គ្រោះថ្នាក់នៃជំងឺដាច់សរសៃឈាមខួរក្បាល
ជំងឺដាច់សរសៃឈាមខួរក្បាល កំពុងធ្វើឲ្យមនុស្សពេញវ័យជាច្រើនទៅជាពិការភាព និងក្លាយទៅជាឃាតករសម្លា.ប់មនុស្សច្រើនជាងគេ ។ អ្នកស្រាវជ្រាវបានរកឃើញថា អ្នក
ទទួលទានស្រានិងបារីច្រើនពេក គឺជា
ជំងឺដាច់សរសៃឈាមខួរក្បាល កំពុងធ្វើឲ្យមនុស្សពេញវ័យជាច្រើនទៅជាពិការភាព និងក្លាយទៅជាឃាតករសម្លាប់មនុស្សច្រើនជាងគេ ។ អ្នកស្រាវជ្រាវបានរកឃើញថា អ្នក
ទទួលទានស្រានិងបារីច្រើនពេក គឺជាកត្តាដែលបណ្តាលឲ្យកើតមានជំងឺដាច់សរសៃឈាមខួរក្បាលដោយសារតែការហូរឈាម ។ ការកើតមានជំងឺលើសឈាម ក៏ជាកត្តាចម្បងដែលបណ្តាលឲ្យកើតមានជំងឺនេះផងដែរ ។
ជំងឺនេះកើតឡើងដោយសារតែសរសៃឈាមដែលទៅចិញ្ចឹមខួរក្បាលនៅផ្នែកណាមួយ រងការស្ទះជិតឬរួមតូច ជាហេតុនាំឲ្យកាត់បន្ថយលំហូរឈាមទៅចិញ្ចឹមខួរក្បាលយ៉ាងធ្ងន់ធ្ងរ ។ ចំពោះរោគសញ្ញារបស់ជំងឺដាច់សរសៃឈាមខួរក្បាល អាចនឹងប្រែប្រួលពីមនុស្សម្នាក់ទៅមនុស្សម្នាក់ទៀត អាស្រ័យទៅតាមប្រភេទរបស់វា កន្លែងនៃខួរក្បាលដែលរងការប៉ះពាល់ និងរយៈពេលនៃការខូចខាតផងដែរ ។
សញ្ញាព្រមាននៃជំងឺដាច់សរសៃឈាមខួរក្បាលដែលកើតឡើងញឹកញាប់បំផុតមាន ៖
-ស្ពឹកនៅដៃ ជើង ឬមុខ ជាពិសេសមួយចំហៀងខ្លួនតែម្តង ។
-ពិបាកក្នុងការដើរ បាត់បង់លំនឹង ។
-ពិបាកនិយាយ និងពិបាកយល់ថា នរណាកំពុងតែនិយាយអ្វី ។
-ពេលលើកដៃទាំងពីរឡើង គឺពិបាកទប់ណាស់ ឬងាយនឹងធ្លាក់ចុះវិញ ។
-សំឡេងដែលអ្នកជំងឺនិយាយគឺចម្លែក ឬឮសូឡុលៗ ។
បើសិនជាអ្នកសង្កេតឃើញសញ្ញាមួយនៃសញ្ញាខាងលើ អ្នកគួរតែទាក់ទងទៅគ្រូពេទ្យភ្លាម ឬរថយន្តសង្គ្រោះបន្ទាន់ ។ លើសពីនេះទៀត ការព្យាបាលមួយចំនួននៃជំងឺដាច់សរសៃឈាមខួរក្បាលអាចមានប្រសិទ្ធភាពបាន លុះត្រាតែបញ្ជូនទៅមន្ទីរពេទ្យនៅពេលចេញរោគសញ្ញាបាន៣ទៅ៤ម៉ោង ។ អ្នកក៏គួរតែចងចាំថា ការធ្វើទុក្ខរបស់ជំងឺដាច់សរសៃឈាមខួរក្បាល និងរោគសញ្ញារបស់វាគឺកើតឡើងភ្លាមៗតែម្តង ។ ដូច្នេះបើសិនជាអ្នកមានរោគសញ្ញាព្រមានមួយឬច្រើនខាងលើនេះរយៈពេលច្រើនជាងពីរបីនាទី សូមកុំរង់ចាំវាធ្វើទុក្ខខ្លាំងអី ចូរស្វែងរកការព្យាបាលភ្លាមៗ ៕
ចែករំលែកព័តមាននេះ