ខឹងបងស្រីលាក់បាំងប្រពន្ធកូនមិនឱ្យជួប ទាញចបដងវែងកា.ប់ឡានគេខ្ទេច
- ភ្នំពេញ
ខេត្តសៀមរាប ៖ សមត្តកិច្ចបានធ្វើការឃាត់ខ្លួនបុរសម្នាក់ កាលពីថ្ងៃទី១២ ខែកញ្ញា ឆ្នាំ២០២២ ខណៈ
ខេត្តសៀមរាប ៖ សមត្តកិច្ចបានធ្វើការឃាត់ខ្លួនបុរសម្នាក់ កាលពីថ្ងៃទី១២ ខែកញ្ញា ឆ្នាំ២០២២ ខណៈបុរសរូបនោះ ផឹកស្រាស្រវឹងខឹងបងស្រីលាក់បាំងប្រពន្ធកូនមិនឱ្យជួប ក៏ទាញចបដងវែងកា.ប់រថយន្តគេខ្ទេចកញ្ចក់មុខក្រោយ ។
ជនសង្ស័យឈ្មោះ ទេព សង់ ភេទប្រុស អាយុ៤៤ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប ជាប់ពាក់ព័ន្ធពីបទធ្វើឲខូចខាតដោយចេតនា (កា.ប់រថយន្តនឹងចប) ។
សេចក្តីរាយការឲ្យដឹងថា នៅវេលាម៉ោង២និង៤៥នាទីរំលងអាធ្រាតថ្ងៃខែខាងលើ ស្ថិតនៅចំនុចបរិវេណផ្ទះជនរងគ្រោះឈ្មោះ គីរី សុវណ្ណៈ ភូមិវត្តស្វាយ សង្កាត់សាលា កំរើក ក្រុង.ខេត្តសៀមរាប មានករណីធ្វើឲ្យខូចខាតដោយចេតនា (កា.ប់រថយន្តដោយចប) បង្កឡើងដោយឈ្មោះ ទេព សង់ បានយកចបដងវែង កា.ប់ជាច្រើនកន្លែងទៅលើរថយន្តម៉ាក Kia Visto ពណ៌ស សេរីឆ្នាំ២០០០ ពាក់ស្លាកលេខ សៀមរាប 2B-4342 ជារបស់ឈ្មោះ គីរី សុវណ្ណៈ បណ្តាលឲ្យបែកកញ្ចក់ក្រោយមួយផ្ទាំង ស្តុបឆ្វេងទាំងសងខាង កញ្ចក់ទ្វារខាងឆ្វេងមុខ ក្រោយ២ផ្ទាំង កញ្ចក់មុខមួយផ្ទាំង ដំបូលម៉ាស៊ីន១ផ្ទាំង គឺខូចខាតទាំងស្រុង ខណៈម្ចាស់រថយន្តបានចតនៅទុកផ្ទះ សម្រាប់ឲ្យក្មួយជូនកូនទៅសាលា ដែលជនរងគ្រោះពីរនាក់ប្តីប្រពន្ធជាប់រវល់ទៅរកស៊ីនៅស្រុកអន្លង់វែង ខេត្តឧត្តរមានជ័យ ។
ក្រោយពីទទួលបានពាក្យបណ្តឹងរបស់ជនរងគ្រោះភ្លាម សមត្ថកិច្ចបានចុះទៅនាំខ្លួនជនសង្ស័យដូចមានឈ្មោះខាងលើយកសាកសួរ បន្ទាប់មកគេក៏ឆ្លើយសារភាពថា ពិតជាបានយកចបដងវែងកា.ប់ទៅលើរថយន្តនោះមែន មូលហេតុផឹកស្រាស្រវឹង ខឹងបងស្រីឈ្មោះ ទេព ស្រីទូច លាក់បាំងប្រពន្ធ កូន មិនឲ្យជួបគ្នា ។ បុរសរូបនោះត្រូវបានសមត្តកិច្ចកសាងសំណុំរឿងតាមនីតិវិធី ៕
ចែករំលែកព័តមាននេះ