ស្ត្រីអស់រដូវទំនងជានឹងមានបញ្ហាមុខងារសួតធ្លាក់ចុះ នាំឱ្យមានការកើនឡើងការពិបាកដកដង្ហើម បន្ថយសមត្ថភាពក្នុងការធ្វើការងារ និងអស់កម្លាំង នេះបើយោងតាមការសិក្សាមួយបានឲ្យដឹង ។
ស្ត្រីអស់រដូវទំនងជានឹងមានបញ្ហាមុខងារសួតធ្លាក់ចុះ នាំឱ្យមានការកើនឡើងការពិបាកដកដង្ហើម បន្ថយសមត្ថភាពក្នុងការធ្វើការងារ និងអស់កម្លាំង នេះបើយោងតាមការសិក្សាមួយបានឲ្យដឹង ។
ក្រុមអ្នកស្រាវជ្រាវបានរកឃើញថា ការអស់រដូវ គឺងាយនឹងបង្កឱ្យពិបាកក្នុងការដកដង្ហើមចូល ជាជាងការដកដង្ហើមចេញ ។
អ្នកនិពន្ធនាំមុខលោក Kai Triebner នៅសាកលវិទ្យាល័យ Bergen ក្នុងប្រទេសន័រវែសបាននិយាយថា «មិនថាស្ត្រីអស់រដូវមានបញ្ហាការដកដង្ហើមចេញ ឬចូល ការធ្លាក់ចុះមុខងារសួតអាចបង្កឱ្យមានការកើនឡើងការពិបាកក្នុងការដកដង្ហើម បន្ថយសមត្ថភាពក្នុងការធ្វើការងារ និងអស់កម្លាំង» ។
លោក Triebner និយាយថា «រោគសញ្ញានៃជំងឺសួតនេះអាស្រ័យទៅលើបរិមាណនៃសមត្ថភាពសួតត្រូវបានកាត់បន្ថយ និងស្ត្រីមួយចំនួនអាចមានបញ្ហាខូចផ្លូវដង្ហើមដែលជាលទ្ធផលនៃការធ្លាក់ចុះនេះ» ។
អ្នកនិពន្ធបាននិយាយថា មានការពន្យល់ជាច្រើនដែលអាចពន្យល់ពីបញ្ហានេះតាមរយៈការស្រាវជ្រាវរបស់ពួកគេ ។ ការអស់រដូវធ្វើឲ្យមានការប្រែប្រួលអ៊័រម៉ូនដែលមានការទាក់ទងទៅនឹងការរលាកដែលនាំឲ្យមុខងារនៃសួតធ្លាក់ចុះ ។
ការប្រែប្រួលអ៊័រម៉ូនក៏ជាប់ពាក់ព័ន្ធទៅនឹងជំងឺពុកឆ្អឹងផងដែរ ដែលបន្ថយកម្ពស់នៃឆ្អឹងកងទ្រូង និងអាចកំណត់បរិមាណខ្យល់ដែលមនុស្សអាចដកដង្ហើមចូលបាន ។
លោក Triebner ឱ្យដឹងថា «ស្ត្រី និងគ្រូពេទ្យរបស់ពួកគេគួរតែដឹងថា សុខភាពផ្លូវដង្ហើមអាចថយចុះក្នុងអំឡុងពេល និងបន្ទាប់ពីការអស់រដូវ» ៕
ចែករំលែកព័តមាននេះ