ADផ្ទាំងផ្សព្វផ្សាយពាណិជ្ជកម្ម

Picture

ដៃស្តាំលោក ខឹម វាសនា ដៀលកប់ៗមាត់ថា អ្នកដែលមិនជឿមិនយល់សម្ព័ន្ធ «ជាមនុស្សល្ងង់»

2 ខែ មុន
  • សៀមរាប

ខេត្តសៀមរាប​៖ បុរស​មួយ​រូប​ដែល​គេ​ស្គាល់​ច្បាស់​ថា​ជា​ដៃស្តាំ​របស់​លោក ខឹ​ម វាសនា មេ​បក្ស​សម្ព័​ន ដើម្បី​ប្រជាធិបតេយ្យ ឬ​ហៅ​ថា គណបក្ស​ជួង បាន​សម្តែង​កាយវិការ​អម​នឹង​ពាក្យ​សម្តី​មួយ​ចំនួន​ដែល​អ្នក​ទស្សនា​វី​ដេ​អូ​បានឃើញ​ហើយ សម្តែង​នូវ​ការ​ហួស​ចិត្តជា​ខ្លាំង…

ខេត្តសៀមរាប​៖ បុរស​មួយ​រូប​ដែល​គេ​ស្គាល់​ច្បាស់​ថា​ជា​ដៃស្តាំ​របស់​លោក ខឹ​ម វាសនា មេ​បក្ស​សម្ព័​ន ដើម្បី​ប្រជាធិបតេយ្យ ឬ​ហៅ​ថា គណបក្ស​ជួង បាន​សម្តែង​កាយវិការ​អម​នឹង​ពាក្យ​សម្តី​មួយ​ចំនួន​ដែល​អ្នក​ទស្សនា​វី​ដេ​អូ​បានឃើញ​ហើយ សម្តែង​នូវ​ការ​ហួស​ចិត្តជា​ខ្លាំង ដោយ​បុរស​រូប​នេះ​កន្លង​មក​បាន​ធ្វើ​កាយវិការ​សម្តែង​សិល្ប​ដាក់​សមត្ថកិច្ច​ឈរជើង​នៅ​ជើងភ្នំ​គូលែន​ដាក់​សមត្ថកិច្ច​ម្តង​ហើយ តែ​លើក​នេះ​បែរជា​ប្រើប្រាស់​ពាក្យ​សម្តីដៀល​កប់​ៗ​មាត់​ថា អ្នក​ដែល​មិន​ជឿ​មិន​យល់​សម្ព័ន្ធ «​ជា​មនុស្ស​ល្ងង់​»​។

Picture

តាម​រយៈ​វី​ដេ​អូ​ឃ្លី​ប​ថ្មី​មួយទៀត ​ដែល​ត្រូវ​បាន​ចែកចាយ​យ៉ាង​ផុសផុល​នោះ គឺជា​វី​ដេ​អូ​ឃ្លី​ប​បង្ហាញ​ពី​បុរស​ដែល​ជា​ដៃស្តាំ​របស់​លោក ខឹ​ម វាសនា ដែល​ត្រូវ​បាន​បុរស​ម្នាក់​ទៀត​ឈរ​បាំង​ឱ្យ កំពុង​ពន្យល់​ប្រជាពលរដ្ឋ​ប្រមូលផ្តុំ​នៅ​ក្នុង​ចម្ការ​របស់​ខ្លួន រឿង​ទឹកជំនន់​ដែល​នឹង​លិចលង់​ពិភពលោក រួម​ទាំង​ការ​លិចលង់​នៅ​កម្ពុជា​ផង​ដែរ​។ កាលពី​ស​ប្តា​ហ៍​ទី​៣​ នៃ​ខែសីហា កន្លង​ទៅ មេគណ​បក្ស LDP លោក ខឹ​ម វាសនា បាន​និយាយ​អំពី​ការ​ទស្សន៍​ទាយ​របស់​លោក​ថា បញ្ហា black hole នឹង​ធ្វើ​ឱ្យ​មាន​ទឹកជំនន់​ជន់​លិច​ពិភពលោក​ទាំងមូល លើកលែងតែ​ទឹកដី​ភ្នំ​គូលែន ក្នុង​សៀមរាប​តែ​មួយ​គត់​ដែល​មិន​ជន់​លិច​នោះ​។

