ADផ្ទាំងផ្សព្វផ្សាយពាណិជ្ជកម្ម

Picture

កម្លាំងយោធាចុះជួយច្រូតស្រូវពលរដ្ឋដែលរងគ្រោះ​​ដោយសារ​ទឹកជំនន់

4 ខែ មុន
  • បន្ទាយមានជ័យ

ខេត្តបន្ទាយមានជ័យ ៖ កងកម្លាំងប្រដាប់អាវុធ​គឺជា​កូនចៅ​របស់​ប្រជាពលរដ្ឋ​ពេល​ប្រជាពលរដ្ឋ​មានទុក្ខ​លំបាក ត្រូវ​តែ​ជួយ​សម្រាលទុក្ខ​លំបាក​របស់​គាត់ ។ ជាក់ស្តែង នៅ​ថ្ងៃ​ទី​១២ ខែកញ្ញា ឆ្នាំ​២០២២ កម្លាំងយោធា​តំបន់​ប្រតិបត្តិការ​សឹក​រង​ខេត្តបន្ទាយមានជ័យ​ជិត​៥០​នាក់​បាន​ចុះ​ជួយ​ច្រូត​ស្រូវ​ប្រជាពលរដ្ឋ​ដែល​រង​គ្រោះ​ដោយសារ​ទឹកជំនន់…

ខេត្តបន្ទាយមានជ័យ ៖ កងកម្លាំងប្រដាប់អាវុធ​គឺជា​កូនចៅ​របស់​ប្រជាពលរដ្ឋ​ពេល​ប្រជាពលរដ្ឋ​មានទុក្ខ​លំបាក ត្រូវ​តែ​ជួយ​សម្រាលទុក្ខ​លំបាក​របស់​គាត់ ។ ជាក់ស្តែង នៅ​ថ្ងៃ​ទី​១២ ខែកញ្ញា ឆ្នាំ​២០២២ កម្លាំងយោធា​តំបន់​ប្រតិបត្តិការ​សឹក​រង​ខេត្តបន្ទាយមានជ័យ​ជិត​៥០​នាក់​បាន​ចុះ​ជួយ​ច្រូត​ស្រូវ​ប្រជាពលរដ្ឋ​ដែល​រង​គ្រោះ​ដោយសារ​ទឹកជំនន់ នៅ​វាលស្រែ ឃុំ​អូរ​ប្រាសាទ ស្រុក​មង្គល​បូ​រី ។

Picture

លោក​ឧត្តមសេនីយ៍ត្រី ជឹ​ម ប៊ុ​ន​អាន មេបញ្ជាការ​តំបន់​ប្រតិបត្តិការ​សឹង​រង​ខេត្តបន្ទាយមានជ័យ​បាន​ប្រាប់​ថា ដោយ​មានការ​ណែនាំ​ពី​លោក​ឧត្តមសេនីយ៍ទោ ឈុ​ន ម៉ៅ មេបញ្ជាការ​រង​យោធភូមិ​ភាគ​ទី​៥​និង​ជា​មេបញ្ជាការ​ទិស​ទី​១​បន្ទាយ​មាន​ជ័យ ។ លោក​បាន​ចាត់​ឲ្យ​លោក​វរសេនីយ៍ទោ វិញ ស៊ី​ដូ នាយ​រង​សេនាធិការ​ដឹកនាំ​កម្លាំងយោធា​ក្នុង​អង្គភាព​តំបន់​ប្រតិបត្តិការ​សឹក​រង​ខេត្តបន្ទាយ​មានជ័យ​ប្រមាណ​ជិត​៥០​នាក់ មាន​កណ្តៀវ​គ្រប់​ដៃ​បាន​ចុះ​ជួយ​ច្រូតស្រូវ​ជូន​ប្រជាពលរដ្ឋ​ដែល​រង​គ្រោះ​ដោយ​ទឹកជំនន់​ប្រមាណ​ជិត​២​ហិ​កតា នៅ​វាលស្រែ ឃុំ​អូរ​ប្រាសាទ ស្រុក​មង្គល​បូ​រី ។​

