នាងពិការភ្នែកទាំងសងខាង ក៏មិនព្រមលើកលែងដែរ ចាប់នាងរំលោ.ភបានសម្រេច
ខេត្តពោធិ៍សាត់ ៖ បុរសអគតិម្នាក់បានត្រូវនគរបាលធ្វើការឃាត់ខ្លួនបន្ទាប់ពីចាប់នារីក្រមុំមា្នក់ពិការភ្នែកទាំងសងខាងរំលោ.ភរហូតបានសម្រេចកាលពីថ្ងៃទី
ខេត្តពោធិ៍សាត់ ៖ បុរសអគតិម្នាក់បានត្រូវនគរបាលធ្វើការឃាត់ខ្លួនបន្ទាប់ពីចាប់នារីក្រមុំមា្នក់ពិការភ្នែកទាំងសងខាងរំលោភរហូតបានសម្រេចកាលពីថ្ងៃទី១ កុម្ភៈ កន្លងមកនេះប៉ុន្តែម្ដាយនារីរងគ្រោះទើបតែមកដាក់ពាក្យបណ្ដឹងនៅថ្ងៃទី៩នេះ ។ ករណីរំលោភសេពសន្ថវៈនេះ បានកើតឡើងនៅក្បែរទ្រុងមាន់ផ្ទះនារីរងគ្រោះតែម្តង ខណៈនាងនៅផ្ទះតែម្នាក់ឯង ។ នេះជាអំពើទុរយសគួរឱ្យថ្កោលទោស សូម្បីនារីពិការក៏មិនលើកលែងដែរពិតជាបុរសគំរក់អគតិបំផុត ។
នគរបាលប៉ុស្តិ៍រដ្ឋបាលឱ្យដឹងថា ជនសង្ស័យដែលឃាត់ខ្លួនឈ្មោះ អ៊ុម ហុង អាយុ៣៧ឆ្នាំ មានប្រពន្ធ និងកូនប្រុសស្រីចំនួន៥នាក់ ។ ចំណែកនារីរងគ្រោះអាយុ២៩ឆ្នាំ ជាជនពិការភ្នែកទាំងសងខាងរស់នៅជាមួយម្ដាយក្បែរផ្ទះជនសង្ស័យដែរ ។ ការឃាត់ខ្លួនជនសង្ស័យនេះតាមពាក្យបណ្ដឹងរបស់ស្ត្រីជាម្ដាយរបស់នារីរងគ្រោះដែលបានរៀបរាប់ថា កាលពីថ្ងៃទី១ ខែកម្ភៈ ខណះពេលដែលគាត់មិននៅផ្ទះ ឈ្មោះអ៊ុម ហុងនេះបានចាប់កូនស្រីរបស់គាត់ដែលជាមនុស្សពិការភ្នែករំលោភរហូតបានសម្រេច ។
ពេលរំលោភរួចឈ្មោះហុងនេះបានប្រើពាក្យសំដីគំរាមសម្លាប់ចោល បើសិនណាកូនស្រីរបស់គាត់និយាយប្រាប់គាត់ជាម្ដាយឬប្រាប់អ្នកផ្សេងឱ្យបែកធ្លាយរឿង ។ ដោយខ្លាចឈ្មោះ ហុងសម្លាប់កូនស្រីរបស់គាត់បានលាក់ទុកតាំងពីពេលនោះមករហូតទើបតែនៅថ្ងៃទី៩ កុម្ភៈ នាងប្រាប់គាត់ៗក៏មកដាក់ពាក្យបណ្ដឹងនៅប៉ុស្តិ៍រដ្ឋបាល ។
សមត្ថកិច្ចឱ្យដឹងថា បន្ទាប់ពីទទួលបានពាក្យបណ្ដឹងនេះភ្លាមក៏ចុះស្រាវជ្រាវ និងធ្វើការឃាត់ខ្លួនឈ្មោះហុងនេះតែម្ដង ។
សមត្ថកិច្ចឱ្យដឹងថា ក្នុងពាក្យបណ្ដឹងម្ដាយនារីរងគ្រោះបានទារសំណងជំងឺចិត្តចំនួន៥.០០០ដុល្លារ និងឱ្យសមត្ថកិច្ចផ្ដន្ទាទោសជនសង្ស័យតាមច្បាប់ ។ បច្ចុប្បន្នជនសង្ស័យត្រូវបានបង្កសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី ៕
ចែករំលែកព័តមាននេះ