ខេត្តកែប ៖ លោកឆាង ឆៃអភិបាលស្រុកដំណាក់ចង្អើរ និងវត្តមានលោកសយ ចន្ទ័រ៉ាវុធ ប្រធានការិយាល័យរៀបចំដែនដីរូបនីយកម្ម និងសំណង់ ស្រុកដំណាក់ចង្អើរ រួមទាំងប្រជាពលរដ្ឋ2គ្រួសារ…
ខេត្តកែប ៖ លោកឆាង ឆៃអភិបាលស្រុកដំណាក់ចង្អើរ និងវត្តមានលោកសយ ចន្ទ័រ៉ាវុធ ប្រធានការិយាល័យរៀបចំដែនដីរូបនីយកម្ម និងសំណង់ ស្រុកដំណាក់ចង្អើរ រួមទាំងប្រជាពលរដ្ឋ2គ្រួសារ មកពីភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប កាលពីព្រឹកថ្ងៃទី កញ្ញា នេះ ចូលរួមដោះស្រាយជម្លោះដីធ្លីមួយ នៅសាលាស្រុកដំណាក់ចង្អើរ ។
លោកសយ ចន្ទ័រ៉ាវុធ ប្រធានការិយាល័យរៀបចំដែនដីស្រុកដំណាក់ចង្អើរបាននិយាយប្រាប់ទៅប្រជាពលរដ្ឋឈ្មោះម៉ី ផល ភេទស្រី នៅភូមិភ្នំលាវថា ដីរបស់ស្រី្តឈ្មោះម៉ី ផល ជាប់ពាក់ពន្ធ័និង
ដីភាគីម្ខាងទៀត មានព្រំដីជាប់គ្នាហើយមានការស្រពិចស្រពិលដូចគ្នា ចង្អុរព្រំដីសុទ្ធតែខុស។ លោកប្រធានការិយាល័យរៀបចំដែនដីនិយាយថា រាល់ការចេញប្លង់ទៅលើដីមានទំនាស់មិន
អាចចេញប្លង់អោយបានទេ រង់ចាំភាគីទាំងពីរត្រូវរ៉ូវគ្នា ទើបមន្ត្រីជំនាញចេញប្លង់កម្មសិទ្ធិអោយ ទើបបញ្ចប់រឿង ។
ប៉ុន្តែដីរបស់ពលរដ្ឋឈ្មោះម៉ី ផល ភេទស្រី នៅភូមិភ្នំលាវ ឃុំពងទឹក ពិតជាមិនទាន់ចេញប្លង់អោយគាត់ទេ។ ស្របពេលមិនទាន់ចេញប្លង់ស្ត្រីឈ្មោះម៉ី ផល ដែលមិនទាន់បានប្លង់ក៏ទៅសួរមន្ត្រីនៅមន្ទីររៀបចំដែនដីខេត្តកែប បាននិយាយប្រាប់ថា ចុះចង់បានប្លង់អោយទៅសួរលោកសយ ចន្ទ័រ៉ាវុធ ទៅ ទើបស្ត្រីរូបនោះបានខឹងសម្បាទៅលោកប្រធានការរិយាល័យរៀបចំដែនដីស្រុកថែមទាំងនិយាយរៀបរាប់ប្រាប់ទូរទស្សន៍អនឡាញមួយ ដែលបានផ្សាយប្រមាថ និងចោទប្រកាន់ថា មន្ត្រីកាន់ការិយាល័យរៀបចំដែនដីស្រុកដំណាក់ចង្អើរថា «ជាចោរលួចដី» ។
លោកឆាង ឆៃ អភិបាលស្រុកដំណាក់ចង្អើរ បានចូលរួមធ្វើការសម្របសម្រួលដោះស្រាយជាមួយមន្ត្រីជំនាញខាងរៀបចំដែនដី និងប្រជាពលរដ្ឋកុំឱ្យចោទគ្នា ដោយមិនបានដឹងពីមូលហេតុពិត។
លោកអភិបាលស្រុកបានលើកឡើងថា សម័យនេះហើយ គ្មានមន្ត្រីណាទៅលួចដីប្រជាពលរដ្ឋទេ ដីគាត់នៅតែដីគាត់ដដែល គ្មានបាត់ទៅណាឡើយ ។ ប្រជាពលរដ្ឋឈ្មោះម៉ី ផល បានទទួលយកការដោះស្រាយដោយមានលោកអភិបាលស្រុកដំណាក់ចង្អើរចូលរួមបញ្ចប់រឿងគេចោទមន្ត្រីស្រុកថា ជាចោលួចដី ។
ចែករំលែកព័តមាននេះ