Picture

លោក​បាន​បញ្ជាក់​ថា កម្លាំងយោធា​តំបន់​ប្រតិបត្តិការ​សឹក​រង​ខេត្ត ក្រៅពី​ការងារ​ស្នូល​របស់​អង្គភាព ក្នុង​ភារកិច្ច​ការពារ​បូរណៈភាព​ទឹកដី និង​ការពារ​ជាតិ​មាតុភូមិ គឺ​បាន​ចុះ​ជួយ​អន្តរាគមន៍​ដល់​ប្រជា​ពលរដ្ឋ​ដែល​គ្រោះ​ដោយ​គ្រោះ​ធម្មជាតិ ដូច​ជា​គ្រោះ​ទឹកជំនន់ និង​ខ្យល់​កន្ត្រាក់ និង​ប្រមូល​ផល​ស្រូវ​​ជូន​ប្រជា​កសិករ​ដែល​រង​គ្រោះ​ដោយ​ទឹកជំនន់ និង​ជួយ​អន្តរាគមន៍​នៅ​ពេល​ដែល​មាន​អគ្គិភ័យ​កើត​ឡើង​បាន​សហការ​ជាមួយ​កម្លាំង​ជំនាញ​ជួយ​អ​ន្ល​ត់​និង​បាន​ជួយ​រុករក​សព​អ្នក​រង​គ្រោះ​ដោយ​លង់ទឹក​ជាដើម ។​

Picture

លោក​ឧត្តមសេនីយ៍ត្រី ជឹ​ម ប៊ុ​ន​អាន ក៏​បាន​បញ្ជាក់​ថា នៅ​ឆ្នាំ​២០២២​នេះ​កម្លាំងយោធា​តំបន់​ប្រតិ​បត្តិការ​សឹក​រង​ខេត្ត​បាន​ជួយ​បាន​អន្តរាគមន៍​ជួយ​ជម្លៀស​ប្រជាពលរដ្ឋ​ដែល​រង​គ្រោះ​ដោយ​ជំនន់​ទឹកភ្លៀង​ដែល​រស់នៅ​តាម​បន្ទាត់​ព្រំដែន​បាន​ទាន់​ពេល និង​ជួយ​ប្រមូល​ផល​ស្រូវ​ប្រជា​កសិករ​ដែល​រង​គ្រោះ​ដោយ​ទឹកជំនន់​ជន​លិច​ស្រូវ​នៅ​ក្រុង​សិរី​សោភ័ណ និង​ពេល​នេះ​បាន​ជួយ​ច្រូតស្រូវ​ប្រជាពលរដ្ឋ​ដែល​រង​ការ​លិចលង់​ដោយ​ជំនន់​ទឹកភ្លៀង​ដែល​កំពុង​ជន់​លិច​នៅ​វាល​ឃុំ​អូរ​ប្រាសាទ ស្រុក​មង្គល​បូ​រី​។​

Picture

ដើម្បី​ជា​ការ​ឆ្លើយ​តប​ប្រជាពលរដ្ឋ​ដែល​ជា​ម្ចាស់​ស្រែ ក៏​បាន​ថ្លែង​អណ​គុណ​យ៉ាង​ជ្រាលជ្រៅ​ចំពោះ​លោក​ឧត្តមសេនីយ៍ត្រី ជឹ​ម ប៊ុ​ន​អាន មេបញ្ជាការ​តំបន់​ប្រតិបត្តិការ​សឹក​រង​ខេត្តបន្ទាយមានជ័យ ដែល​​​បាន​ចាត់តាំង​កម្លាំង​មក​ចុះ​ជួយ​ច្រូត​ប្រមូល​ផល​ស្រូវ​របស់​គាត់​ដែល​រង​គ្រោះ​ដោយ​ទឹកជំនន់​ជន់​លិច​នេះ​៕

Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023