ខេត្តព្រះសីហនុ ៖ ករណីជនរងគ្រោះម្នាក់ ត្រូវជនសង្ស័យកា.ប់ដាច់កដៃឆ្វេង នៅខេត្តព្រះសីហនុ ជនដៃដល់ត្រូវបានកម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិក្រសួងមហាផ្ទៃ សហការចាប់ខ្លួនបាននៅក្នុងរាជធានីភ្នំពេញ នៅថ្ងៃទី០៩ ខែកញ្ញា…
ខេត្តព្រះសីហនុ ៖ ករណីជនរងគ្រោះម្នាក់ ត្រូវជនសង្ស័យកា.ប់ដាច់កដៃឆ្វេង នៅខេត្តព្រះសីហនុ ជនដៃដល់ត្រូវបានកម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិក្រសួងមហាផ្ទៃ សហការចាប់ខ្លួនបាននៅក្នុងរាជធានីភ្នំពេញ នៅថ្ងៃទី០៩ ខែកញ្ញា ឆ្នាំ២០២២នេះ ។
ករណីអំពើហិង្សារវាងកម្មករសំណង់ដូចគ្នា បានឡើងឡើងកាលវេលាម៉ោង១៧និង០០នាទីល្ងាចថ្ងៃទី០៤ ខែកញ្ញា ឆ្នាំ២០២២ បង្កឡើងដោយជនសង្ស័យឈ្មោះ វង្ស វាស្នា ភេទប្រុស អាយុ៣២ឆ្នាំ ជនជាតិខ្មែរ បានយកកាំបិតបុង័តោ កា.ប់ទៅលើជនរងគ្រោះឈ្មោះ ជឿន ជាតិ ភេទប្រុស អាយុ៣៤ឆ្នាំ ជនជាតិខ្មែរ បណ្តាលឲ្យដាច់កដៃឆ្វេង ក្រោយពីធ្វើសកម្មភាពរួច ជនសង្ស័យឈ្មោះ វង្ស វាស្នា បានរត់គេចខ្លួនបាត់ ។
លុះមកដល់ថ្ងៃសុក្រនេះ កម្លាំងជំនាញរបស់នាយកដ្ឋាននគរបាលព្រហ្មទណ្ឌ បានដឹកនាំបញ្ជាសហការជាមួយស្នងការដ្ឋាននគរបាលខេត្តព្រះសីហនុ ស្នងការដ្ឋាននគរបាលខេត្តកណ្ដាល ស្នងការដ្ឋាននគរបាលខេត្តកំពង់ស្ពឺ និងស្នងការដ្ឋាននគរបាលរាជធានីភ្នំពេញ ធ្វើការបង្ក្រាបបានជនសង្ស័យឈ្មោះ វង្ស វាស្នា នាវេលាមោង១១និង៤០នាទីព្រឹកនៅថ្ងៃទី០៩ កញ្ញានេះ នៅចំណុចភូមិក្ងោក សង្កាត់បឹងធំ ខណ្ឌកំបូល ក្នុងរាជធានីភ្នំពេញ ។
ប្រតិបត្តិការនេះធ្វើឡើងក្រោមការបញ្ជាផ្ទាល់របស់នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងមានការចង្អុលបង្ហាញពីឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បានបញ្ជាកម្លាំងបើកការស្រាវជ្រាវ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន អនុប្រធាននាយកដ្ឋាន និងលោកវរសេនីយ៍ឯក ញ៉ែម វ៉ន នាយការិយាល័យព្រហ្មទណ្ឌកម្រិតធ្ងន់ ៕
ចែករំលែកព័តមាននេះ