Picture

ក្រោយ​ការ​លើក​ឡើងជា​បន្ត​បន្តា​បរប​ស់លោក ខឹ​ម វាសនា គឺ​បានឃើញប្រជាពលរដ្ឋ​រាប់​ពាន់​នាក់មក​ពី​គ្រប់​ទិស​ទី​រួម​ទាំង​ពលករ​ខ្មែរ​នៅ​ក្រៅប្រទេស​បាន​នាំ​កូនចៅ បងប្អូន បើកឡាន​ម៉ូតូ វេច​បង្វិច ​និង​ត្រីងៀត ត្រី​ច្អើ​រ សម្រុកចូល​ទៅ និង​បាន​ទៅ​ស្នាក់​នៅបោះ​តង់​នៅ​ដីចម្ការ​ម្រេច ដែល ​គឺ​ជឿ​ថា​ជា ​ដីចម្ការ​របស់ លោក ខឹ​ម វាសនា នៅ​ក្បែរ​ជើងភ្នំ​គូលែន ក្នុងស្រុក​បន្ទាយស្រី ខេត្តសៀមរាប​។

Picture

ងាក​មក​មើល វី​ឌី​មួយ​ឃ្លី​ប​ថ្មី​ដែល​បាន​បង្ហាញ​ពី​ដៃស្តាំ​របស់​លោក ខឹ​ម វាសនា នេះ​វិញ គឺ​បុរស​រូប​នេះ​បាន​និយាយ​ពី​រឿង​ទឹកជំនន់​ដោយ​លោក​លើក​ឡើង​ថា អ្នក​ដែល​មិន​ជឿ ឬ​មិន​ព្រម​មក​ទីទួល​នៅ​ចម្ការ​ម្រេច​របស់​លោកជា​មនុស្ស​ល្ងង់​។ លោក​បាន​ពោល​បន្ត​បែប​រវើរវាយ​ថា «​គ្មាន​អ្នក​ណា​ដែល​និយាយ​រឿង​លិច​ហើយ​ទេ គេ​និយាយ​រឿង (​ទឹក​) មិន​ទាន់​លិច​ហ្នឹង​»។លោក​អះអាង​ថា អ្វី​ដែល​មេ​បក្ស​និង​សមាជិក LDP និយាយ គឺ​គេ​និយាយ​មុន​មានទឹក​លិចលង់ ដើម្បី​បង្ការប្រសើរ​ជាង​ព្យាបាល កុំ​ចាំតែ​ទឹក​មក​ដល់​លិច​មក​ដល់​ច្រមុះ ទើប​ហៅ​គេ​អោយ​ជួយ​ផង​ៗ​។ គេ​អាច​ជួយ​បាន​នៅ​ពេល​មិន​ទាន់​ស្លា.ប់ នៅ​ពេល​ដែល​ស្លា.ប់​ហើយ​មិន​អាច​ជួយ​បាន​ទេ​។ បុរស​រូប​នេះ បាន​ពោល​បែប​ដៀល​ប្រមាថ​ទៅ​អ្នក​មិន​ជឿ​ខ្លួន​ថា «​អ្នក​ដែល​មិន​យល់​បែប​នេះ​ជា សណ្តាន​មនុស្ស​ល្ងង់​គ្មាន​យល់​អី​ទេ សណ្តាន​ពួក​លិច​ទឹក​» ជាដើម​។

Picture
Picture
Picture
Picture
Picture

បន្ទាប់​ពី​បានឃើញ​វី​ឌី​អូ​ដៃស្តាំ​របស់​លោក ឃឹម វាសនា ហើយ​ក៏​មាន​អ្នក​ប្រើប្រាស់​បណ្តាញ​សង្គម​ជា​ច្រើន​បាន​ចូលរួម​បញ្ចេញ​មតិយោបល់ដោយ​ភាគច្រើន​លើសលុប បាន​ពោល​វាយបក​ដៃស្តាំ​លោក ខឹ​ម វាសនា វិញ​ថា «​និយាយ​ថា​ គេ​ល្ងង់ ទាំង​មិនដឹង​ថា ​ខ្លួន​ឯង​ឆ្គួ​ត ហ្នឹងហើយ​ចែក​ដី​អោយ​កូនចៅ​ព្រំ​ម្នាក់​មួយ​ប្លង់​ទៅ ទាល់តែ​ល្ងង់​ហ្នឹង​ឆ្កួត​ដូច​គ្នា​បាន​នៅ​ជាមួយ​គ្នា​បាន​» ជាដើម​។ បងប្អូន​ខ្លះ​ក៏​បាន​បញ្ចេញមតិ​សម្តែង​ការ​ហួស​ចិត្ត​ថា មិន​គួរ​ណា​ក្រុម​របស់​លោក​បង្រៀន​មនុស្ស​មិន​ឱ្យ​ស្គាល់​គុណ​ម៉ែឪ​ចាស់ទុំ​សោះ សូ​ម្បី​តែ សត្វ​តិរច្ឆាន​ក៏​វា​នៅ​ស្គាល់​មេ ស្គាល់​បា​របស់​វា ដែរ​តែ​ក្រុម​នេះ​បែរជា​បង្រៀន កូន​អោយ​លែង​ស្គាល់​គុណ ឪពុក​ម្តាយ​»​។

