ខេត្តបាត់ដំបង ៖ ប្រភពពីមន្ត្រីកងរាជអាវុធហត្ថបានឱ្យដឹងថា កម្លាំងការិយាល័យប្រឆាំងបទល្មើសគ្រឿងញៀ.ន នៃបញ្ជាការកងរាជអាវុធហត្ថខេត្តបានឃាត់ខ្លួនមនុស្ស២នាក់ ដែលសង្ស័យថា ជាមេខ្លោងរត់ពន្ធថ្នាំញៀនខុសច្បាប់ កាលពីវេលាម៉ោង១២ និង
ខេត្តបាត់ដំបង ៖ ប្រភពពីមន្ត្រីកងរាជអាវុធហត្ថបានឱ្យដឹងថា កម្លាំងការិយាល័យប្រឆាំងបទល្មើសគ្រឿងញៀន នៃបញ្ជាការកងរាជអាវុធហត្ថខេត្តបានឃាត់ខ្លួនមនុស្ស២នាក់ ដែលសង្ស័យថា ជាមេខ្លោងរត់ពន្ធថ្នាំញៀនខុសច្បាប់ កាលពីវេលាម៉ោង១២ និង៣០នាទីរំលងអធ្រាត្រ ឈានចូលថ្ងៃទី០៤ កុម្ភ: ស្ថិតនៅតាមផ្លូវក្នុងភូមិជ្រៃកោង សង្កាត់ស្លាកែត ក្រុងបាត់ដំបង ព្រមទាំងរឹបអូសថ្នាំញៀនបានយ៉ាងច្រើន ។
សេចក្ដីរាយការណ៍ថា ជនសង្ស័យទាំង២នាក់ ម្នាក់ឈ្មោះវ៉ា ស៊ីថារ៉េន ហៅអ៊ួក ប្រុសតែងស្រី អាយុ៣៧ឆ្នាំ និង២-ឈ្មោះវោ វុទ្ធី ហៅវី អាយុ២៨ឆ្នាំ ។ នៅពេលឃាត់ខ្លួនភ្លាមៗ មន្ត្រីជំនាញបានដកហូតថ្នាំញៀនប្រភេទICE(ម៉ាទឹកកក)ទម្ងន់០,៤៤ក្រាម និងម៉ូតូម៉ាកឃ្លីកមួយគ្រឿង ពីជនសង្ស័យទាំង២នាក់ ហើយបញ្ជូនទៅកាន់ទីបញ្ជាការកងរាជអាវុធហត្ថខេត្ត ដើម្បីសួរនាំ ។
ក្រោយពីសួរនាំ នៅវេលាម៉ោង០៧ និង៣០នាទីព្រឹកថ្ងៃទី០៤ កុម្ភ: ដដែល កម្លាំងជំនាញដោយមានការចូលរួមពីស្ថាប័នអយ្យការអមសាលាដំបូងខេត្តផង បានចុះទៅឆែកឆេរលំនៅឋានរបស់ឈ្មោះវ៉ា ស៊ីថារ៉េ ហៅអ៊ួក នៅភូមិជ្រៃកោង សង្កាត់ស្លាកែត ក្រុងបាត់ដំបង ។ ការចុះឆែកឆេរនេះ មន្ត្រីជំនាញបានរកឃើញវត្ថុតាងថ្នាំញៀនប្រភេទICE(ម៉ាទឹកកក)ចំនួន១៤កញ្ចប់ធំ មានទម្ងន់៤៦៩,៤៤ក្រាម ដកហូតម៉ូតូម៉ាកឃ្លីកមួយគ្រឿង ទូរស័ព្ទដៃ៤គ្រឿង និងសម្ភារមួយចំនួនទៀត។
ពេលនេះជ នទាំង២នាក់ដែលគេសង្ស័យជាមេខ្លោងរត់ពន្ធថ្នាំញៀន កំពុងត្រូវមន្ត្រីជំនាញឃាត់ខ្លួន និងកំពុងសួរនាំនៅទីបញ្ជាការដ្ឋានកងរាជអាវុធហត្ថខេត្ត ដើម្បីកសាងសំណុំរឿងបញ្ជូនទៅតុលាការ ។
ចែករំលែកព័តមាននេះ