណ្ដាប់ធ្នាប់បានថ្លែងបញ្ជាក់ប្រាប់បណ្ដាញព័ត៌មានឱ្យដឹងថា រដ្ឋបាលក្រុងព្រះសីហនុ
ខេត្តព្រះសីហនុ ៖ លោក ជួប សីហា ប្រធានក្រុមការងារដឹកនាំការរៀបចំសណ្ដាប់ធ្នាប់បានថ្លែងបញ្ជាក់ប្រាប់បណ្ដាញព័ត៌មានឱ្យដឹងថា រដ្ឋបាលក្រុងព្រះសីហនុ សូមអរគុណដល់បងប្អូនប្រជាពលរដ្ឋចំនួន១៩ទីតាំង ដែលលក់ដូរនៅលើចំណីផ្លូវសាធារណៈ (កម្រាលក្រានីត) នៅមុខទីប្រជុំជន (ផ្សារ) ពាណិជ្ជកម្ម ស្ថិតក្នុងសង្កាត់លេខ២ ដោយបងប្អូនបានចូលរួមសហការ និងសន្យាស្ម័គ្រចិត្តបញ្ឈប់ការលក់ដូរនៅលើចំណីផ្លូវសាធារណៈក្នុងភូមិសាស្ត្រក្រុង និងអនុវត្តតាមការណែនាំរបស់អាជ្ញាធរ ក្នុងការរៀបចំសណ្តាប់ធ្នាប់សាធារណៈ រក្សាអនាម័យបរិស្ថាន ដើម្បីលើកកម្ពស់សោភ័ណភាពទីក្រុង។
ការរៀបចំសណ្តាប់ធ្នាប់នៅចំណុចទីតាំងខាងលើនេះ មានក្រុមការងាររដ្ឋបាលក្រុង ដឹកនាំដោយរូបលោកផ្ទាល់ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈ និងបានការសហការពីមន្ទីរសាធារណការ និងដឹកជញ្ជូន និងមន្ទីរបរិស្ថាន។
រដ្ឋបាលក្រុង សូមអំពាវនាវដល់បងប្អូនជាម្ចាស់លំនៅដ្ឋាន អាហារដ្ឋានគ្រប់ប្រភេទ អាជីវករ និងបងប្អូនប្រជាពលរដ្ឋទាំងអស់ សូមកុំយកចំណីផ្លូវសាធារណៈ (កម្រាលក្រានីត ឬកម្រាលការ៉ូឡា) ដើម្បីចត ឈប់យានជំនិះ លក់ដូរ ឬទុកដាក់សម្ភារៈទាំងឡាយនៅលើកម្រាលក្រានីតនេះ និងសូមចូលរួមថែរក្សាទ្រព្យសម្បត្តិសាធារណៈ ដើម្បីផលប្រយោជន៍រួមទាំងអស់គ្នា៕
ចែករំលែកព័តមាននេះ