បងប្អូន​ខ្លះ​ទៀត​ក៏​បាន​សម្តែង​នូវ​ការ​យល់​ឃើញ​ថា អ្នក​ជ្រួតជ្រាប​ច្បាស់លាស់​ពេក ហ៊ាន​ទស្ស​ទាយ​ស្ថាន​ការ​ទឹកជំនន់ ហ៊ាន​វាយតម្លៃ​សុទ្ធតែ​គេ​ល្ងង់​សុទ្ធតែ​ឪពុក​ម្តាយ​គេ​ល្ងង់​ឆោត មើលងាយ​គេ​សព្វបែបយ៉ាង ជា​ពិសេស​អ្នក​អ្នក​ជុំវិញ​ខ្លួន មិនកើត​មិនល្អ​ទាំងអស់ មាន​តែ​គាត់​អ្នក​កំពុងនិយាយ​ទេ​ដែល​ចេះ​ឆ្លាត​វៃឆ្លាត​ចេះ​ដឹង​ខ្ពស់​ជាង​នោះ​ឬ​» ។

Picture

យ៉ាងណាមិញ បើ​តាម​ប្រភព​ព័ត៌មាន​ពី​សមត្ថកិច្ច​ឱ្យ​ដឹង​ថា កាលពី​ព្រឹក​ថ្ងៃ​ទី ០៨ ខែកញ្ញា ម្សិលមិញ​នេះ មាន​សកម្មជន​៦​រូប​របស់​បក្ស​ជួង រួម​ទាំង​លោក នី ចាន់​ពិនិត្យ ដែល​ជា​មនុស្ស​ជំនិត​របស់​លោក ខឹ​ម វាសនា និង​ជា​ម្ចាស់​ដីចម្ការ​២​កន្លែង​នៅ​ជើងភ្នំ​គូលែន បាន​បើកឡាន​មួយ​ចេញ​ទៅ​ដាក់​ពាក្យសុំ​អន្តរាគមន៍ ជាមួយ​សាលាស្រុក​បន្ទាយស្រីដែល​នេះ​ជា​ការ​សុំ​អន្តរាគមន៍​លើក​ទី​២ ដើម្បី​ជួយ​ចាត់វិធានការ​ចំពោះ​ប្រជាពលរដ្ឋ ដែល​បាន​ចូល​មក ស្នាក់​នៅ​ក្នុង​ដីចម្ការ​របស់​ខ្លួន ហើយ​មិន​ព្រម​វិល​ត្រឡប់​ទៅ​ផ្ទះ​វិញ ដែល​ដីចម្កា​រទាំង​២​ទីតាំង ស្ថិត​នៅ​ភូមិ​ថ្ម​ជល់ ឃុំ​ត្បែង ស្រុក​បន្ទាយស្រី ខេត្តសៀមរាប​។ ជាមួយ​គ្នា​នោះ បុគ្គល​ឈ្មោះ លោក នី ចាន់​ពិនិត្យ ក៏​បាន​ដាក់​ពាក្យសុំ​ឱ្យ​ជួយ​អន្តរាគមន៍​ថា ដីចម្ការ​ទំហំ​២៥​ហិ​កតា​របស់​ខ្លួន មាន​គេ​លួច​ដាំ​របង​លើ​ដីចម្ការ​របស់​ខ្លួន​។

Picture

សម្រាប់​ចំនួន​ប្រជាពលរដ្ឋ​និង​សកម្មជន​មួយ​ចំនួន​នៅ​ក្នុង​បរិវេណ​ដីចម្ការ​ម្រេច ១២ ហិ​កតា គឺ​ត្រឹម​ថ្ងៃ​ទី ០៨ ខែកញ្ញា គឺ​នៅ​សល់​ប្រមាណ​២​ពាន់​នាក់​ដដែល​៕

Picture
Picture
Picture
Picture
Picture
Picture