ស្បែកស្ងួត និងរមាស់គឺជារឿងធម្មតាក្នុងអំឡុងពេលរដូវរងាសម្រាប់មនុស្សមួយចំនួន ប៉ុន្តែនៅពេលដែលស្ថានភាពនេះអូសបន្លាយយូរ អ្នកគួរតែត្រួតពិនិត្យវា ។ វាអាចជាសញ្ញានៃបញ្ហាសុខភាពធ្ងន់ ឬស្ថានភាព
ស្បែកស្ងួត និងរមាស់គឺជារឿងធម្មតាក្នុងអំឡុងពេលរដូវរងាសម្រាប់មនុស្សមួយចំនួន ប៉ុន្តែនៅពេលដែលស្ថានភាពនេះអូសបន្លាយយូរ អ្នកគួរតែត្រួតពិនិត្យវា ។ វាអាចជាសញ្ញានៃបញ្ហាសុខភាពធ្ងន់ ឬស្ថានភាពជំងឺជាក់លាក់ណាមួយ ។
ដើម្បីព្យាបាលបញ្ហាស្បែកស្ងួត អ្នកអាចលាបផលិតផលផ្តល់ជាតិសំណើមដល់ស្បែក ឬប្រើប្រាស់ឱសថរុក្ខជាតិមួយចំនួន ប៉ុន្តែប្រសិនបើបញ្ហានេះកើតឡើងម្តងទៀត សូម្បីតែស្ថិតនៅក្រោមលក្ខខណ្ឌអាកាសធាតុធម្មតាវាប្រហែលជាសញ្ញានៃបញ្ហាសុខភាពជាក់លាក់មួយ ។
ខាងក្រោមនេះ គឺជាជំងឺមួយចំនួនដែលអាចជាមូលហេតុដែលធ្វើឲ្យស្បែករបស់អ្នកស្ងួត ៖
១-ជំងឺទឹកនោមផ្អែម
តើជំងឺទឹកនោមផ្អែមអាចនាំឱ្យស្បែកស្ងួតឬ? វាពិតជាអាចនៅពេលដែលកម្រិតជាតិស្ករក្នុងឈាមមិនធម្មតា វាមិនត្រឹមតែធ្វើឲ្យអ្នកខ្សោះជាតិទឹកប៉ុណ្ណោះទេ ប៉ុន្តែថែមទាំងធ្វើឲ្យស្បែករបស់អ្នកស្ងួតខ្លាំង ។
២-ឥទ្ធិពលរបស់ថ្នាំ
វាមិនត្រឹមតែលក្ខខណ្ឌអាកាសធាតុប៉ុណ្ណោះទេដែលអាចបង្កឱ្យស្បែកស្ងួត ប៉ុន្តែមានថ្នាំមួយចំនួនដែលអាចនាំឱ្យស្បែករបស់អ្នកស្ងួត ។ ថ្នាំសម្រាប់ព្យាបាលជំងឺសម្ពាធឈាមខ្ពស់គឺជាថ្នាំមួយក្នុងចំណោមថ្នាំទាំងនោះដែលបណ្តាលឱ្យស្បែកស្ងួត ។
៣-អ៊័រម៉ូនប្រែប្រួល
បញ្ហាមួយផ្សេងទៀតដែលបណ្តាលឱ្យស្បែកស្ងួត គឺការប្រែប្រួលអ៊័រម៉ូនក្នុងរាងកាយ ។ បញ្ហានេះជាទូទៅកើតឡើងនៅពេលដែលយើងកាន់តែចាស់ ។
៤-កង្វះអាហារូបត្ថម្ភ
នៅពេលដែលរាងកាយខ្វះសារធាតុចិញ្ចឹម ជាពិសេសវីតាមីន អាស៊ីតខ្លាញ់អូមេហ្គា៣ និង selenium វានឹងធ្វើឲ្យស្បែករបស់អ្នកស្ងួតខ្លាំង ៕
ចែករំលែកព័តមាននេះ